放左學又係溫書, 呢個 midterm 淨係佔 10%, 我唔會好認真咁讀o既~ 身邊o既人都係全力準備兩張貓紙, 咁就將 d powerpoint print 左出黎再縮印, 再剪再貼, 再剪再貼... 溫到差唔多八點, 我同阿禮, 阿 rain 走左去搵TA 問功課, 佢真係好人, 佢專登開多個 office hour 到 夜晚九點招呼我地. 問完就去食飯, 成台人都係食老麥, 我都想食喎, 但係尋日食左, 都係算啦~ 唔食喇.
食完飯返 library 溫書, 點知一開始就訓, 直到十點半... 返 hall 前我去左 hall one 搵阿禮同阿詩, 睇下佢地份貓紙攪成點, 想坐享其成呀~ 跟住就變左 halloween 參觀團喇, 真係佈置得好恐佈下! 成層都黑媽媽, 不停播住d 鬼叫聲... 離開之前呃左支酒飲. 我同阿禮越睇越開心, 阿詩真係驚架喎~
萬聖節氣氛太濃厚, 都係溫唔到書架啦, 都係去我o個度溫啦, 相對我個 hall 就摺得多喇. 大家係咁剪剪貼貼整貓紙, 而我又冇整, 因為我諗住 print 出黎, 跟住真係得喎! 將六十四格 powerpoint 塞落一張 a4 紙! 都睇到喎~ 咁佢地唔洗庇護啦~ print 出黎咪得囉~
跟住就繼續溫書, 直到四點幾... 點解呢科野可以攪到我四點幾先訓? 因為一邊自己溫, 一邊又教阿詩. 叫我坐o係度唔溫書我又做唔出, 唔想睇, 但係又迫自己拎起份 notes, 明知睇完都唔會入腦, 我又會拎起份 notes 睇. 讓自己好過一點吧. 一邊溫書, 又會哼起 twins o既歌, 近期鐘意聽 twins o既歌, 夠簡單, 夠直接.
Saturday, October 30, 2004
Subscribe to:
Post Comments (Atom)
No comments:
Post a Comment