07 OCTOBER 2004 - 乏低自己, 抬高別人

今日我要補牙, 補門牙, 所以 tea 都冇得食, 迫不得以要上住堂食三文治. 整牙o個陣, 牙醫話要我咬住舊野, 咁個口就唔會合埋, 一咬住我就覺得好唔舒服, 最後都係冇咬. 補牙o既過程總算順利, 不過超痛! 補完都隱隱作痛.

上晒堂就同阿詩, 阿禮去百佳買野, 準備今晚煮野食. 買到一半我就走左人, 同 wendy 返 hall, 一齊去貼 poster, 貼之前大家都要醫肚, 所以就食左個炒麵王先喇.

開始貼 poster 喇, 地方真係好有限, 所以迫不得以, 要貼o係其他 soc o既 poster 上面. 咁又用左成個鐘! 最唔抵就係呢 d 野唔應該係我負責, 不過其實主席都做左唔少唔應該係佢做o既野... 唔知點解, 我都係鐘意乏低自己, 抬高別人, 我總係覺得人地o個 d poster 好靚, 我總係覺得其他 soc/ club 做野比我地落力, 比我地好. 我對自己有時都係咁, 總係覺得人地比自己好. 貼緊 poster 見到其他莊員, 我期待佢o既一句:"洗唔洗幫手", 冇啦~ 呢d 野可能我先會講.

貼完 poster 就去 newhall 搵阿禮同阿詩食飯, 應該話係食米粉, 今日冇煮食, 好呀~ 次次都唔洗我煮~ 唔知係咪因為頭先個炒麵王, 定係牙痛o既關係, 我冇乜胃口食, 我冇咁細食架喎!

乜都唔做點都係唔得, 所以食完飯我就負責洗碗. 之後三個人就借左 queenie suki 間房做功課, 我都訓著咁濟. 做完我同阿禮就去 hall 2, 阿詩就返 hall. 因為今日十樓有雪糕會, fit 呀! 牙痛食 d 雪糕會舒服 d! 原本諗住會有幾十人搶, 都冇諗過有得食, 點知得十幾人咋喎! 我同阿禮就食喇~ 好多一公升, 兩公升擺o係臺面等人清!

今日 hall 3 有 pub night, 我地又諗住過去呃酒飲, 點知, 個 function 已經完左喇, 都係遲左兩個鐘o者... 打比 wendy 個 pub night 乜野情況, 佢話佢都冇去. 咁蝕呀...

諗住今日會早 d 訓, 點知我又去左搵 johnny, 要睇返城大影之日o既相. 跟住我同佢仲去左阿波間房偷 canon souvenir, 佢成日話要幫手清, 我地就幫佢一把啦~