今日出奇地起到身, 不過我都係遲到, 冇所謂啦. 今日個 lab 又係用電腦畫 database o既 model, 無聊啦, 用手畫唔係快 d 咩? 咁我都係用手畫, 最後先用電腦. 今日我仲帶左兩包餅, 兩條蕉同埋一盒維他奶去 lab 食. 個 lab 完左之後我就手痕痕, 拎副啤牌出黎玩魔術, 真係呃到人喎, 連 TA 都睇埋一份.
上個星期五我拎左阿鈞佢地o個 d soc tee, 我又冇時間返去喇, 所以就將門匙比左佢喇, 我叫佢去抽屜搵, 我記得好似放左o係o個度. 咁我就繼續去上堂, 跟住o個堂又同阿鈞上, 佢居然話我知搵唔到!? 抽屜冇點解唔開埋衣櫃搵呀.... 咁落堂我又要返 hall 搵, 就o係櫃入面之嘛... 跟住又出去 canteen 食 tea, 想 call 返阿鈞又唔聽電話, 等佢救命就死得人多喇. 咁我就 call 阿禮, 佢又咁好死, 肯陪我食喎~ 食完就搵 judy 傾個 lab report, 都傾唔到乜野呢~ 最後阿鈞終於出現喇, 我又玩下魔術比佢睇, 班門弄斧就係呢 d 啦, 唔記得佢係啤牌愛好者, 玩魔術應該有一手的. 跟住又係上堂, 落堂我就返 hall 買張冷氣 card, 買左張 $40, 希望夠用啦, 不過諗諗下, 應該唔夠用, 需求太大啦.
跟住我都返屋企, 預左啦, 車站排長龍, 上年都係咁, 最後我等左廿分鐘先上到車, 返屋企就食飯, 好耐冇返去食飯喇, 今日都算人齊, 除左我同阿媽, 家姐, 表哥, 阿姨都o係度. 食完食我就留o係屋企坐下算喇. 我又玩魔術比家姐睇, 佢話佢玩比我睇先, 點知佢玩o個個就係我想玩o個個喇. 尋日當係慶祝左架啦~ 聽日仲要去天水圍, 功課又未做...
Wednesday, September 29, 2004
27 SEPTEMBER 2004 - 賞月
諗住早 d 起身去 sac 做 lang, 點知都係遲左起身, 冇所謂啦, 比幾個字我就做得完! 跟住就食飯, 上兩堂英文, 放學~
放 左學即刻就飛返屋企, 帶 d 冰皮月餅返去, 兵分兩路, 有 d 人就去坑口買水果. 返到屋企有少少餓, 好彩屋企有 d 來歷不明o既 pizza, 咁就食左少少先, 再食左 d 水晶梨先返去. 返到去就即刻去上 magic course, 今堂教用啤牌玩魔術, 全部魔術都係, 唔知就真係好神奇, 知就覺得冇乜野. 今次用啤牌, 冇咁難練, 效果由好呢~ 今日坐我隔離o既係一個數學系o既人, 啤牌魔術好多都係數學來的, 佢就o係我身邊係咁同我講, 聽又唔係, 唔聽又唔係...
落堂就去 lg5 搵佢地食野, 佢地去左肯德基買野食, 再o係 pizza bird買 pizza, 呢 d就係今日o既晚餐. 食完野就去 newhall, 途中經過 hall 1, 派酒喎, 我地都去呃酒飲. 返到 newhall 擺低 d 野, 仲有就係準備 d 生果. 大家o係 hall 入面熄晒燈, 整著 d 螢光條, 咁就扮鬼樣影相喇. 準備好晒就起行, 去沙灘燒烤場, 過程好唔順利, o係途中等左好耐, 我都唔知點解.
去到好彩冇乜人, 我地就霸左張台, 點著 d 燈籠, 賞月呀~ 我就係咁食架o者. 但係我發覺最好味o既綠豆冰皮月餅唔見左喎! 楊健鴻偷食啦唉~ 阿詩就用佢熟練o既手腕切水晶梨. 除左幾個 direct ent, 阿 roy 同埋 magic 都一齊玩. 有 queenie + 相機, 佢就會叫人影埋 d 騎呢相. 睇住佢地影都好笑, 比人影o個 d 都好笑, 總之就係好笑. 無無聊聊咁, 已經一點幾了, 要返去訓覺喇, queenie 話聽日要交功課, 好彩係流料o者. 不過我都要做埋份 lang 先有得訓, 咁就三點幾喇, 聽日九點堂...
roommate 話我唔去 hall o既 function, 有乜好玩o者, 玩玩下咪又玩變態野, 最憎架啦.
下年中秋仲可唔可以召集一班人一齊賞月呢? 比較難咯.
放 左學即刻就飛返屋企, 帶 d 冰皮月餅返去, 兵分兩路, 有 d 人就去坑口買水果. 返到屋企有少少餓, 好彩屋企有 d 來歷不明o既 pizza, 咁就食左少少先, 再食左 d 水晶梨先返去. 返到去就即刻去上 magic course, 今堂教用啤牌玩魔術, 全部魔術都係, 唔知就真係好神奇, 知就覺得冇乜野. 今次用啤牌, 冇咁難練, 效果由好呢~ 今日坐我隔離o既係一個數學系o既人, 啤牌魔術好多都係數學來的, 佢就o係我身邊係咁同我講, 聽又唔係, 唔聽又唔係...
落堂就去 lg5 搵佢地食野, 佢地去左肯德基買野食, 再o係 pizza bird買 pizza, 呢 d就係今日o既晚餐. 食完野就去 newhall, 途中經過 hall 1, 派酒喎, 我地都去呃酒飲. 返到 newhall 擺低 d 野, 仲有就係準備 d 生果. 大家o係 hall 入面熄晒燈, 整著 d 螢光條, 咁就扮鬼樣影相喇. 準備好晒就起行, 去沙灘燒烤場, 過程好唔順利, o係途中等左好耐, 我都唔知點解.
去到好彩冇乜人, 我地就霸左張台, 點著 d 燈籠, 賞月呀~ 我就係咁食架o者. 但係我發覺最好味o既綠豆冰皮月餅唔見左喎! 楊健鴻偷食啦唉~ 阿詩就用佢熟練o既手腕切水晶梨. 除左幾個 direct ent, 阿 roy 同埋 magic 都一齊玩. 有 queenie + 相機, 佢就會叫人影埋 d 騎呢相. 睇住佢地影都好笑, 比人影o個 d 都好笑, 總之就係好笑. 無無聊聊咁, 已經一點幾了, 要返去訓覺喇, queenie 話聽日要交功課, 好彩係流料o者. 不過我都要做埋份 lang 先有得訓, 咁就三點幾喇, 聽日九點堂...
roommate 話我唔去 hall o既 function, 有乜好玩o者, 玩玩下咪又玩變態野, 最憎架啦.
下年中秋仲可唔可以召集一班人一齊賞月呢? 比較難咯.
26 SEPTEMBER 2004 - 遊車河?
今日應該要九點半去到城大, 參加佢地攝影學會o既影之日. 但係我唔知醒, 到十點先去到, 好彩佢地未出發, 唔係就蝕車錢喇. 去到坐左一陣, 佢地就出發喇, 第一站係大埔海濱公園, 我都唔係第一次去呢個地方影相喇. 佢地 d model, 質素一般啦, 有 d 都 ok o既. 不過要我比錢影我就覺得唔值喇.
影左唔係好耐, 又要坐車返城大, 食 lunch, 佢地o既什餐係到會形式o既, 都 ok 啦. 跟住又係坐車, 今次係去彭福公園, 影左唔係好耐, 不過我好累, 唔想影了, 最後又係坐車返城大, 散場.
佢地用左好多時間o係坐車, 總括來說佢地o既安排都係唔錯的.
散場之後, 時間都唔早了, 我直接返科大, 返去之前去鑽石山買冬青膏, 其實荷里活都有, 不過嫌貴, 最後行左去第二個屋?買.
跟住就坐車返科大, 返去訓返兩個鐘先~ 訓醒先食野. 食完野先做功課.
影左唔係好耐, 又要坐車返城大, 食 lunch, 佢地o既什餐係到會形式o既, 都 ok 啦. 跟住又係坐車, 今次係去彭福公園, 影左唔係好耐, 不過我好累, 唔想影了, 最後又係坐車返城大, 散場.
佢地用左好多時間o係坐車, 總括來說佢地o既安排都係唔錯的.
散場之後, 時間都唔早了, 我直接返科大, 返去之前去鑽石山買冬青膏, 其實荷里活都有, 不過嫌貴, 最後行左去第二個屋?買.
