21 AUGUST 2004 - "sh! 收皮"

今係 ocamp o既第一日, 晨咁早就起身, 都係遲到! 聽完 briefing, 十一點去食 lunch, 今日 suki 同 athena 都o係度, 但係身份就有d 唔同, 今日佢地係 spy, 要詐唔識佢地... 換左 ocamp tee, 今次件 tee 幾靚, 我可以再著返! 不停等 d freshman, 有冇組女呢? 係冇o既, o個兩個係 spy, 唔係組女, 哈哈~

班人摺摺地o既, 又唔諗 cheers... 好, 我呢個組爸諗啦, 教壞細路, cheers 入面有"con 人蚊池", 咁佢地就識得con 人了. 咁我好不幸就做左佢地o既實驗品了... 今次 ocamp o既主題係"薯", 我地o既組名係"sh! 收皮"

cheers 係:
我地玩 game 實力
con人蚊池最積極
你地個個慒盛盛
我 lor 第一你咬我食
sh! 收皮!

落 LG1 玩 game, 班 year 3 真係好茅! year 3 大晒咩... 我班 freshman 呢? 感覺都係怪怪地, 未熟掛. 玩完就落 hall4 settledown. 死人楊健鴻同阿禮居然...

今日o既晚餐係 pizza bird, 都唔好食o既... 食完同一班組仔一齊玩夜遊, 攪錯... 我呢個 leader 要同佢地一齊遊花園. 班組仔越黎越癲了, 想con 我, 差 d 就大打出手...有個組仔好問題少年 feel, 真係十萬個為甚麼.

今次夜遊o既主題 係搵真兇, 故事話阿 P 死左, 兇手係 ex-co 其中一個. 好有心思呀, 一定好過淨係走 check point.

之後就出坑口食糖水, 呢間野唔多掂, 淨係得涼粉同西米露揀, 西米露仲要賣晒...

返 hall settle down, 成班組爸組媽, 同兩個 spy 一齊鼠上 newhall 沖涼, 唔洗同人爭同順便休息下嘛...

沖完又返 hall 4, 跟住去 athena 間房傾計, 房入面有我, 鴻, 禮, sam, athena, cathy.
第一件事就係研究邊個組仔主動要 con 人呢... 佢地班人話撐我喎, thanks. 希望唔洗佢地幫手啦~

跟住成班八公八婆o係度講是講非, 都係我最八架啦~ 我正八公.

athena 同 suki 呢兩個 spy 都算係稱職啦, 扮白痴... 扮唔識真係好玩喇, 不過真係唔容易.
唔知佢地仲捱得幾耐呢.