22 OCTOBER 2004 - 全日做 report

今日我少有地缺席重陽登山, 訓到三點幾先起身, 起身又唔想食野住. 咁攪到五點幾我就出去晒相, 順便搵野食. 晒乜野相呢? 就係幾張 1.5" x 2" o 既証件相, 由於數量太少, 晒相鋪唔肯幫我, 好彩個老闆認得我, 最後都幫我晒. 返屋企又係做 report, 做左一陣又出去拎返o個兩張 4r, 即係 16 張証件相喇, 順手拎左阿媽影o個筒菲林去晒. 返屋企繼續做 report, 做到咁上下同阿媽出去食老麥. 唔知係我媽唔識影相定係部機都係時候, d 相影得好差, 影左 36 張, 淨係晒到廿張出黎. 返屋企繼續做 report, 呢份 report 真係害人不淺, 我都仲未開始溫書...