22 AUGUST 2004 -大帝

今日係 ocamp o既第二日, 勁眼訓... 今日o既早餐係麵包, 冇乜味的, 岩晒呀, 都冇乜胃口. 食完野就玩 joint soc mass game. 無鬼聊啦, 係咁 dem cheers, 我地人又少, 壯丁又少, 玩乜都輸比其他 department 呀. 見到阿婷呢個 account 人玩 ee o'camp 喎, 真係離晒譜!
嘈完就返 hall 執野, 順便訓返陣.

一陣去清水灣玩水戰喎, o camp 玩水戰通常都o係 soccer pitch, 去清水灣真係第一次聽! 去清水灣之前食飯先~ 食 LG7, d 送都係時食o個 d, 對我黎講就冇乜新鮮感, 日日都係食呢 d 野架啦~ 有成十幾個人一齊食, 感覺好疏離.

跟住就起程去清水灣, IE soc 安排得唔錯, book 左架城巴, 路途中係咁落雨, 幾驚一陣冇得玩呀. 落車之後再行一段路, 就到今日o既目的地 - 清水灣一灘.

去 到 settle down 先, 擺低晒 d 野. 跟住就去沙灘喇. 幾好呀, 行幾步就有水, 唔洗去水喉. 玩左一陣, 阿詩都黎埋喇. 兩組兩組咁玩, 我地第六組點都係對第一組, 第一組o既 leader 係一班 year3, 有幾個 direct ent o既師兄, 有 d 上莊o既 ex-co. 上莊o既 ex-co 自視甚高, 極之寸嘴. 真係唔知憑乜野寸得起... 上莊個 IVP 比阿作班人捉左落水. 跟住佢地走去同現莊嘈... 算啦~ 佢地都係鐘意自成一閣, 尋晚自己出左去滿記, 醒!

玩完之後就玩水戰, 之後我同班組仔玩下數字球, 阿程同 athena 先後輸左, 比人捉左落水, 哈哈~ 跟住見到 devil, 阿恆佢地玩划艇, 我又玩埋一份, 第一次咋, 大家都唔識划, 艇仔好細, 岩岩好坐四個人, 郁都冇得郁. 我又要負責划, 但係坐都唔好, 出唔到力的! 好彩有何國智落水導航! 我地又慢, 而且又錯方向...第一次上浮台咋, 感覺好飄~~~~~~

我都唔知玩左幾耐, 因為一直都冇時間睇. 玩左一陣阿禮同學而都黎埋... 我同阿禮又玩多轉, 跟住就返去食野喇. 我同阿禮一齊划, 划得好快喎~ 今次用兩隻手, 出盡全身o既力嘛! 阿禮岩岩先開始, 所以唔捨得走呢~

今 日o既晚餐係原野燒烤, 都唔係好原野, 只係唔用燒烤叉, 而係用竹的. 我返到去o個陣, 佢地已經準備好晒, 個爐已經ready 了. 岩岩又落左水, 成身濕晒呀, 我又冇換衫, 成晚著住件濕衫, 唔舒服呀... 仲有副眼鏡, 頭先擺低左比 cathy, 跟住 cathy 又比左阿 P... 我一直都係眼矇矇! 佢地都幾有腦, 用兩張凳"long" 起支竹, 就咁燒. 要我兩手空空, 我又唔係好慣, 但係的確冇野做... 全程 suki 同 athena 都係一貫o既住家 feel, 好熟手咁服侍大家, 執頭執尾. 我諗緊會唔會比人踢爆架... 唔關事喎, 住家同 freshman 冇關係的. cathy, 阿詩, queenie 都好落力幫手呀! 阿鴻同芳婷開頭負責燒麵包, 幾好食的! 芳婷都係怕怕醜醜, 比較少出聲. 一班組仔呢? 好似冇乜人幫手做咋喎, 食就有佢地份, 成班大帝... 最難燒o既就係雞, 成大隻雞好難燒得熟呀! 最後都要斬件... 我o棄o棄地咁幫手, 都不忘食野, 最後都食得飽~ 學而呢個組爸呢? 出現左一陣就走人了, 走之前仲同 athena say good bye.... 三唔識七點會 say good bye 呀.... 出事

燒完就跳 camp fire, 好玩呀~ o係沙灘, 可以玩踢沙, 我都食左兩口沙... 跳完就成大班人圍個圈, 班 ex-co 叫 d 組仔組女講下感受. 我班組仔真係畀面, 係咁講"多謝 richard so". 好彩班野冇走黎 con 我... 佢地仲話我地到時到候就失蹤, 哈哈~ 我地過左 newhall 沖涼嘛~

今日o既行程都算係特別~ 由出清水灣開始已經有驚喜了!

回程o個陣原來諗 住去 seafront 食糖水, 或者食野, 但係今日係星期日喎, seafront 冇開. 我地一班組爸組媽又去左 newhall 沖涼, 仲有食下野先啦~ 冇計啦~ newhall 沖涼唔洗等嘛~suki 同 athena 呢兩個 spy 開始計劃將來, 聽日唔蒲頭了!

之 後我地又返去 hall 4, 尋日一班組爸組媽冇照顧組仔, 今日照顧返啦~ 開頭鋤 d, 跟住睇組仔阿偉玩魔術, 幾有趣, 唔容易睇到破綻. 但係佢地唔知講乜野故事, 即係講個結局, 要我地估中間發生o既事. 悶到訓著呀~ 我地坐到三點先走, 佢地都累啦~ 尋晚唔夠訓, 今日玩全日喎!

阿鴻就訓先, 我同阿禮就去睇阿 sam 鋤 d, 跟住我地都訓了.

對住兩個識o既人又要扮唔識, 真係幾得意. 不過 suki 成日同一班組媽行得咁埋, 會唔會已經穿左呢? 睇 athena o係度扮白痴真係幾好笑, 好笑在一班組仔唔知乜事(或者).