今日早早起身去牙醫度照 x 光, 睇下我 d 大臼齒有乜問題, 原來問題好嚴重, 第一隻都冇乜野, 第二隻斜左四十五度頂住第一隻, 第三隻 (即係智慧齒) 打橫生頂住第二隻, 點算呢? 唔知, 遲 d 見完牙醫先算. 跟住我就去左食早餐, 因為我知一陣冇 lunch 食嘛.
由於都係病緊, 所以第一堂訓足成堂. 第二堂用母語教學, 所以就冇訓喇. 老子寫o既野好得意, 睇落就有乏意, 但係背後o既意思都係正面o既. professor 舉左一個例(不過唔係出自老子): "君子之交淡如水", 表面睇就係交情好淡, 淡到水咁o既樣. 但係背後有另一個意思, professor 話平淡o既野先會長久呀! 所以君子之交淡如水其實係有正面o既意思, 有為平平淡淡, 所以先會長久. 即係細水長流咁解, 諗返又係, 洪水係有聲勢, 但係唔會長久. 真正o既朋友唔需要話成日聯絡, 因為大家都了解對方, 唔洗成日溝通...佢仲舉例話一對老夫老妻相處好客氣, 即係相敬如賓, 咁先會長久喎. 有道理嗎? 好有道理, 不過我都唔會完全接受咯.
跟住就同阿鈞食 tea, 食完就去搵 TA 問功課, 問完又上堂... 落堂...
落左堂就去左做功課, D 功課真係做極都做唔完! 又唔係個個都做緊功課o既, 阿詩同 queenie 就溫緊書喇, 佢地聽日就 mid-term 喇. 我要廿六號先有 mid-term, 正! 做到咁上下就去 canteen 食飯, 睇住佢地食麥記, 我真係好想食呀! 可惜抱恙在身呢, 咁我就食左焗飯 + pizza, 不相伯仲吧.
返hall 本來諗住即刻訓, 但係又唔想攪亂個時間, 所以就做下功課喇, 做做下 roommate 就問我 c++ d 野喇, 我又識答, 哼哼~ 我以後有排煩喇. 聽日要交o既功課都做晒喇, 咁一點幾我就訓喇.
Saturday, October 16, 2004
Subscribe to:
Post Comments (Atom)
No comments:
Post a Comment