14 AUGUST 2004 - 唔知點解會咁嬲

今朝早早起身, 約左學而十點半返科大, 想調 training. 十點半佢仲o係鑽石山, 咁我落 LG5 食早餐先咯. 十一點, 學而返到喇, 咁就上去 ITC 搵 MAGGIE, 佢太仁慈了, 我地都唔好意思同佢嘈.

咁今日真係o徒 gas... 出到黎, 順便去埋觀塘, 又係攞 card 片, 主席o既咭片, 諗到要幫冇理取鬧o既主席做野, 真係冇心機... 好彩今次係整埋 membership card, 幫大家做野.

返屋企途中, 阿媽打電話黎話去會展o既美食博覽食飽佢... 好呀, 應該幾得意的. 返到屋企家姐又話叫 pizza, 咁就叫 pizza 喇. 開餐之前, 我都係訓返陣先.

食完野, 阿媽都係話去美食博覽... 雖然我得閒, 但係我都係唔多想去, 我比較想留o係屋企. 算數, 比面, 照去. 去到呢... 好多人, 寸步難移! 好多"美食" 都係一 d 減肥藥, 仲有唔知乜野藥. 同我心目中o既景象差好遠! 我 expect 係多國美食, 而且係熟食... 呢度見到o既野都唔係乜野新奇事, 係一d 好普通o既野.

真係冇乜心機行咯, 好多人好多人, 又累, 好想乜都唔理, 即刻返屋企. 但係又係比面, 所以繼續. 由展覽場 1 行到展覽場 2... 其實我心目中都有個時間, 一定要走!

唔知做乜, 我家姐叫我走先, 我好嬲, 咁就真係走先. 我都唔知點解會咁嬲的. 又或者係覺得佢唔尊重我, 有少少趕我走咁o既樣. 又或者係見我太悶, 覺得呢個係最好o既 solution? 又或者係我心煩多疑, 唔關佢事的... 唔知, 算咯. 返屋企休息下, 就去踢波.

真係"打波先黎落雨", 今日又落雨! 踢左一場好波咋! 等到停雨就繼續踢, 個地好濕, 攪到隻腳都濕晒! 踢到咁上下, 又落雨... 今日就到此為止吧.

踢完波就直接返屋企, 今日唔想食野, 所以冇同大家去食飯.