27 OCTOBER 2004 - 苦中作樂嗎?

今日上十點堂, 又係全程訓覺. TA send 左個 email 話保守估計有一半人係訓緊覺o既, 擺明啦~

傾陣 project, sit counter, 咁就到左五點幾喇. 今日 photosoc 要 pre-studio, 咁我又幫手搬燈, set up, 影埋一份, 我又唔係真係咁想影, 寧願去訓覺呀~ 今日o既 model 有 ie o既 karen, 同埋一個 hall 3 o既靚女. 都幾好o既, 幾個攝影師對一個 model, 不過撞正我眼訓, 唔係咁想影就可惜呢~

CARSON 讀 physic, 但係對 huma 好有興趣, 佢話想讀master major huma, 呢個 case 同我有 d 似, 不過我諗我唔會讀喇.

咁就攪到十一點, 返去 seafront 搵阿禮, 阿詩, queenie, magic, 食野, 我早就食左野, 食糖水啦. 睇住佢地三個玩 air cadet 真係辛苦啦, 星期三成晚比左佢, 訓練又認真, 苦中作樂嗎?

返 hall 就開始溫星期五o既 mid-term, 時間好快就到一點幾, 阿禮又叫我去 hall one 借相機比佢影功課, 我去坐左陣同佢地又返左我個 hall, 佢地又話肚餓, 咁就黎我度食野, 順便睇波啦, 睇曼城對阿仙奴. 阿詩係阿仙奴o既支持者, 我就係曼城o既支持者. 我梗係全力支持曼城, 支持到有 d 唔理智, 佢就會比較客觀. 不過佢地睇完上半場就走人喇.

跟住我自己睇埋下半場, 越睇越心淡, 咁就五點先訓喇.