一起身就出去食飯, 今日同 summer course o既 groupmate 阿 joe 食飯, 去到 LG 7 都冇位, 咁就同返阿鈞佢地食啦, 原本我都唔係好想, 因為咁會悶親阿 joe, 好彩都冇悶親佢. 喉嚨比尋日更痛, 好彩今日唔係洗上英文, 咁我就可以慢慢食飯, 食完飯仲可以去睇醫生...
去到痛醫生講我喉嚨痛, 最後佢都冇比到喉嚨痛o既藥我, 我問返佢點解, 佢話喉嚨痛會自己好, 所以唔洗比藥, 其他肚痛o個 d 就要藥喇. 真係神醫... 跟住上多堂英文就返 hall 訓覺, 訓到六點幾, 阿鴻同阿禮就入左我房叫我出去玩長跑, 咁我都想想地o既, 咁就去左喇,
發起人阿禮係最快收工o個個, 跑左一陣就冇氣喇, 阿鴻都係好快, 之後 queenie 同 suki 都黎埋, 都係緩步跑o者~ 跑完就返 hall 沖涼, 沖完就去大 re-u, 即係燒烤喇, 好彩好返o者, 可以去燒野食! 去到都已經食緊, 冇玩 d 變態野啦~
都算係多野食, 又有免費啤酒任飲, 氣氛幾好呀! 自己又唔係飲得, 但係又想飲喎, 真係古怪喇. 飲左少少個人就會覺得 ring ring 地, 但係個人都仲係清醒o既. 今日有 d 乜野食呢, 咪又係燒烤o個 d 普通野. 我燒雞翼越黎越熟手啦, 多數都會燒到岩岩好.
食野就食到十一點幾, 但係好多人都?死唔肯走, 傾心事咁話啦喎, 今日阿 sam 成為眾矢之的, 問題大家都會聯想到, 係咁比人問, 我同o個班 year 2 唔係好熟, 所以我靜靜地坐o係度應該唔會有事架啦, 但係比阿 sam 玩, 差 d 比佢玩死, 好彩我仲清醒. 哈哈哈, 想酒後吐真言嗎? 我未醉.
返hall 就要洗衫, 洗完衫要等, 咁就上 magic o個度, 見到佢唔識做一條 OR, 又上左兩層求助, 跟住見到佢地打 winning eleven, 我又想打埋一份, 阿禮又想玩喎, 咁就攪到阿詩o係 magic 到訓左, 最後佢仲要捱眼訓去乾衣, 自己返左hall 訓, 真係唔好意思喇.
我同阿禮就打左兩局 winning, 嘩~ 四點先訓...
Saturday, October 16, 2004
Subscribe to:
Post Comments (Atom)
No comments:
Post a Comment