跟住就坐車返科大, 返去訓返兩個鐘先~ 訓醒先食野. 食完野先做功課.
25 SEPTEMBER 2004 - 大開眼戒
今日係學校o既 out-reach day, 我全日都要睇住個檔, 幫手宣傳 IEEM 比 d 中學生. 我地會點樣宣傳呢? 都係吹水o者, 盡量都係有幾正就吹到幾正. 有 d 中學生個腦袋都幾發達, 問 d 問題都好挑戰性, 有 d 好睇唔起人, 同佢講野好似唔係好想理你咁, 咁我都好識做, 有幾少講幾少, 等佢有得走人啦. 同時間, 我要負責 promote 一個叫 fscan o既儀器, 冇即場 demonstration, 一 d都唔吸, 我都冇興趣介紹比人.
預科生o既問題通常都係: "ieem 讀 d 乜架?" , "ieem 同 logistic 有乜分別呀?", "你地o既 logistic 同 bba o個個有乜分別架?", "logistic 同 工業有乜分別?", "呢科收乜野成績?", "出到黎有 d 乜野做架?"
出位少少o既問題: "請問傳理系o既 counter o係邊?", "我讀 hku space o既 bba, 你地收唔收?"
全部都係吹水o者, 我通常都會同人講呢科唔似 engine...
每個 helper 都會有午餐券, 飲品券... 所謂午餐只係一份三文治, 當早餐都唔夠啦... 飲品呢? 汽水囉, 好似冇乜選擇, 而 available o既選擇都係好偏門的. 最後我都要自己出錢買老麥食... 企 counter 都係冇癮, 所以我都係帶下 lab tour, 聽下d 師兄講乜都好, 大開眼戒.
跟住我就返 hall 拎野, 然後就去觀塘踢波, 今日冇正式踢過一場波, 一係就比人 book 左場, 一係就冇人同我地踢...沒趣.
返到屋企都差唔多一點, 聽日仲要早起身.
預科生o既問題通常都係: "ieem 讀 d 乜架?" , "ieem 同 logistic 有乜分別呀?", "你地o既 logistic 同 bba o個個有乜分別架?", "logistic 同 工業有乜分別?", "呢科收乜野成績?", "出到黎有 d 乜野做架?"
出位少少o既問題: "請問傳理系o既 counter o係邊?", "我讀 hku space o既 bba, 你地收唔收?"
全部都係吹水o者, 我通常都會同人講呢科唔似 engine...
每個 helper 都會有午餐券, 飲品券... 所謂午餐只係一份三文治, 當早餐都唔夠啦... 飲品呢? 汽水囉, 好似冇乜選擇, 而 available o既選擇都係好偏門的. 最後我都要自己出錢買老麥食... 企 counter 都係冇癮, 所以我都係帶下 lab tour, 聽下d 師兄講乜都好, 大開眼戒.
跟住我就返 hall 拎野, 然後就去觀塘踢波, 今日冇正式踢過一場波, 一係就比人 book 左場, 一係就冇人同我地踢...沒趣.
返到屋企都差唔多一點, 聽日仲要早起身.
Sunday, September 26, 2004
24 SEPTEMBER 2004 - 時間真係唔好用
勁唔夠訓, 不過我上第一堂都冇訓到, 但係到第二堂聽 talk, 我就係咁訓. 跟住第三堂盡量都唔訓, 留心聽書, 呢個 professor 笑笑口, 講得快, 但係細聲, 又唔用mic, 攪錯. 但係最後我都係訓左一陣.
上完堂, 跟住阿詩同 suki 話去捐血, 我又未試過, 見有人陪, 咁我都去左. 等左成個鐘先有得捐. 開頭就係"篤手指", 睇下血色素夠唔夠, 好痛! 跟住就真係捐喇, 姑娘問洗唔洗止痛劑, 梗係要啦! 少少痛啦, 過程都順利. 捐完就繼續食埋成個鐘之前買落o既老麥. 但係我到 d 針o既時候真係好驚!
等多幾個字, 我就要去補牙, 過程都順利. 佢又問洗唔洗麻醉, 梗係要! 一定要! 跟住就上堂, 上完堂就等夠鐘, 同阿 max 出去食飯, 今日係佢生日, 大家要一齊同佢慶祝. 去坑口搵左一間, 咁就去食喇, 食完飯就送生日禮物比佢喇, 我地之前買左部 mp3 比佢, 點知, 份生日禮物唔係 mp3, 而係幾條朱古力!? 我都唔知乜野事, 整蠱緊佢啦.
食完飯就o係附近搵間野食糖水, 八蚊碗, 但係要乜冇乜, 芒果都冇喎! 正當我地要拉大隊之制, 老闆返黎啦, 佢去左買芒果... d 芒果西米露算係咁啦. 食完又繼續送生日禮物, 今次真係送 mp3 啦. 但係可惜我地星期四錄o個幾句唔見左! max 最初面紅, 跟住就雙眼通紅. 佢話佢都會估到我地會送 mp3 比佢.
跟住我就返 hall 喇. 聽日 out reach day, 八點幾要報到, 唔返屋企咯. 留o係 hall 又係做上星期五做o既野, 就係洗衫, 又係同阿詩洗衫, 又係洗埋阿禮 d 衫. 咁就一日了. 時間真係唔好用喇.
上完堂, 跟住阿詩同 suki 話去捐血, 我又未試過, 見有人陪, 咁我都去左. 等左成個鐘先有得捐. 開頭就係"篤手指", 睇下血色素夠唔夠, 好痛! 跟住就真係捐喇, 姑娘問洗唔洗止痛劑, 梗係要啦! 少少痛啦, 過程都順利. 捐完就繼續食埋成個鐘之前買落o既老麥. 但係我到 d 針o既時候真係好驚!
等多幾個字, 我就要去補牙, 過程都順利. 佢又問洗唔洗麻醉, 梗係要! 一定要! 跟住就上堂, 上完堂就等夠鐘, 同阿 max 出去食飯, 今日係佢生日, 大家要一齊同佢慶祝. 去坑口搵左一間, 咁就去食喇, 食完飯就送生日禮物比佢喇, 我地之前買左部 mp3 比佢, 點知, 份生日禮物唔係 mp3, 而係幾條朱古力!? 我都唔知乜野事, 整蠱緊佢啦.
食完飯就o係附近搵間野食糖水, 八蚊碗, 但係要乜冇乜, 芒果都冇喎! 正當我地要拉大隊之制, 老闆返黎啦, 佢去左買芒果... d 芒果西米露算係咁啦. 食完又繼續送生日禮物, 今次真係送 mp3 啦. 但係可惜我地星期四錄o個幾句唔見左! max 最初面紅, 跟住就雙眼通紅. 佢話佢都會估到我地會送 mp3 比佢.
跟住我就返 hall 喇. 聽日 out reach day, 八點幾要報到, 唔返屋企咯. 留o係 hall 又係做上星期五做o既野, 就係洗衫, 又係同阿詩洗衫, 又係洗埋阿禮 d 衫. 咁就一日了. 時間真係唔好用喇.
Saturday, September 25, 2004
23 SEPTEMBER 2004 - considerate
今日終於唔係九點堂, 訓到十一點幾, 上十二點堂, 不過我都係遲到, 總之第一堂就一定會遲到.
又係冇 LUNCH 食o既一日, 要等到三點幾先有得食, 食 tea. 今日o既 huma 講老子, 大家就對老子所謂o既"真理" 作出一連串的討論. 咁乜野係真理呢? 永恆不變o既就係真理了. 咁 1+ 1 = 2 咪係真理!? 唔係, 二進制o既時候已經唔成立了, 仲有 "1" , "2" o既定義係可以改變的, 所以唔係真理..
跟住又去上堂, 咁就上晒堂了. 落堂就去左開會, 開完就去左燒烤, 今次同跆拳道o既人燒烤. 我覺得人地攪o'night 好過我o既 photosoc, 人地準備埋紙巾, 飲品係凍o既, 食物o既選擇都多 d. 不過貴 d 喎, 真係一分錢一分貨? 今日有三個爐, 其實係分緊三個 channel, 一個係英文台, 一個係廣東話, 一個係普通話. 識o既就會一齊玩, 唔識都好難混得熟, 呢樣野係必然的. o個班莊員都幾認真, 覺得有問題就即刻開會檢討.
唔知點解會應承左阿詩燒 d 野比佢食, 所以我就帶埋個食物盒去, 一邊燒, 一邊擺 d 野落去啦, 都冇所謂啦, 我唔食佢地都係浪費架o者.
