今日又返去做 project, 試一著新鞋先~ 唔好著, 真係唔多好著, 不過冇得怨啦~ 一分錢一分貨嘛. 一返到, 我岩岩好遲左半個鐘~ 哈哈哈~ 做左一陣就落去食飯, 食完飯就繼續做. 返到去 HP lab, 見到幾位 postgraduate 師兄, 係咁鬧我老細呢樣唔好o個樣唔好, 勁攪笑, 佢地仲教 channa 講港式粗口~ channa 係斯里蘭卡人.
一直講做 project, 到現階段都只係準備下文書o既野, 寫下 email, 寫下 planning, 都未真係落手做.
做到四點, 我就去開會啦~ 後日就係 o'week, 我地 photosoc 乜都未傾! 今日要傾啦~ 得五個人, 灰呀~ 遲傾有遲傾好~ 通常設計 counter 都會用竹, 但係今日唔比用, 怕打風危險喎~ 咁就唔用囉~ 反正我地未諗. 開會都係o棄o棄地, 主要都係安排一下聽日o既行程, 同埋 o'week o既一堆細節.
開完會就走人喇, 去剪頭髮, 上次剪係八月九日, 真係唔抵, 咁快又剪... 無辦法, 真係長. 如果o係珠海剪咪幾好~ 十幾蚊人仔咋~ 可惜無時間, 無機會啦~ 之前o個晚睇電視, 唐英年話 d 大陸人有 $15 洗剪吹都唔要, 專登黎香港剪, 就係貪香港好 d 喎~ 好似同我講緊咁...
今次搵過第二間剪, 都 ok o既~
返屋企就食飯, 跟住就上網.
阿禮o既日記話我去旅行o個幾日同平時唔同, 真係唔平時唔同? 應該係的, 我都覺得有 d 唔同, 除左人生路不熟, 仲有就係變得拘緊, 唔多自然囉. 真係好多野都瞞唔到佢呢!
都唔知點解我會冇 hall offer o既... 真係唔知 Student Housing Office 點做野o既... 鼓勵我地買 hall?
住唔住好呢... 我應該唔會有下一個 fall sem 了, 真係有今生冇來世, 但係家庭方面有 d 壓力喎. 兩難.
Tuesday, August 31, 2004
Subscribe to:
Post Comments (Atom)
No comments:
Post a Comment