訓左七個鐘, 都唔係好夠, 乜都冇食過就去左上堂喇, 第一堂就半睡半醒咁過, 隔離o既阿 wind 就好留心, 有 d 慚愧. 第二堂都幾留心, 繼續聽道家思想, professor 講到"玄之又玄", 係喇, 你講野真係好玄! 唔係話聽唔明, 不過唔係即刻可以消化到, 古代人o既思想同現代人都係唔同架喇.
上完堂去 library 搵佢地改下份功課先, 有 d 野做錯左啦~ 抄返佢就算囉, 我要食野! 食完野又係上堂, 落堂. 上堂都係半死狀態地上. 落左堂就同 judy 去搵 dr. so, dr. so 好用心咁教. 我覺得比 ive o個 d 更用心, 可能收得多錢掛.
跟住我就返 hall 搵 magic 游水, 但係佢又要開 sub com meeting, 所以都係等佢開完先啦. 開會之前我同佢去左 new hall 食水果, 星期一食剩o個 d, 諗住去 join 佢地, 點知o係new hall 門口見到佢地. 佢地要 G28 喎, G28 即 CNC 的 go home. 咁我同 magic 就去搵 suki 喇, 真係唔好意思, 要一個病人黎招呼我地. 跟住我就去百佳入貨, 再返 hall 等 magic. 等到九點佢先可以游, 咁就落去游喇, 換衫o個陣見到大佬, 佢話我同佢嗜好相同喎, 都可以咁講o既, 佢打跆拳我又打, 佢游水我又游, 當然 level 唔同啦. 佢仲講多樣: 溝女.
時間緊迫, 我同 magic 即刻就游啦, 最緊要係幫佢計時, 佢過兩日玩水運了, 幫佢計時, 五十秒, 我又叫佢幫我計, 成分鐘喎! 好彩我冇參加, 其實我鐘意做一個選手多過做一個參加者. 可能唔夠訓, 又可能肚餓, 又可能因為冇熱身, 總之就係勁辛苦啦, 冇氣冇力. 上水之後個頭重重, magic 話有 d 想嘔了. 返到 hall 就訓覺, 訓醒就食通心粉, 跟住就o棄下, 做下功課, 咁就攪到四點先訓, 訓醒先返屋企.
Saturday, October 02, 2004
Subscribe to:
Post Comments (Atom)
No comments:
Post a Comment