燒完就拎 d 野去 magic 間房, 等埋阿詩一齊食, 食完就同 magic 打 winning, 一去到 common room, 有個女人話自己精神有問題, 叫我地唔好咁嘈喎, 神經衰弱咋? 唔係真係有問題嘛...
玩完就返房, 做功課, roommate 帶左一位朋友入黎吹水, 咁我就出去 common room 做. 見到阿勛喎, 佢話我呢層 d 人好, 見到佢地o係 common room 傾計, 會迴避一下. 呢 d 唔係基本禮儀嗎? 阿勛就就好多人連呢 d 野都唔識...
做做下功課, 對面房o既 IE freshman 走埋, 問我" c++ 要做功課咩!?", 原來佢一直以為我係 freshman, 但係我從來冇同佢上過堂, 佢唔會覺得奇怪咩?
做完功課, 返到房, roommate 個朋友仲未走喎, 一直o係間房係咁傾, 傾到四點, 我都要訓覺, 佢地都唔識收聲, 唔收聲算喇, 又唔會細聲 d, 或者去第二度傾, 完全唔識尊重人. 直到五點, 我都未訓到, 好想行落去打佢, 鬧佢一餐, 但係, 比返少少面都要o既, 有人o係度嘛. 未必完全關佢事, 其實係我訓唔著.
佢地兩個人熄晒燈, 係咁傾係咁傾, 佢完全唔會考慮我第二朝九點堂, 老實不客氣. 但係一個十九二十歲o既人唔係真係呢 d 咁基本o既野都唔識, 要人教下話... 總之就好唔 considerate 啦. 可能我太客氣喇, 唔通真係要以暴役暴? 無謂啦~ 好好學習相處之道吧.
又係冇 LUNCH 食o既一日, 要等到三點幾先有得食, 食 tea. 今日o既 huma 講老子, 大家就對老子所謂o既"真理" 作出一連串的討論. 咁乜野係真理呢? 永恆不變o既就係真理了. 咁 1+ 1 = 2 咪係真理!? 唔係, 二進制o既時候已經唔成立了, 仲有 "1" , "2" o既定義係可以改變的, 所以唔係真理..
跟住又去上堂, 咁就上晒堂了. 落堂就去左開會, 開完就去左燒烤, 今次同跆拳道o既人燒烤. 我覺得人地攪o'night 好過我o既 photosoc, 人地準備埋紙巾, 飲品係凍o既, 食物o既選擇都多 d. 不過貴 d 喎, 真係一分錢一分貨? 今日有三個爐, 其實係分緊三個 channel, 一個係英文台, 一個係廣東話, 一個係普通話. 識o既就會一齊玩, 唔識都好難混得熟, 呢樣野係必然的. o個班莊員都幾認真, 覺得有問題就即刻開會檢討.
唔知點解會應承左阿詩燒 d 野比佢食, 所以我就帶埋個食物盒去, 一邊燒, 一邊擺 d 野落去啦, 都冇所謂啦, 我唔食佢地都係浪費架o者.
燒完就拎 d 野去 magic 間房, 等埋阿詩一齊食, 食完就同 magic 打 winning, 一去到 common room, 有個女人話自己精神有問題, 叫我地唔好咁嘈喎, 神經衰弱咋? 唔係真係有問題嘛...
玩完就返房, 做功課, roommate 帶左一位朋友入黎吹水, 咁我就出去 common room 做. 見到阿勛喎, 佢話我呢層 d 人好, 見到佢地o係 common room 傾計, 會迴避一下. 呢 d 唔係基本禮儀嗎? 阿勛就就好多人連呢 d 野都唔識...
做做下功課, 對面房o既 IE freshman 走埋, 問我" c++ 要做功課咩!?", 原來佢一直以為我係 freshman, 但係我從來冇同佢上過堂, 佢唔會覺得奇怪咩?
做完功課, 返到房, roommate 個朋友仲未走喎, 一直o係間房係咁傾, 傾到四點, 我都要訓覺, 佢地都唔識收聲, 唔收聲算喇, 又唔會細聲 d, 或者去第二度傾, 完全唔識尊重人. 直到五點, 我都未訓到, 好想行落去打佢, 鬧佢一餐, 但係, 比返少少面都要o既, 有人o係度嘛. 未必完全關佢事, 其實係我訓唔著.
佢地兩個人熄晒燈, 係咁傾係咁傾, 佢完全唔會考慮我第二朝九點堂, 老實不客氣. 但係一個十九二十歲o既人唔係真係呢 d 咁基本o既野都唔識, 要人教下話... 總之就好唔 considerate 啦. 可能我太客氣喇, 唔通真係要以暴役暴? 無謂啦~ 好好學習相處之道吧.
Thursday, September 23, 2004
22 SEPTEMBER 2004 - 等明星
今日都係九點堂, 我都係慣性地遲到, 返左又點o者, 唔訓又點呢, 都好似學唔到 d 乜野咁. 跟住o個堂就係幾百人o係 lecture theather 聽 talk, 今日o既 topic 係 lean manufacturing, 幾有興趣聽, 但係我更有興趣訓覺. 上完呢堂跟住就冇堂, 又繼續o係 library 做功課.
做到十二點幾, 我同阿鴻同 eric 就去羽毛球場打波, 今日join 阿盈, 阿朱佢地, 同佢地打都幾辛苦, 盡量都唔會打得快. 佢地有四個人, 但係有個涼鞋所以唔打得, 我就同佢地打喇. 打到一點, 阿盈, 阿朱都走左, 留低兩位女仕, 佢地係邊個呢? 好似話係阿朱o既 roommate. 最後佢地都走左, 阿鈞又落黎, 我都係唔夠阿鈞打架啦~
打到咁上下就去食飯, 今日阿 max 同阿詩買個老麥就上返 atrium, 為乜呢? 為左睇 boy'z 喎, house one 面子真係大, 請得起boy'z, 佢地兩個等明星, 十足中學o個d 學生妹咁. 佢地兩個仲呃阿鴻話周麗淇黎左喎, 吹水啦~
食完飯就開始做 project 喇, 嘩~ o個兩個 PG o係 lab 入面打機咁開心o既, 我就畫下野, 跟住又要聽人介紹 fscan, 星期六我就要介紹返比人知乜野係 fscan, 咁 fscan 係野呢? 就係量度行路o個陣, 隻腳承受幾多壓力呢.
攪到六點左右, 就要聽星期六o既 out reach day o既 briefing session, dr. lee 叫我地做得好d, 因為第時收到好o既學生, 咁個 reputation 都好 d 啦, 對我都好 d 啦~ 但係我下年畢業, 之後收乜野人都唔係好關我事啦~
跟住就去 library 做功課, 有 judy o係度係做得快 d 架啦~ 跟住返 hall 食公仔麵, 今次試下用微波爐煮, 真係 ok 喎.
跟住就收到幾位航青o既隊員急 call, 叫我去 hall one 樓下o既大笪地買野食喎, 咪又係小食o個 d 野~ 有 d 係自己人攪, 有 d 係出面搵人攪, 出面o個 d 明顯係貴 d 啦~
八點半買完野食, 等佢地等到十點幾先食. 到十一點我就要返我個hall, 今日我o個層糖水會, d 野一陣就比人清晒啦~ 最搶手係涼粉. 但係我都係唔夠o既, 都係要落seafront 食車仔麵.
攪左一輪, 跟住就要落四樓搵源哥, 佢o既 roommate 係熱愛功夫, 係咁講, 跟住又係咁播歌, 所以係溫唔到書架~ 跟住我同源哥就去二樓o既溫習室, 溫到三點... 其實我諗住一落去就捉源哥走, 點知又係咁吹水, 遲左半個鐘.
做到十二點幾, 我同阿鴻同 eric 就去羽毛球場打波, 今日join 阿盈, 阿朱佢地, 同佢地打都幾辛苦, 盡量都唔會打得快. 佢地有四個人, 但係有個涼鞋所以唔打得, 我就同佢地打喇. 打到一點, 阿盈, 阿朱都走左, 留低兩位女仕, 佢地係邊個呢? 好似話係阿朱o既 roommate. 最後佢地都走左, 阿鈞又落黎, 我都係唔夠阿鈞打架啦~
打到咁上下就去食飯, 今日阿 max 同阿詩買個老麥就上返 atrium, 為乜呢? 為左睇 boy'z 喎, house one 面子真係大, 請得起boy'z, 佢地兩個等明星, 十足中學o個d 學生妹咁. 佢地兩個仲呃阿鴻話周麗淇黎左喎, 吹水啦~
食完飯就開始做 project 喇, 嘩~ o個兩個 PG o係 lab 入面打機咁開心o既, 我就畫下野, 跟住又要聽人介紹 fscan, 星期六我就要介紹返比人知乜野係 fscan, 咁 fscan 係野呢? 就係量度行路o個陣, 隻腳承受幾多壓力呢.
