02 AUGUST 2004 - 冇所謂? 有所謂!

今日又返學校溫書. 溫書之前搵阿禮食飯, 今日仲有學而同埋阿 rain.

同學而溫左差唔多一個鐘先.
跟住就我自己溫啦~

溫書的過程:
溫書--> 訓覺 --> 諗野
重複數次...

都冇乜心機溫, 我都係覺得 d 野好淺, 覺得識晒, 係覺得咋...
冇o個種恆心去努力地, 細心地, 認真地睇.

今次差 d, 未到八點就收工啦...

去到小巴站. 我見到有小巴黎緊, 但係同時都見到有架巴士喎, 架巴士係 792M.
通常小巴會等客, 巴士唔等的. 咁我都係揀左巴士, 見佢話經坑口嘛.
點知, 上左巴士之後, 發覺架小巴冇等客, 冇所謂啦~

之後就有所謂啦! 架巴士唔係去坑口地鐵站o既! 我諗佢去緊寶琳! 唔掂, 好遠的!
最後我見到有地鐵路牌就落左車了. 行餐死先去到將軍澳地鐵站.

其實今日就同上個星期三差唔多.