09 AUGUST 2004 - 同月同日生

今日又係返去做 project, 阿鴻又唔o係度, 咁得返我同 eric 兩個...

今日去我地o既主場, human performace lab 開工, 其實都係畫下野咁o者...去邊度畫都係一樣的. 入面有好多"不准拍照" o既標示, 唔通因為我上次入去o個陣影過相?
仲有研究下點樣幫個webpage set password, 我地一直都以為 channa 識, 可以教我地, 點知原來佢係唔識的. 好彩我地最後都研究到...

突然間有 d 唔開心o既感覺, 突然覺得好苦悶, 又突然覺得孤單?_? ... 又可能係腦袋轉動得太快了. 我都係痴線架啦~ 仲有 d 眼濕濕o既感覺喎...

應該記住:"always look on the bright side of the life"

返屋企之前去左剪頭髮, 是但剪短就得架啦~

返屋企都係做一推指定動作. 開住 icq 搵人講下野.

阿媽無端端又問我拍拖o既問題, 我答親o既野都係大話, 哈哈哈~
問"有冇睇中邊個呀...", "冇呀". 問"有冇諗住幾時搵呀?", "冇呀" "乜都冇呀".

我突然同阿媽講起有個莊 mate, 我同佢講"學校 d 人", "莊 mate" 呢個字太深了... 同我同月同日生架喎! 佢問我靚唔靚仔架? 我話女仔黎架喎! 睇過 d 相之後...仲話"幾靚女" "幾可愛" "幾爽" 喎........*汗*汗*汗*汗*汗*汗*汗*汗*汗*
叫我追左去喎, 痴線啦, 唔岩喎~ 論據係: "大家有著共同的喜好", 其實呢個咪即係我o既翻版... 冇意思. 咁同年同月同日生咪要即刻娶左佢!?