攪到六點左右, 就要聽星期六o既 out reach day o既 briefing session, dr. lee 叫我地做得好d, 因為第時收到好o既學生, 咁個 reputation 都好 d 啦, 對我都好 d 啦~ 但係我下年畢業, 之後收乜野人都唔係好關我事啦~
跟住就去 library 做功課, 有 judy o係度係做得快 d 架啦~ 跟住返 hall 食公仔麵, 今次試下用微波爐煮, 真係 ok 喎.
跟住就收到幾位航青o既隊員急 call, 叫我去 hall one 樓下o既大笪地買野食喎, 咪又係小食o個 d 野~ 有 d 係自己人攪, 有 d 係出面搵人攪, 出面o個 d 明顯係貴 d 啦~
八點半買完野食, 等佢地等到十點幾先食. 到十一點我就要返我個hall, 今日我o個層糖水會, d 野一陣就比人清晒啦~ 最搶手係涼粉. 但係我都係唔夠o既, 都係要落seafront 食車仔麵.
攪左一輪, 跟住就要落四樓搵源哥, 佢o既 roommate 係熱愛功夫, 係咁講, 跟住又係咁播歌, 所以係溫唔到書架~ 跟住我同源哥就去二樓o既溫習室, 溫到三點... 其實我諗住一落去就捉源哥走, 點知又係咁吹水, 遲左半個鐘.
21 SEPTEMBER 2004 - 腳軟
今日都係九點堂, 做 lab o者~ 勁眼訓, 集中唔到精神, d 野又悶, 要我地跟住佢黎做, 有冇攪錯. 跟住o個兩堂我都係訓下訓下咁過. 由九點到三點, 我淨係食左幾塊餅咋. 到三點, 就搵人落去食野, 佢地就係食 tea, 我就食緊 lunch. 跟住o個堂出奇地, 淨係訓左好少!
咁就落堂喇, 今日阿鴻同阿 max 繼續練環校跑, 我又跟埋佢地一齊, 佢地跑兩個半圈, 我跑個半就算喇, 跑個半圈已經腳軟了. 跑完就即刻去練跆拳, 超級腳軟... 最大o既障礙就係我隻左腳好唔聽使, 右腳勉強都可以, 最最大問題其實係 d 筋太緊.
上完堂就去 seafront 買飯上 newhall 食, 最緊要係搵阿禮, 我成日將自己條門匙比人, 今日就比左阿禮, 真係好險, 電話就快冇電喇, 好彩o係冇電之前都搵到佢.
今日玩走火警, 做得好認真, 真係封晒路, 好難先可以行去 hall one...
跟住o既時間就係做功課, 今個 sem 都幾辛苦, 有兩科係個個星期都交功課.
咁就落堂喇, 今日阿鴻同阿 max 繼續練環校跑, 我又跟埋佢地一齊, 佢地跑兩個半圈, 我跑個半就算喇, 跑個半圈已經腳軟了. 跑完就即刻去練跆拳, 超級腳軟... 最大o既障礙就係我隻左腳好唔聽使, 右腳勉強都可以, 最最大問題其實係 d 筋太緊.
上完堂就去 seafront 買飯上 newhall 食, 最緊要係搵阿禮, 我成日將自己條門匙比人, 今日就比左阿禮, 真係好險, 電話就快冇電喇, 好彩o係冇電之前都搵到佢.
今日玩走火警, 做得好認真, 真係封晒路, 好難先可以行去 hall one...
跟住o既時間就係做功課, 今個 sem 都幾辛苦, 有兩科係個個星期都交功課.
Tuesday, September 21, 2004
20 SEPTEMBER 2004 - 試玩環校跑
九點堂真係難頂! 我仲要捱落去, 慘!
今日食完飯媽媽專登入到黎科大拎張入數紙比我, 不過冇時間帶佢遊科大了, 第日先啦~
今日上堂上到三點就冇堂, 下晝六點幾我同阿 max, 阿鴻試玩環校跑, 條斜路真係難上! 第一次上已經上到死下死下, 第二次要行上去了. 阿鴻就好似唔洗休息咁, 強呀! max 中途都要抖下.
跑到七點, 我就即刻返去沖涼, 再即刻返出黎, 今日上 magic course. 話就話七點開始, 我七點幾先到咪又係未開始, 今日教用銀仔魔術, 真係呃得下人架! 如果比我苦練下的話... 其實招招都係同一原理, 不過次次都呃到我的.
上完 course 就搵阿禮同阿詩去 seafront 食飯. 食完我就返 hall 做功課.
到十一點就要開樓會, 今次淨係 d ex-co 傾野, 都算傾到野, 不過個半鐘就真係耐左少少呢~ 可能因為我自己有莊o既關係, 所有 position 我都想用返 d formal o既名. 例如 publication sec, external sec...
星期三糖水會, 同二樓合作喎.
今日食完飯媽媽專登入到黎科大拎張入數紙比我, 不過冇時間帶佢遊科大了, 第日先啦~
今日上堂上到三點就冇堂, 下晝六點幾我同阿 max, 阿鴻試玩環校跑, 條斜路真係難上! 第一次上已經上到死下死下, 第二次要行上去了. 阿鴻就好似唔洗休息咁, 強呀! max 中途都要抖下.
跑到七點, 我就即刻返去沖涼, 再即刻返出黎, 今日上 magic course. 話就話七點開始, 我七點幾先到咪又係未開始, 今日教用銀仔魔術, 真係呃得下人架! 如果比我苦練下的話... 其實招招都係同一原理, 不過次次都呃到我的.
上完 course 就搵阿禮同阿詩去 seafront 食飯. 食完我就返 hall 做功課.
到十一點就要開樓會, 今次淨係 d ex-co 傾野, 都算傾到野, 不過個半鐘就真係耐左少少呢~ 可能因為我自己有莊o既關係, 所有 position 我都想用返 d formal o既名. 例如 publication sec, external sec...
星期三糖水會, 同二樓合作喎.
Monday, September 20, 2004
19 SEPTEMBER 2004 - 咁就一個星期日
今日訓醒, 原來已經三點喇! 寶貴o既星期日咁就冇左半日了, 一陣要拎本書出去影印, 仲有要攞相, 夜晚仲要返hall 好似好多野做咁.
o係屋企坐到六點幾七點就出去, 攞完相, 想搵影印鋪, 點知全部都閂晒門, 算把啦, 返屋企食個飯就返 hall 啦. d 相又晒成點呢? ok la, 大家應該會滿意掛. 其實 d 鋪頭唔閂門又點? 九成都唔會做我生意架啦~ 可能呢排捉得緊.
返到 hall 就開始做功課, 做完就搵源哥打機, 咁就一個星期日了.
o係屋企坐到六點幾七點就出去, 攞完相, 想搵影印鋪, 點知全部都閂晒門, 算把啦, 返屋企食個飯就返 hall 啦. d 相又晒成點呢? ok la, 大家應該會滿意掛. 其實 d 鋪頭唔閂門又點? 九成都唔會做我生意架啦~ 可能呢排捉得緊.
返到 hall 就開始做功課, 做完就搵源哥打機, 咁就一個星期日了.
Sunday, September 19, 2004
18 SEPTEMBER 2004 - 得罪人
今日準時起身! 去洗牙, 今次洗牙o既係第二個人, 呢個手勢好 d~ 順利呀, 跟住要做o既就係補牙, book 左下個星期. 洗完牙就買個老麥早餐去搵源哥, 佢話就話屈蛇, 但係好似屋主咁, 幫整下部電腦, 跟住阿鈞又黎埋, 坐左一陣之後, 阿鈞話要影証件相, 咁我就要返我個 hall, 時間好早, 十一點幾, 所以我冇敲門, 輕輕力開門, 咁就出事了.........................
跟住就同阿鈞影喇, 跟住就阿鴻, 阿 max, 到幫阿詩影o個陣, 口多啦我...... 諗返起我就會諗到點解, 後知後覺... 最後就幫suki 同阿 rain 影.
一個朝早就得罪左咁多人, 真係... 唉... 呢個係 學習相處之道 好好o既一課. 得罪人比被人得罪更唔好受. 我都唔知我跟住應該做 d 乜野咯. 以後要注意多 d 啦.
跟 住就去食飯, 心情又唔去, 頭先又食左早餐, 冇乜胃口. 食完就幫 magic 影埋相, 跟住我就返屋企喇. 返屋企之前要拎 ieem310 o既 textbook 去影印, 但係人地唔做我生意喎, 想去配我個 hall 條鎖匙, 又配唔到, 返到屋企就訓左一陣, 訓醒又繼續執相, 跟住就去踢波喇, 同一班 ive 師弟踢波, 佢地都畢業喇.
