在唔係咁情願o既情況下起左身, 同阿媽去左天水圍同親戚們飲茶, 原來去天水圍都唔係好耐, 一個半鐘車程. 唔知係咪因為天水圍近大陸, 我覺得好似去左大陸咁, 地方好大, 望到好遠先望到其他建築物, 呢 d 就係一望無際喇. 就算我去o個間茶樓o既名都好大陸, 叫"羊城". 食完野咁我就走人喇, 坐巴士去彩虹, 全程我都係咁訓. 好攪笑o既係我見到彩虹又唔落車, 最後過左站, 我去左九龍灣先落車... 咁就兩頭唔到岸, 目的地係科大, 我應該去坑口轉車, 定係去彩虹呢? 最後都係行過去彩虹o個邊等車, 遠到痴肺! 最後我上左架 91m.
返入房, roommate o係度溫緊書, 呢個 roommate 都係唔鐘意返屋企o個隻. 咁我就開始做功課, 我今日要做完兩份功課, 一份係聽日交, 一份係一個星期三先交, 但係應承左 judy 聽日交課. 做到八點幾, 曾文源就黎搵我喇, 佢想同我一齊做, 但係都要食飯先架~ 咁就一齊啦. 食完飯佢要做 ayp o既野, 咁我都係自己繼續做. 呢份功課真係唔易做, 做到十二點幾我都未做完, 阿禮同阿詩上埋黎一齊做, 佢地係想抄我的, 但係我都冇乜野比到佢地抄了, 愛莫能助了. 做到兩點幾阿詩走先, 我同阿禮做到三點幾, 算係做左一份野出黎, 雖然唔知岩唔岩...
阿禮都變左一個魔術手了, 唔好玩o既~ 我地個個都知道晒魔術背後o既魔術.
最後我攪到四點幾先訓, 我都好, 可以訓到十一點幾, 佢地就慘咯, 聽朝十點堂.
Saturday, October 02, 2004
Subscribe to:
Post Comments (Atom)
No comments:
Post a Comment