29 AUGUST 2004 - 恍然大悟

今日就係北上團o既第三日, 快樂時間過得特別快, 真係唔想咁快完. 尋晚訓得唔好啦~ 阿禮咁大份... 不過我自己揀o既, 唔應該怪人o既. 外面都係天陰陰, 落住雨, 即係都係去唔到水上樂園. 起身就執房, 我地攪到太亂喇... 同時又換衫, 比人睇蝕晒啦~ *笑*

攪完一輪就夠鐘check-out, check out 都係鬼鬼崇崇, 十個人一齊去的確好樣衰... 出面大風大雨, o係大堂留一陣先. 跟住就起行搵野食, 太大雨了! 周圍都水浸, 跟本去唔到目的地, 其實我唔知目的地係邊...最後我地是但搵左間食台灣野o既地方落腳.

地方又係唔多衛生, 但係 d 野係好味的! 食完野, 仲有兩個幾鐘, 做乜好呢? 經過拱北, 過澳門好唔好? 時間太緊迫, 唔好了, 又去按摩啦~ 又係尋日o個間. 今日去全身按摩! 入到去我地o既病又發作了, 見 d 紙包飲品擺o係度任拎我地就唔客氣了! 入房喇, 我幾驚要除晒衫, 換o個 d 沐袍呀, 咁咪成個嫖客咁! 好彩唔洗... 開始按摩喇, 首先係按頭, 跟住就全身喇, 勁痛! 好似比人虐待咁, 自虐狂嗎? 整完除左舒服之外, 就係痛咯.按完就食即食碗麵, 又係唔洗錢的, 我想叫一碗食的, 不過又怕食唔晒. 同阿禮 share, 兩個大食o既人 share 一碗麵, 哈哈~

時間係三點幾, 去邊呢? 又係尋日去o既地下商場, 行多轉, 去到就每人一杯雪粒, 可以揀三隻味, 好! 薄荷咖啡朱古力. 其實係 order matter 的! 第一款係最多的! 但係薄荷真係唔多好食! 其實好多味都唔多好食, 呢度係珠海, 唔係香港呢~ 呢個商場真係大, 尋日都行左好耐, 今日再行返, 發現仲有地方未去過架喎! 佢地又買鞋呢~

行夠鐘就走人啦~ 一出門口又係橫風橫雨, 冒住雨搵的士, 旅行到咁狼狽真係幾慘情, 不過幾特別o既~ 好難先搵到肯截五個人o既, 又講唔岩價錢, 冒住雨行左幾耐, 終於都上到. 去到碼頭, 仲有時間淨, 首要要幫阿詩買暈浪丸, queenie 仲問我要唔要返粒, 可能佢見我玩海盜船o個個驚樣所以覺得我要囉~ 我唔需要了. 跟住就過關, 上船... 上左船大家都休息一下, 訓返覺先, 我都一樣. 夠精神o既就拎部相機出黎影下相...

就黎到香港, 阿詩真係想嘔喎, 好彩最後冇事, 不過嘔左可能會更加舒服. 佢自己先知.

到香港, 落左船, 我以為自己o係上環, 仲問阿鴻, 呢個商場新起架? 兩年前我去澳門, 就係上環上岸呢~ 冇呢個商場喎~ 阿鴻話有左好耐啦~ 恍然大悟, 原來我o係尖沙咀, 又係"出路遇貴人", 一出門口又落雨, 冒住雨咁去地鐵站.

跟住就返屋企... 去到屋企樓下, 我又有一種好耐冇返o既感覺. 今日o既晚餐又係水餃, 前幾日我食過不少於兩次呢~

睇下我科account 有 grade 未, B... 收貨啦~ 我都知自己份 final 考成點o既...

執下執下野又一日了.