都未開波, 隻腳已經痛了, 肌肉酸痛, 又疲勞! 全程都係慢慢跑, 跑唔得快. 臨尾仲要落雨. 我地都收晒工, 班師弟仲繼續踢. 踢完就食飯, 食完飯就返屋企.
跟住就同阿鈞影喇, 跟住就阿鴻, 阿 max, 到幫阿詩影o個陣, 口多啦我...... 諗返起我就會諗到點解, 後知後覺... 最後就幫suki 同阿 rain 影.
一個朝早就得罪左咁多人, 真係... 唉... 呢個係 學習相處之道 好好o既一課. 得罪人比被人得罪更唔好受. 我都唔知我跟住應該做 d 乜野咯. 以後要注意多 d 啦.
跟 住就去食飯, 心情又唔去, 頭先又食左早餐, 冇乜胃口. 食完就幫 magic 影埋相, 跟住我就返屋企喇. 返屋企之前要拎 ieem310 o既 textbook 去影印, 但係人地唔做我生意喎, 想去配我個 hall 條鎖匙, 又配唔到, 返到屋企就訓左一陣, 訓醒又繼續執相, 跟住就去踢波喇, 同一班 ive 師弟踢波, 佢地都畢業喇.
都未開波, 隻腳已經痛了, 肌肉酸痛, 又疲勞! 全程都係慢慢跑, 跑唔得快. 臨尾仲要落雨. 我地都收晒工, 班師弟仲繼續踢. 踢完就食飯, 食完飯就返屋企.
17 SEPTEMBER 2004 - 段練體能
17 SEPTEMBER 2004
又係九點堂, 上到一點鐘, 跟住就食飯. 飯完飯其他人要影証件相, 成大班人去我個 hall. 我就一個人去匯豐銀行入數. 坑口好似有一間, 我就坐小巴去到坑口, 死... 原來坑口冇的! 要寶林先有! 咁我又去寶林, 去到人山人海, 好似公立醫院輪候睇街証. 匯豐有六種服務, 即係有六條隊, 我排 "C" 隊, 條隊去到 408, 我排 432, 時間淨返廿分鐘, 我就要返學校上 safety training course, safety training 一年先開到一次, 所以唔可以唔去. 等左五分幾鐘, 我條隊淨係行左一個, 但係佢地明明有十個櫃位, 十個都有人... 咁我好嬲, 是但搵個人鬧"你地有十個人, serve 六條隊都可以咁慢, 有冇攪錯...", 佢只可以講"唔好意思"... 跟住我都走左喇, 打返去 sao 問, 雖然今日係 deadline, 但係下個星期交都可以...
又趕返去上 safety course, 都係一 d 以前聽過o既野, 不過再聽過都好的. 完左 safety training 之後就傾 project, 傾完就去游水. 今日唔敢游得太用力, 一陣要上跆拳道o既 course 嘛. 游左個幾鐘就上水, 返 hall 食少少野, 就起行喇.
佢 d 訓練好多都係練體能的, 當然, 做乜都要有好o既體能. 最辛苦就係要拉筋, 如果從少開始拉就最好. 仲有遇到 nicole, patrick 呢兩個 ieem freshman, 又遇到兩個住同層o既人, 不過我仲未記得佢地叫乜野名.
練完之後隻腳好累, 同 nicole 去 seafront 食野, 佢仲請我食糖水, 真係多謝晒喇. 原本諗住食完野同阿鴻, max 去練環校跑, 點知佢地都唔練, 聽日先喎, 跟住我就同阿詩去洗衣房洗衫. 諗住我, 阿詩同阿禮三個人一齊洗會平 d, 點知三個人o既衫真係多, 要分兩機洗, hall one o既洗衣房都幾旺場, 淨係洗到一機, 另一機就要去 hall 2 洗. 洗完衫我就去 newhall 搵阿鴻, sam, suki, 佢地三缺一喎, 咁我就坐陣啦, 坐到咁上下, 阿 max 買埋糖水上黎, 玩到過左時間, 遲左收衫, 攪到阿詩要等喇, 仲要等乾衣, 佢仲話要熨埋衫. 跟住我都冇再返去打牌, 留o係 hall 幫佢地執証件相, 順便休息下咯, 聽朝要去洗牙. roommate 三點幾先返黎.
又係九點堂, 上到一點鐘, 跟住就食飯. 飯完飯其他人要影証件相, 成大班人去我個 hall. 我就一個人去匯豐銀行入數. 坑口好似有一間, 我就坐小巴去到坑口, 死... 原來坑口冇的! 要寶林先有! 咁我又去寶林, 去到人山人海, 好似公立醫院輪候睇街証. 匯豐有六種服務, 即係有六條隊, 我排 "C" 隊, 條隊去到 408, 我排 432, 時間淨返廿分鐘, 我就要返學校上 safety training course, safety training 一年先開到一次, 所以唔可以唔去. 等左五分幾鐘, 我條隊淨係行左一個, 但係佢地明明有十個櫃位, 十個都有人... 咁我好嬲, 是但搵個人鬧"你地有十個人, serve 六條隊都可以咁慢, 有冇攪錯...", 佢只可以講"唔好意思"... 跟住我都走左喇, 打返去 sao 問, 雖然今日係 deadline, 但係下個星期交都可以...
又趕返去上 safety course, 都係一 d 以前聽過o既野, 不過再聽過都好的. 完左 safety training 之後就傾 project, 傾完就去游水. 今日唔敢游得太用力, 一陣要上跆拳道o既 course 嘛. 游左個幾鐘就上水, 返 hall 食少少野, 就起行喇.
佢 d 訓練好多都係練體能的, 當然, 做乜都要有好o既體能. 最辛苦就係要拉筋, 如果從少開始拉就最好. 仲有遇到 nicole, patrick 呢兩個 ieem freshman, 又遇到兩個住同層o既人, 不過我仲未記得佢地叫乜野名.
練完之後隻腳好累, 同 nicole 去 seafront 食野, 佢仲請我食糖水, 真係多謝晒喇. 原本諗住食完野同阿鴻, max 去練環校跑, 點知佢地都唔練, 聽日先喎, 跟住我就同阿詩去洗衣房洗衫. 諗住我, 阿詩同阿禮三個人一齊洗會平 d, 點知三個人o既衫真係多, 要分兩機洗, hall one o既洗衣房都幾旺場, 淨係洗到一機, 另一機就要去 hall 2 洗. 洗完衫我就去 newhall 搵阿鴻, sam, suki, 佢地三缺一喎, 咁我就坐陣啦, 坐到咁上下, 阿 max 買埋糖水上黎, 玩到過左時間, 遲左收衫, 攪到阿詩要等喇, 仲要等乾衣, 佢仲話要熨埋衫. 跟住我都冇再返去打牌, 留o係 hall 幫佢地執証件相, 順便休息下咯, 聽朝要去洗牙. roommate 三點幾先返黎.
Saturday, September 18, 2004
16 SEPTEMBER 2004 - 講故佬
今日十二點先有堂上, 但係九點要洗牙, 又係晨咁早起身. 去到診所, 首先係check 下 d 牙, 死喇~ 好多問題喎! 之前補o個隻牙都有事! 仲要話補得好差, 以前補牙o個個地方係阿媽帶我去的, 真係好平, 以後我都唔會去架啦! 就咁就開始洗牙, 佢要我用鼻呼吸, 而我習慣用口呼吸, 加上時間唔夠, 今日就洗唔到牙喇. 約過第二個時間, 星期六再去.
原本今日應該係去 darkroom 聽 SAO 高層 mathew 講野, 但係我太眼訓了, 都係返 hall 訓, 好彩 darkroom man wendy 準我訓覺...訓到咁上下就去上堂. 今日呢堂好特別, 上上下堂有人發"羊調"... 驚呀. 跟住就去上 huma281, 第一次上呢堂, 個 professor 講野真係幾生動有趣, 似一個講故佬, 廣東話授課, 聽得幾入耳.
落堂之後就要食飯喇, 三點先食飯, 以後個個星期都要咁. 食完就繼續做功課, 成大班人o係 library 對住幾份 source 係咁做. 臨上堂之前我都係去左跆拳道o既 counter 報名, 可能覺得自己唔夠忙, 唔抵得呢~
落左堂就要去 darkroom 幫手, 今日係黑房班, 黑房地方細, 我都幫唔到d 乜野手, o係出面坐, 訓著左了. 嚴格黎講我唔算係幫過手呢.
