10 AUGUST 2004 - 夠架啦!

今日到我 reg 科啦~ 今次都係返學校 reg 啦, 佢地好多人都o係 barn b, queenie 啦, 阿詩啦~
原來阿禮, 源哥都o係度喎!

阿禮行埋黎第一句"生日快樂", 我已經盡量低調架啦喎~ icq info 又唔寫, 我唔小心講過一次o者...
咁佢都記得, 真係有我心呀...

睇住阿詩 reg 科, 真係好蠢架, 好自然就會鬧佢"豬", 哈哈~ 全部出自本能咯.
真係喎~ 有乜理由唔諗定 add 邊科架. 不過其實太多unexpect 啦, 比著我, 都未必會處理得好.

我就 add 左雷鼎鳴o個科, 不過我都唔知會唔會讀的, 因為太多 unknown 了.

add 完科就同阿詩, queenie 去食tea, 大家為左 add course 都攪到廢寢忘食.
我差唔多兩個星期冇食 tea 了. 佢地研究點樣幫我慶祝... 其實乜都唔洗做啦~ 記得我生日我已經覺得好好架啦~ 或者三條友食 tea 都係唔錯o既慶祝方式吧~ 哈哈~
又或者第日先咯~ 不過蚊池呢 d 玩意都係唔岩我架啦~

食完野, 佢地兩個就出旺角, 我就同阿禮想去搵 dr. so, 又係叫 richard =.="
為大家謀福利, 想佢幫我地叫 dept 幫科 ieem245 加位啦, 佢肯加位比我地讀就好咯~
大概諗下應該點講, 咁就拍門, 冇人應o既, 開門, 開唔到的... 咁就打封 email 過去喇.

之後就出旺角join 返佢地. 又係睇女人野啦, 今次同佢地睇泳衣. 比唔到乜野專業意見喇, 顏色方面都還可以的. 我覺得我入去o個 d 鋪頭好似好奇怪咁... 哈哈~

返到太古城就去美食廣場搵一班親戚, 今日姑婆黎左, 所以一大班親戚就去到 food court 聚一聚啦, 好大陣仗呀! 同表哥傾計, 感覺唔係咁好呢, 好豪氣呢, 語氣有 d 似想鬧交咁. 可能我平時講野都係咁上下呢~ 哈哈~
臨走之前, 我突然覺得有需要影合照! 咁就拎部相機出黎影喇.

返到屋企, 家姐送左塊羽毛球拍比我喎! 多謝晒呀... 可惜...... 我比較少打羽毛球呢. 仲有阿媽送左張生日咭比我~ 哎呀~ 咁大個人仲送呢 d 野 ~_~


在此也謝過同我講過"生日快樂"o既人呀! 一句生日快樂已經好夠架啦~ 唔洗用行動黎表示的.
過左今日我就係廿一歲喇, 又大一歲喇, 不錯~