16 AUGUST 2004 - 派咭片... 多餘的

今日要做搬佬, 搬一堆過期o既攝影雜誌當 souvenir.
約左兩點半, 我又奉旨遲到, francis 見我同阿 ball 咁耐都未到, 佢就自己去食野先.
咁留低我同阿 ball.... 幾多 dead air.

一路上, 我都淨係同francis 講野... 去到雜誌社, 首先做一 d 好儀式o既動作, 派咭片... 多餘的.
佢問我地要幾多本, 我地話:"三百" 中招! 三百本好重架! 咁貪心做乜野...

搬到我地死下死下, 上巴士都難! o係鑽石山見到 billy, 笑臉迎人咁, 唉~ 唔係好熟架咋喎~
最後搬到架車都爛埋. 搬晒 d 野上阿tim 間房就收工了.
阿 tim 真係頗唔負責任... 佢自己應承話負責搬野, 我尋晚打比佢先記得呢件事, 然後又話黎唔到.
不過都算係有交帶, 唔會電話都冇個就閃左人...
如果我唔出現, 咁咪搬死 yohoo o個兩個大漢... 其實, 如果唔知得唔得, 話"唔得"點都好過話"得"o既...一個女人就改變左佢了...

下晝講好左話游水, 但係又冇人打個電話話知游定唔游...
咁我就去觀眾席睇下佢地o係唔o係度, 我打電話又冇人聽, 最後我出入觀眾席兩次先睇到佢地!

咁我就換衫, 落去搵佢地喇. 今日有我, 鴻, 禮, suki, sam 五個人.
唔知點解今次游"快線" o個邊, 應該係怕人多掛.
一邊游, 一邊計劃下之後o個幾日有 d 乜野做. 咁就諗左好多野出黎. 又話打麻雀打通頂, 又話要 o'camp 之前o個日要玩足全日. 應該攪得成o既.

游完就食飯, 唔係食飯, 係食老麥... seafront 仲未開返, 所以就要出 LG5 食.
途中見到 alex 喎~ 拎住兩包炭, 我第一樣諗o既就係燒炭... 哈哈...

跟住就返屋企咯.