坐到咁上下我就搵阿禮食飯, 阿禮就帶我同阿詩去 new hall, 搵 suki 同 queenie 食返星期二食剩o既野. 岩岩好塞飽我啦~ 食完喇, 阿 tim 先打比我問我食唔食野, 其實我仲想食的, 不過再食又要食好耐, 都係唔食了!
原本今日應該係去 darkroom 聽 SAO 高層 mathew 講野, 但係我太眼訓了, 都係返 hall 訓, 好彩 darkroom man wendy 準我訓覺...訓到咁上下就去上堂. 今日呢堂好特別, 上上下堂有人發"羊調"... 驚呀. 跟住就去上 huma281, 第一次上呢堂, 個 professor 講野真係幾生動有趣, 似一個講故佬, 廣東話授課, 聽得幾入耳.
落堂之後就要食飯喇, 三點先食飯, 以後個個星期都要咁. 食完就繼續做功課, 成大班人o係 library 對住幾份 source 係咁做. 臨上堂之前我都係去左跆拳道o既 counter 報名, 可能覺得自己唔夠忙, 唔抵得呢~
落左堂就要去 darkroom 幫手, 今日係黑房班, 黑房地方細, 我都幫唔到d 乜野手, o係出面坐, 訓著左了. 嚴格黎講我唔算係幫過手呢.
坐到咁上下我就搵阿禮食飯, 阿禮就帶我同阿詩去 new hall, 搵 suki 同 queenie 食返星期二食剩o既野. 岩岩好塞飽我啦~ 食完喇, 阿 tim 先打比我問我食唔食野, 其實我仲想食的, 不過再食又要食好耐, 都係唔食了!
15 SEPTEMBER 2004 - 怒
唔知係咪太夜訓o既關係, 呢幾日成日都唔知醒, 朝早九點堂例遲十分鐘啦. 由九點上到一點, 上完堂就食飯, 食完飯就去恆生入數, 入借 non-mean o既 手續費. 借 non-mean 跟本就係搵我自己笨, 要我自己還的. 但係媽媽每次都嘈到拆天... 呃住佢得唔得呢? 入到恆生, 佢話要去匯豐入喎...跟住 student housing office 見 lewis cho, 話說我前幾日 send email 投訴冇鎖匙, 佢就叫我去搵佢傾計喇. johnny 話呢條友係 A 字搏o既人, 而且鐘意笑笑口. 見到lewis cho, 都幾後生, 真係笑笑口, o係度灑太極, 預左啦, 佢話退錢唔係佢能力範圍以內, 我又已經有鎖匙, 消左啖氣了.
見完就返 hall 等到四點. 今晚係photosoc o既 o'night, 其實即係 BBQ. 約就約四點, 我都算係準時, johnny 都到左, 不過有 d 事行開左. 期間阿禮係咁吹我返 hall 拎本書比佢, 最後我都係去左, 返左 hall, 出返黎, 莊員們唔見晒, 走左!? 打電話比阿 ball 仲叫我留o係度!? 我真係發火, 如果o個一刻我見到佢, 我可能會打佢. 呢 d 多數都係阿波o既主意, 上次去大澳, 其他莊員遲到, 佢真係唔等. 今次呢... johnny 都走左好耐, 又唔見佢地話起行, 我走左唔知幾耐佢地就起行... 佢地又唔係準時, 真係太過份了. 最後我都同佢地出左去坑口買野食... 如果我出唔到去呢? 我都唔知會做 d 乜了. 最無奈係上到車, francis 仲要鬧人, 我都無謂同呢 d 唔講道理o既人理論了. 我都唔知仲可唔可以同呢班人合作了, 好彩唔係個個都係咁冇道理, 都仲有一 d 係正常o既.
幾個人要買三十人o既份量, 好重. 攪左一輪終於去到燒烤場, 等 member 到囉, 等到咁上下就開始起爐, 起爐呢 d 野我都係唔在行, 要睇住 yohoo 人點起先得. 最後有唔少 member放飛機, 食剩唔少野呀~ 冇法, 點知 d 人鐘意放飛機... 最後拎返 d 野返 hall 3, 聽日食左去啦! 今日又係唔齊人啦, 有 d 人六點鐘之後就奉指唔出現, 有 d 就去拍拖所以唔黎. 即係乜野呢? 鐘意唔黎就可以唔黎.
夜晚就做功課, 我做左一個錯o既決定, 就係同源哥一齊做, 佢都係唔多專心, 成日同我傾計, 攪到我做得好慢. 做到四點先訓.
見完就返 hall 等到四點. 今晚係photosoc o既 o'night, 其實即係 BBQ. 約就約四點, 我都算係準時, johnny 都到左, 不過有 d 事行開左. 期間阿禮係咁吹我返 hall 拎本書比佢, 最後我都係去左, 返左 hall, 出返黎, 莊員們唔見晒, 走左!? 打電話比阿 ball 仲叫我留o係度!? 我真係發火, 如果o個一刻我見到佢, 我可能會打佢. 呢 d 多數都係阿波o既主意, 上次去大澳, 其他莊員遲到, 佢真係唔等. 今次呢... johnny 都走左好耐, 又唔見佢地話起行, 我走左唔知幾耐佢地就起行... 佢地又唔係準時, 真係太過份了. 最後我都同佢地出左去坑口買野食... 如果我出唔到去呢? 我都唔知會做 d 乜了. 最無奈係上到車, francis 仲要鬧人, 我都無謂同呢 d 唔講道理o既人理論了. 我都唔知仲可唔可以同呢班人合作了, 好彩唔係個個都係咁冇道理, 都仲有一 d 係正常o既.
幾個人要買三十人o既份量, 好重. 攪左一輪終於去到燒烤場, 等 member 到囉, 等到咁上下就開始起爐, 起爐呢 d 野我都係唔在行, 要睇住 yohoo 人點起先得. 最後有唔少 member放飛機, 食剩唔少野呀~ 冇法, 點知 d 人鐘意放飛機... 最後拎返 d 野返 hall 3, 聽日食左去啦! 今日又係唔齊人啦, 有 d 人六點鐘之後就奉指唔出現, 有 d 就去拍拖所以唔黎. 即係乜野呢? 鐘意唔黎就可以唔黎.
夜晚就做功課, 我做左一個錯o既決定, 就係同源哥一齊做, 佢都係唔多專心, 成日同我傾計, 攪到我做得好慢. 做到四點先訓.
14 SEPTEMBER 2004 - 麻煩友
又一日九點堂, 真係難頂喇... 今日又係做lab, 做 database o個個 lab, 源哥坐我隔離, 煩死, "講你又唔聽, 問你又咁大聲...". 影響我o既進度. 呢科都係頹架啦~ 上堂又早放, 做 lab 又早放, 都好, 有時間比我去食飯!
食完飯就上francis lui, 一名吹水怪. 落堂就入 library 摺. 到三點幾, 阿鈞打電話比我, 話佢o係一個 professor o既 office 入面, 叫我上去. 乜野 professor? 係一科 huma o既professor, 我前幾日send 左封 email 叫佢加位... 原本諗住冇希望, 唔讀就唔讀. 點知今日又話我知有得讀... 上到去, 佢叫我講 d 理由出黎, 點解想讀, 我又唔講大話, 就話我想今個 sem 讀多 d, 第日舒服 d, 我從來冇講過關於佢o個科o既野, 但係佢又肯幫我同佢阿 head 講, 開多個位喎! 阿鈞都話佢好人, 真係好人呀.
跟住又去上堂, 我個 dept head 痴線, 唔肯比 notes, 要手抄, 罰抄咩... 一路都諗緊讀多一科 huma 會唔會好辛苦, 我有諗過 drop 左去, 但係人地專登幫我架喎~ 攪左一輪, 我都係唔 drop 了, 反正 workload 又唔大, 淨係上堂o者. 或者下個 sem 真係可以舒服 d 呢~
放左學之後就去 re-u 了, 同 o'camp 班組仔re-u, queenie, suki, 鴻, 組仔阿偉都冇黎... 希望搵次人齊再黎多次啦.
其他人就出左去買野, 我同組仔阿 roy 就黎o係學校, 因為要幫佢 drop 科. 等o既期間, 我同佢去左睇跆拳道, 佢話抵玩喎, 二百蚊一個 sem... 點解我會睇呢 d 野呢, 因為源哥今朝問我學唔學空手道, 所以我就開始留意喇. 我會唔會學呢? 少少想啦~
等齊人就返 newhall 起爐, 今日打邊爐~ 佢地買左好多肥牛... 冇左阿偉玩魔術, 少左 d 野睇... 就係咁就攪到十一點幾... 今日十一要開樓會(淨係樓會 commitee o既會), 我都 miss 左了. 開成點呢? 原來咪又係幾條友吹水...
