09 OCTOBER 2004 - "消失的友情"

訓到十二點幾先起身, 其實我八點o個陣真係醒過架~ magic 又話 call 我, 都冇o既, 唔知佢地有冇跑喇. 冇幾耐家姐打比我, 問我幾時返, 好似吹我返去咁喎~ 咁我就話兩點幾啦. 咁急急腳咁走, 就帶漏野喇, 我冇帶 calculator, 最後要返返去.

返 到屋企, 嘩~ 好多人喎, 尋日阿媽都講過架啦~ 我覺得我唔記得帶電話返屋企! 仲有我收到紅十字會o既信, 原來我係 a pos 的! 食個飯, 就訓覺喇, 訓左冇耐, 就醒左, 醒左就訓唔返喇, 因為表姐聽緊<絕情谷>. 起身我就沖過涼, 跟住又打左陣機. 一邊打機我都有聽<絕情谷>講乜o既, d case 真係千奇百怪...

怪例一
一個女仔同時有兩個男朋友, 一個三年, 一個半年, 半年o個個知三年o既存在. 半年o個個就等緊囉, 主持問鐘意邊個多 d 呀, 又唔係好答得出, 都係鐘意舊o個個, 但係又發覺舊o個個唔夠關心, 半年做o既就係填補三年比唔到, 比唔夠o既.

怪例二
有個男仔一路都係睇樣追人o既, 但係佢發覺佢同佢死黨個女友性格上好夾, 咁就撬左牆腳, 佢以為性格可以勝過一切... 一班 frd 都會比自己女朋友o既相人睇, 佢就唔敢. 個半月之後, 就發覺都係接受唔到個樣, 跟住都唔知點算.

真係乜都有呀~

無無聊聊咁就天黑喇, 咁我見冇野做, 就玩下魔術啦~ 呃到表姐喎~ 大班親戚走剩少少. 都冇咁嘈喇.

跟住就食晚飯喇, 佢地想食沙律, 咁我就食沙律醬走沙律啦. 食完野就開始後悔返左屋企喇, 如果唔返時間可能會好用 d, 本來我諗住返黎做功課的. 蝕左了, 最後都做唔到好多功課.

好 耐冇 check email, 即係專收 forward email o個個 mail box. 入面有廿封 msg, 咁多, 真係好難一次過睇晒! 我睇左一封阿詩 forward 過黎o既, 叫"消失的友情", 主要就話友情呢 d 野, 或者人同人之間, 可能突然覺得唔岩 feel, 意見不合, 咁就開始少聯絡, 唔聊絡開就冇藉口再聯絡, 久而久之, 就變得生疏, 變得陌生, 可悲.