03 AUGUST 2004 - 名符其實

今日就考 final 啦! 黎緊o既日子就係名符(合)其實"暑假" 啦~
我預四十分鐘車程.
真係預得岩岩好, 咁就出事咯.
去到油塘, 話乜野故障, 全部人都要落車喎.
去到小巴站, 睇住架車走, 咁再等過咯, 我排第二的.

就係咁我就遲到了! 不過上晝考試比下晝考試好! 比我一個朝早, 我只會發呆.

份卷比想像中難, 咁咪好囉! 唔會個個一百分嘛!

考完就睇返兩三個星期前係咁做o個份 case report.
96.5 分, 算係咁啦~ 我地付出咁少, 冇100分都好理所當然的.

queenie send 左一堆周杰倫o既歌, 我真係一句歌詞都聽唔到!
周杰倫的歌多數都唔會令我產生共鳴的.

越夜我個人就越累, 阿媽入房播<開心大發現>比我睇, 講用間尺切漢堡包.
咁我就睇啦, 跟住繼續睇落去, 我開始覺得煩厭了. 尤其係聽到"電視雪花令 BB 唔喊"
雪花聲真係好煩, 我叫佢停, 我唔想再睇, 佢聽而不聞, 最後我大大聲咁播歌, 佢最後都停了, 不歡而散.
其實我唔止一次表達我唔想再睇... 其實我係想靜的.
邊個有錯呢? 唔知.