雖然我冇去到, 但係個心都係諗住呢件事, 諗下諗下就會諗到阿 tim, 冇佢我都唔會做 commitee, 呢個真係一個麻煩友, 成日叫人做野, 但係諗到佢走去訓覺都唔去開會o既時候, 佢講o既野變得冇晒說服力了... 要學下 say no 先.
今日終於拎到我o既門匙了! 不過配得唔係幾好... 不過我都唔敢再拎比佢換了, 又要等!?
食完飯就上francis lui, 一名吹水怪. 落堂就入 library 摺. 到三點幾, 阿鈞打電話比我, 話佢o係一個 professor o既 office 入面, 叫我上去. 乜野 professor? 係一科 huma o既professor, 我前幾日send 左封 email 叫佢加位... 原本諗住冇希望, 唔讀就唔讀. 點知今日又話我知有得讀... 上到去, 佢叫我講 d 理由出黎, 點解想讀, 我又唔講大話, 就話我想今個 sem 讀多 d, 第日舒服 d, 我從來冇講過關於佢o個科o既野, 但係佢又肯幫我同佢阿 head 講, 開多個位喎! 阿鈞都話佢好人, 真係好人呀.
跟住又去上堂, 我個 dept head 痴線, 唔肯比 notes, 要手抄, 罰抄咩... 一路都諗緊讀多一科 huma 會唔會好辛苦, 我有諗過 drop 左去, 但係人地專登幫我架喎~ 攪左一輪, 我都係唔 drop 了, 反正 workload 又唔大, 淨係上堂o者. 或者下個 sem 真係可以舒服 d 呢~
放左學之後就去 re-u 了, 同 o'camp 班組仔re-u, queenie, suki, 鴻, 組仔阿偉都冇黎... 希望搵次人齊再黎多次啦.
其他人就出左去買野, 我同組仔阿 roy 就黎o係學校, 因為要幫佢 drop 科. 等o既期間, 我同佢去左睇跆拳道, 佢話抵玩喎, 二百蚊一個 sem... 點解我會睇呢 d 野呢, 因為源哥今朝問我學唔學空手道, 所以我就開始留意喇. 我會唔會學呢? 少少想啦~
等齊人就返 newhall 起爐, 今日打邊爐~ 佢地買左好多肥牛... 冇左阿偉玩魔術, 少左 d 野睇... 就係咁就攪到十一點幾... 今日十一要開樓會(淨係樓會 commitee o既會), 我都 miss 左了. 開成點呢? 原來咪又係幾條友吹水...
雖然我冇去到, 但係個心都係諗住呢件事, 諗下諗下就會諗到阿 tim, 冇佢我都唔會做 commitee, 呢個真係一個麻煩友, 成日叫人做野, 但係諗到佢走去訓覺都唔去開會o既時候, 佢講o既野變得冇晒說服力了... 要學下 say no 先.
今日終於拎到我o既門匙了! 不過配得唔係幾好... 不過我都唔敢再拎比佢換了, 又要等!?
Tuesday, September 14, 2004
13 SEPTEMBER 2004 - 未必有下次
今日返九點堂, 做 lab, 做 dr.so o既 lab, 好頹喎, d 野都幾無聊下. 又或者係我冇留心聽書, 掛著釣魚. 落左堂就食飯, 食完就上英文堂了.
可能 miss 知我識影相, 就覺得我連攝錄機都識用, 用 VHS o個隻攝錄機, o係英文, 用攝綠機o個 d 都叫 cameraman, 其實係咪識呢? 試下都得o既. 點解今日要拍片? 因為今日做 mini-presentation. 好多中山團o既團友都搵返呢件事黎講, 好有連灌性, 一個講第一日, 一個講第二日, 一個講第三日... 但係都係圍繞住我黎講o既... 咁客氣呀... 阿鴻講o個 d 歷史錯o既! 佢負責講第三日, 但係佢講o個 d 事都唔係第三日發生.... 好似比佢地做咁... 無奈呀~ 唔洗講都會諗到係邊個o既主意了...
落左堂就無聊一個鐘, 跟住又上英文, 今次呢個係 year 3 o既英文堂... 都係無無聊聊的.
落左堂又去開會, 開完會即刻準備星期三o既 o'night, 去百佳買炭, 買汽水.
返到 hall 坐一陣又出去百佳入貨, 我個 hall 終於有野食喇~ 好! 今日食即食麵加兩條蕉.
跟住又同阿禮去 newhall 遊花園, 返到hall 就沖涼, 順便洗衫, 係用手自己洗. 我諗未必有下次喇, 麻鬼煩, o係間房"long"衫滴到間房濕晒.
攪左一輪, 乜都未做喎! 係時候開工了! 做功課. 不過又開始眼訓啦喎.
可能 miss 知我識影相, 就覺得我連攝錄機都識用, 用 VHS o個隻攝錄機, o係英文, 用攝綠機o個 d 都叫 cameraman, 其實係咪識呢? 試下都得o既. 點解今日要拍片? 因為今日做 mini-presentation. 好多中山團o既團友都搵返呢件事黎講, 好有連灌性, 一個講第一日, 一個講第二日, 一個講第三日... 但係都係圍繞住我黎講o既... 咁客氣呀... 阿鴻講o個 d 歷史錯o既! 佢負責講第三日, 但係佢講o個 d 事都唔係第三日發生.... 好似比佢地做咁... 無奈呀~ 唔洗講都會諗到係邊個o既主意了...
落左堂就無聊一個鐘, 跟住又上英文, 今次呢個係 year 3 o既英文堂... 都係無無聊聊的.
落左堂又去開會, 開完會即刻準備星期三o既 o'night, 去百佳買炭, 買汽水.
返到 hall 坐一陣又出去百佳入貨, 我個 hall 終於有野食喇~ 好! 今日食即食麵加兩條蕉.
跟住又同阿禮去 newhall 遊花園, 返到hall 就沖涼, 順便洗衫, 係用手自己洗. 我諗未必有下次喇, 麻鬼煩, o係間房"long"衫滴到間房濕晒.
攪左一輪, 乜都未做喎! 係時候開工了! 做功課. 不過又開始眼訓啦喎.
Monday, September 13, 2004
12 SEPTEMBER 2004 - "選民六折"
今日一起身就去 giodano 買褲, 今日o既 gimmick 係"選民" 六折. 真係有趣, 去買條褲都可以參與政治, 表達政見. 今日冇得即場試, 因為佢地個 fitting room 放左好多貨, 不過可以換嘛, 咁就買啦~
返屋企就即刻搬野返 hall, 超級大袋呀! 返到 hall, 冇人幫我開門, 激死! 好彩有工友岩岩經過, 先開到門, 跟住又即刻落去足球場踢波, 踢大場真係好辛苦, 加上我又著平底鞋, 超辛苦!
踢完就同阿 sam 返 hall 沖涼, 跟住就出去食 tea, 呢個係今日o既第一餐, 頭先都冇食 lunch. 今日同阿宙, terence 一齊食, 食完 call 埋阿禮出黎吹水. 吹到咁上下, 我又要起程返屋企, 我發覺我冇帶我o既游水裝備, 仲有條褲唔岩著喎! 28" 都係岩岩好, 好迫下.
真係浪費時間啦~ 出出入入, 到我再返去換條褲o個陣, 勁多人呀! 等試身都等左十幾分鐘. 返屋企, 再返 hall, 又係冇鎖匙, 又要人幫我開門... 煩死! 跟住就落去搵阿禮, sam 食飯, 食完就搵個 common room 睇波, 場波對我黎講唔係好吸, 我又諗到好似好多野未做, 所以都係走先喇~ 原本想打 winning, 但係因為電視機轉唔到 av 台所以冇得打.
攪攪下電腦, 佢地又搵到地方打機, 我就去打返兩鋪~ 仲食野宵夜, 阿恆買的.
玩到差唔多一點, 我都係未準備聽日英文o既 presentation 喎... 講乜野好呢? 想講"中山遊記", 但係好似好多字唔識, 是但搵日日記講? 又驚悶親人, 都係講中山遊啦~ 唔識o既字咪唔好講囉~ 避重就輕嘛.
返屋企就即刻搬野返 hall, 超級大袋呀! 返到 hall, 冇人幫我開門, 激死! 好彩有工友岩岩經過, 先開到門, 跟住又即刻落去足球場踢波, 踢大場真係好辛苦, 加上我又著平底鞋, 超辛苦!
