05 OCTOBER 2004 - 得道高人

極正! 今日又唔洗做 lab, 唔洗返九點! 但係要返十點, 今日繼續做 project, 算係有 d 進度掛, 之前本來諗住畫完就算o既 idea, 似乎係可行的, 如果用照做, 會比原來的簡單! 呢 d 就係意想不到喇, 做乜都好, 唔應該咁容易去否決一樣野. 大膽假設, 小心求証.

跟住又係上堂, 今日o既道家講o既野又幾有意思. 話呢個世界有 善o既時候, 同時都會有 惡; 有 美o既時候, 同時都會有 醜. 又講得冇錯喎, 你要知道乜野係 唔好, 先知乜野係 好架嘛, 知道乜野係 美o既時候, 因為知道乜野係 醜. 又話當 愛產生o既時候, 同時 恨都會產生. 所以就話愛同恨只係一線之差喇.

道家思想都提倡"無慾" , "無為", "無x"... 無慾即係: 有慾, 不過唔會去強求於o個樣慾. 即係 dr. wan 以前講o既隨遇而安喇. 原來 dr. wan 係得道高人呢~ 做人真係可以做到咁就真係好. 唔容易啦, 我地會追求好多野, 又或者話強求啦.

落左堂就去食 tea, 食完就訓覺, 但係都訓唔著, 跟住我想上堂訓覺, 但係都係訓唔著, 平時唔想訓都會訓左, 今日一心一意去訓, 我又訓唔到喎. 落左堂, 我就去阿禮個 hall, 都係想訓覺, 但係都未訓到阿詩又問我功課, 無能為力喇, 即係我都係訓唔到.

點解係都想訓下呢? 因為好眼訓, 一陣要練跆拳, 唔夠訓好辛苦的! 訓練真係辛苦, 真係就黎暈低喇, 不過之後又精神返喎. 今日師兄試範乜野係 free-fight, 同其他拳擊完全係兩回事呢.

落左堂之後我就去 newhall 食飯, 今日食住家菜, 原來佢地都有飯煲, 等我阿媽成日問我買唔買微波爐飯煲喎~ 除左食飯之外, 仲有食貴刁, 味道一般啦~ 一黎到就食, 乜都冇做過, 所以我就負責洗碗喇. 洗完碗就即刻返 hall, 要幫我o個層o既每一間房影房相, 但係唔係咁順利, 通常都唔齊人, 有 d 又話唔洗喇, 真係吹乒乓. 影完時候都唔早喇, 又係繼續做功課...