31 JULY 2004 - 你想我變成點呢?

今日同一班舊同學 gathering, 最耐o既有四年冇見... gathering o既活動係唱 k, 地點係皇室堡.
今日有八個人到左, 噓~ 計埋我, 有四個科大人~ 有個成日都撞到架啦~
四年冇見o個個曾智康呢? 讀緊書咯. 佢話我又係咁o既樣, 把聲都冇變喎~ 你想我變成點呢? 哈哈~
其中一個, 中一開始改名叫 alex, 咁入左港大的.
其實有 d 都仲有 icq 聯絡啦~

由於大家o既品味都唔同, 我識唱o既歌佢地唔識, 佢地識o既我又唔識, 當然有 d 乜都唔識...

咁唱完 k, 落到樓下就聽到方力申o既歌, 應該係<好好戀愛>.哇~ 真係港大 alex 呀! 我拎左部相機出黎影.
攪到好似 d 妹妹仔追偶像咁... 丟架...

走之前, alex 捉住我地唔比走, 要研究下一次活動, 有好多提議, 我價錢先決.
其實過夜我就唔係好 prefer, 都係怕會有悶場. 又有提議燒野食燒通頂, 我真係未試過.

跟住就去298行兩轉, 以前放學之後好多時都會行的. 然後就返屋企咯.

返屋企要即刻充電, 即係訓覺. 訓醒之後就去踢波.
今日大家都冇乜態, 應該話我長期都係冇態的. 係咁失波. 睇返今日到o既幾乎全部都係攻擊型球員, 冇人防守!
今日十一點都未到就走左, 佢地話去打邊爐. 一來我覺得貴, 二來我個肚有 d 唔舒服, 仲叫我食野... 三來我想返屋企.
總之唔想就會找到一千個藉口, 想的話起碼會找到一個理由.

直到依家我都未開始溫書, 聽日都係唔影相咯~
好多時影完睇返都覺得唔開胃. 這個是真的.