今日huma 繼續講平淡o既道理, 又話台灣有套愛情片, 內容極度平淡, 淨係講一 d好平淡o既生活, professor 話呢 d先寫實喎... 聽huma 聽到唔係咁想停o既時候, 阿鴻就打比我吹我喇, 咁我同阿鈞就走喇. 點解非走不可呢? 我地都參加左一個 survey, 話兩個鐘 $400 喎. 仲有就係有廿六個人報名, 但係淨係頭廿個可以玩. 所以就咁急喇, 驚死冇得玩. 但係去到淨係得幾個人... 等左好耐就開始做 survey 喇, 一早都聽過呢個 survey 係玩 game, 而且係冇乜可能賺 $400, 不過唔理咁多, 照去啦.
個 survey 係想睇下 d 人o係排隊o個陣點樣做決定(幾時開始排隊). 遊戲規則: 有廿個人想上船, 但係得十四個位, 上到船o既就會有 $340 franc, 但係你一排隊就要蝕 $40, 每o係碼頭等一分鐘, 你都要蝕 $4, 無論最後上唔上到船. 你都可以選擇唔上船, 咁就淨賺 $60. situation 係 12:00 開船, 由 10:00 開始就可排隊... 11:00 先排隊賺 $60. 11:05 先排就可以賺 $80 (如果上到船)... 如是者玩左五十幾局. 我賺左 $4000 幾 franc, 實際賺左 ~$200 HKD. 咁就出事喇, 其他人冇我咁好景, 咁佢地班人就係咁叫我請食野, 攪笑呀, 淨係多佢地幾十, 佢地就要我請食野喇.
落左堂之後, 唔知點解成班人會去左老麥食野, 好野! 我好耐冇食老麥喇, 好耐冇食薯條喇! 今日仲試左新出o既烤包, good taste 呀! 不過就要分甘同味, 比佢地每人一啖, 我試o既係雞扒, 阿 max 又買左個牛肉味分甘同味, 阿禮就自己食晒個豬扒味. 食完又跟住我o既時間表做野, 去上跆拳喇, 最辛苦o既就係拉筋, 拉筋係最辛苦o既一環...
跟住就返 hall 食野, 跟住就去溫習室自閉...夜媽媽阿 roy 就叫我教佢OR, 一來我自己都唔係好明 d 野點解, 我淨係識做, 二來已經過左一年, 我覺得我幫佢唔到呢~ 不過幫唔到咁幫, 都幫到三點呢~
Thursday, October 21, 2004
Subscribe to:
Post Comments (Atom)
No comments:
Post a Comment