今日上 database o個堂, 發覺 andrew lim 係廢的, 問佢 d 野識就答, 唔識就話 forget it, 問 ta 好過. 由於今朝食左個三文治, 所以就同佢地夾錢食飯喇, 點知我都係大食之人, 最後好彩 suki share 左 d 焗意粉比我.
突然有 d 想打羽毛球, 咁我就提意去執雞喇, 由於行得比較慢, 所以最後都係執唔到的, 但係拍又拎左落黎啦喎, 好彩有個場話冇波, 我地又有一個波, 咁就一齊打喇, 我都係唔識打, 純粹出下汗. 臨走前我地執左好多波, 大概有五六個啦.
打到成身汗, 所以我就返 hall 沖涼, 順便洗下衫. 洗衣房除左有洗衣機, 乾衣機, 仲有個露台比人用手洗衫, o個度個環境不錯, 對海的! 心情唔好去o個度冷靜下都不錯. 今日我o既心情就係唔多好, 用手洗完衫, 真係好辛苦! 跟住就拎去乾衣機, 比 $1 可以乾七分鐘, $2 就可以乾十四鐘, 我前後乾左兩次. 呢段時間我就一條友坐o係個露台, 望住個天, 望住個海, o係度諗野, 諗埋 d 唔開心o既野, 有 d 想喊o既感覺.
d 衫都係唔乾的! 唔理了, 要返去上堂, lang tutor joanne 問我做乜次次入黎都好似破產咁... 我次次都行五層樓梯上黎的.
落左堂我就去印書, 印完我地一大班人就出發去今晚o既地方. 由於時間緊迫, 我地兵分 n 路, 最後我同阿禮, 阿 sam, athena 走先. 阿禮今晚又要做莊務, 所以又唔黎喇. 最後我地去到間餐廳, 食巴西燒烤o既, 格調都 ok, 食物都算係 ok! 今日有十二個人, 我, sam, athena, 阿詩, 學而, queenie, 鴻, suki, roy, max, cathy, magic.
學而就慘喇, 好多野佢都唔食得, 入黎就變左食甜品喇. 今日有三個人係十月頭生日的, 呢個都係今晚出黎食飯o既原因呢~ 呢間餐廳有兩個人負唱歌, 佢黎到我地o個臺, 首先唱左首 stand by me, 跟住就唱生日歌, 氣氛好濃厚. 生日唔係淨係食飯咁簡單嘛, 原來佢地早有準備, 買左份神秘禮物比兩個壽星公, 係朱古力味o既 condom, 原本想叫佢地吹左佢, 佢地死都唔肯, 最後就收埋左喇.
唔係咁就散場嘛... 一大班人去左尖東海旁行下, 又係行星光大道, 上次食完雪糕我地都係咁行的. 沿途有 d 人賣花喎, 咁阿 max 就話不如玩大佢, o係大庭廣眾扮示愛, 目標係 athena. 好玩~ 跟住就上埋海運先走.
我一直諗緊應該返 hall 定係返屋企, 都係返hall 吧, 可以做下功課. 途中比阿詩屈左罐可樂...
返到房, roommate 已經用左間房同雀友們一較高下, 其實我諗住拎野去 magic 間房做, 點知... 佢地都算係咁, 自動自覺走人, 出 common room 打, 其實都有 d 嘈音. 咁我就開始做功課喇, 都唔係做的, 用左好多時間黎燒書. 攪到四點幾, 我都係訓喇, 涼都冇沖.
做功課之前睇返頭先o係餐廳拍o既片, 感覺好開心, 要即刻 send 比人地 share.
一陣八點約左 magic 同阿詩跑步, 會唔會暈低架...
Sunday, October 10, 2004
Subscribe to:
Post Comments (Atom)
No comments:
Post a Comment