報紙話今日有個電腦展, $100 有套無線 mosue + keyboard, 咁就有 d 想買, 但係又懶懶地喎.
最後都係去左, 因為今日唔去之後都唔會得閒去.
去到見到我想買o既野, 但係冇寫價錢o既, 再睇下其他同類產品, 冇咁平架喎! 通常都要二百幾蚊, 的確我個 keyboard 同 mouse 冇病冇痛, 冇乜需要換... 除非套無線 keyboard + mouse 真係好平.
一場黎到, 繼續周圍睇, d 野係咪真係好平呢? 似乎又唔係, 越睇越悶... 途中不停見到有 d 影友拎住部 dc 係咁影 d promotor 姐姐... 有 d 係明影, 有 d 冇問過就影, 兩樣我都到唔多順眼.
有個檔賣電池的, 仲有電筒賣, 我又諗起聽日 ocamp 要用電筒, 咁就買左喇, 十蚊三支. 但係電腦展賣呢 d 野又真係古怪左 d.
話悶都行左一個鐘, 跟住就返屋企啦. 行出會展經過 設計廊, o個 d 野反而仲好睇, 幾得意! 好過電腦展o個 d 野先! 返屋企之前去吉之島行下.
返屋企又係打下機, 睇電視...
夜晚就要"執行履", 準備聽日o既 ocamp. 其實洗乜咁緊張呢, 就算帶漏野, 最壞情況都係去百佳買.
今日有兩個代表香港o既 中國乒乓球手入左決賽, 無線不停咁播, 好似已經冠軍咁... 太誇張了! 比佢地拎埋冠軍真係唔知會點... 起碼佢地可以吐氣揚眉囉! 國家隊唔重用佢地, 佢地代表香港打入決賽, 仲要打敗返國家隊, 威水! 到時可能佢地又會講:"香港o既運動員唔係垃圾!"
但係原來懸掛國旗同區旗係有一堆 guide line 的, 到時港隊嬴左會點呢?
同 時 懸 掛 國 旗 及 區 旗
凡 國 旗 與 區 旗 同 時 懸 掛 時 ， 須 將 國 旗 置 於 中 心 、 較 高 或 者
突 出 的 位 置 。 國 旗 與 區 旗 同 時 或 并 列 升 掛 、 使 用 時 ， 區 旗
應 小 於 國 旗 。
列 隊 舉 持 國 旗 和 區 旗 行 進 時 ， 國 旗 應 在 區 旗 之 前 。
平 列 懸 掛 國 旗 和 區 旗 時 ， 國 旗 在 右 ， 區 旗 在 左 。
於 室 內 展 示 國 旗 及 區 旗 ， 在 確 定 旗 幟 後 方 牆 壁 的 "左"、 "右"
時 ， 以 人 背 向 該 牆 而 立 ， 面 向 前 方 時 的 "左" 、 "右" 為 準 。
於 建 築 物 外 展 示 國 旗 及 區 旗 ， 在 確 定 該 建 築 物 的 "左" 、
"右" 時 ， 以 人 立 於 建 築 物 前 ， 面 向 該 建 築 物 前 門 時 的 "左" 、
"右" 為 準 。
No comments:
Post a Comment