踢完就同阿 sam 返 hall 沖涼, 跟住就出去食 tea, 呢個係今日o既第一餐, 頭先都冇食 lunch. 今日同阿宙, terence 一齊食, 食完 call 埋阿禮出黎吹水. 吹到咁上下, 我又要起程返屋企, 我發覺我冇帶我o既游水裝備, 仲有條褲唔岩著喎! 28" 都係岩岩好, 好迫下.
真係浪費時間啦~ 出出入入, 到我再返去換條褲o個陣, 勁多人呀! 等試身都等左十幾分鐘. 返屋企, 再返 hall, 又係冇鎖匙, 又要人幫我開門... 煩死! 跟住就落去搵阿禮, sam 食飯, 食完就搵個 common room 睇波, 場波對我黎講唔係好吸, 我又諗到好似好多野未做, 所以都係走先喇~ 原本想打 winning, 但係因為電視機轉唔到 av 台所以冇得打.
攪攪下電腦, 佢地又搵到地方打機, 我就去打返兩鋪~ 仲食野宵夜, 阿恆買的.
玩到差唔多一點, 我都係未準備聽日英文o既 presentation 喎... 講乜野好呢? 想講"中山遊記", 但係好似好多字唔識, 是但搵日日記講? 又驚悶親人, 都係講中山遊啦~ 唔識o既字咪唔好講囉~ 避重就輕嘛.
Sunday, September 12, 2004
11 SEPTEMBER 2004 - 慈母多敗兒
晨咁早, 八點就起身就要返去傾 project, 傾之前要搬部 printer 返 hall 先. 入到間房, 唔見阿鴻, 唔見阿禮, 淨係見到有個女人訓緊. 原來傑仔尋晚都返左黎. 咁阿鴻佢地呢? 原來尋晚佢地都冇返房, 好彩 roommate 有返房, 有人看下門口... 佢地成班人去左八樓, IE 個 P 阿 roy 間房, 又話做功課, 哼~ 咪又係玩~
之後就去傾 project, o係 library book 左間房, 真係開會咁呀~
傾到十二點半, 我就去灣仔買電腦野喇, 買左部 dvd 燒碟機, 但係一隻碟都未有. 攪到一點九, 打返屋企問阿媽食左飯未, 預期中, 未食. 一陣同家姐出去吉之島食. 咁我就大遲到, 去到食野, 食完野就開始買 d 日用品, 我個 hall 乜都冇... 家姐開始有 d 唔耐煩(平時應該係我唔耐煩先), 咁佢就返屋企先. 咁樣已經算係一個 family day 了, 對於我屋企黎講...
我同媽媽就繼續行, 要買o既野太多了, 一時間都搵唔到岩心水o既. 跟住媽媽提議去銅鑼灣o既吉之島十蚊店, 已經腳軟了... 不過又想去喎, 照去! 真係搵到要搵o既野. 跟住就順手行埋宜家傢俬, 有 d design 真係好得, 其實都係好普通o既野, 原理唔複雜, 好多人都識, 不過識應用o既就唔多. 有 d 傢俬好靚, 但係我屋企o既樓底唔夠高, 未必用到呢~ 仲有老豆唔係好鐘意我地換傢俬, 唔鐘意o既話新傢俬照樣整爛... o個度 d 傢俬真係正呀, 如果我有自己o既屋企, 成間屋都係o個 d 傢俬就好咯~ 破產...
睇到唔知時間, 九點幾都未覺得肚餓, 最後返到屋企附近先食野. 好耐冇試過咁樣行喇, 冇試過行咁多個鐘, 冇試過同阿媽行咁多個鐘.
今日o既我就好似聽日要去效野公園旅行o既小學生, 媽媽o係身邊諗得好周到好周到, 我都唔細架啦~ 佢都係唔放心我, 定係我比唔到信心佢呢? 定係放唔到手呢? 的確, 如果我自己黎, 有 d 野係一定唔會帶o既, 例如: 洗衣粉, 洗潔精. 的確又好難放心o既, 呢樣野對我, 對佢都係新鮮野, 第一次... 所謂慈母多敗兒呀~ 我唔要做敗兒!
死喇, 乜野功課都未做, 書又未溫, 希望聽日追返啦~
今日係九一一o既三週年, 撞機o既過程我仲記得... 驚心動魄.
之後就去傾 project, o係 library book 左間房, 真係開會咁呀~
傾到十二點半, 我就去灣仔買電腦野喇, 買左部 dvd 燒碟機, 但係一隻碟都未有. 攪到一點九, 打返屋企問阿媽食左飯未, 預期中, 未食. 一陣同家姐出去吉之島食. 咁我就大遲到, 去到食野, 食完野就開始買 d 日用品, 我個 hall 乜都冇... 家姐開始有 d 唔耐煩(平時應該係我唔耐煩先), 咁佢就返屋企先. 咁樣已經算係一個 family day 了, 對於我屋企黎講...
我同媽媽就繼續行, 要買o既野太多了, 一時間都搵唔到岩心水o既. 跟住媽媽提議去銅鑼灣o既吉之島十蚊店, 已經腳軟了... 不過又想去喎, 照去! 真係搵到要搵o既野. 跟住就順手行埋宜家傢俬, 有 d design 真係好得, 其實都係好普通o既野, 原理唔複雜, 好多人都識, 不過識應用o既就唔多. 有 d 傢俬好靚, 但係我屋企o既樓底唔夠高, 未必用到呢~ 仲有老豆唔係好鐘意我地換傢俬, 唔鐘意o既話新傢俬照樣整爛... o個度 d 傢俬真係正呀, 如果我有自己o既屋企, 成間屋都係o個 d 傢俬就好咯~ 破產...
睇到唔知時間, 九點幾都未覺得肚餓, 最後返到屋企附近先食野. 好耐冇試過咁樣行喇, 冇試過行咁多個鐘, 冇試過同阿媽行咁多個鐘.
今日o既我就好似聽日要去效野公園旅行o既小學生, 媽媽o係身邊諗得好周到好周到, 我都唔細架啦~ 佢都係唔放心我, 定係我比唔到信心佢呢? 定係放唔到手呢? 的確, 如果我自己黎, 有 d 野係一定唔會帶o既, 例如: 洗衣粉, 洗潔精. 的確又好難放心o既, 呢樣野對我, 對佢都係新鮮野, 第一次... 所謂慈母多敗兒呀~ 我唔要做敗兒!
死喇, 乜野功課都未做, 書又未溫, 希望聽日追返啦~
今日係九一一o既三週年, 撞機o既過程我仲記得... 驚心動魄.
Saturday, September 11, 2004
10 SEPTEMBER 2004 - 壞唔起
好彩 mechan 人叫我起身, 呢個 mechan 人又唔係咁粗老o個隻, 不過都係玩得之人. 刷完牙返房, 一位 mech 人o既朋友話唔知邊度見過我, 我都好似唔知邊度見過佢, 好似係o'week.
上九點堂, 總算係冇遲到啦, econ o既 tutorial 唔知講乜喎! 好唔好轉第二科呢? 但係o個科係 mc 喎, 讀唔過! 跟住就去睇醫生喇, 終於睇到喇, 唔洗等. 跟住又係去上堂, 跟住又係落堂, 食飯... 今日同阿 rain, judy 同檯食飯, 佢地提出"男人不壞女人不愛", 真係? 又好似岩喎. 不過我壞唔起.
之後又係傾 project, 諗緊一個 project 值 6 個 credits, 一科 econ 都值 4 個 credits, 真係上唔到力喎. 係咁谷個 project, 真係要小心因小失大! 全程阿鴻都係心不在焉的.
仲有兩個字就到三點, 聽朝繼續做... 我就去左打羽毛球, 打左兩個字咋... 唔夠喉啦~ 又冇人陪我打咯. 之後o個一個鐘都係做 d 無謂野, 落左去問有鎖匙未, 未有, 下星期先... 跟住寫左封信希望讀多科 huma. 跟住又係上堂, 落堂... 跟住我就去游水, 今日有 sam, athena, 學而, 我四個人... 今日天氣好涼!
游完就去 seafront 食飯, 我都唔想的, 不過我要買阿 sam 部 $200 printer, 要等 suki 返黎開門, 仲要等阿鴻返黎開門比佢... 過份呀! 兩條友去將軍澳六合彩, 可以攪成個幾兩個鐘, 真係攪乜都得呀. 又話一齊食飯, 點知食埋先返... 過份呀~
跟住就去開間房比阿鴻, 希望佢唔好攪亂檔.
返屋企喇, 媽媽都係叫我借 non-mean 令經濟冇咁緊張, 希望快 d 攪掂啦~ 返到屋企冇得 icq, 今日個 icq 死o既~
前幾日都冇寫日記, 一次過寫左四篇了...
聽日又要返去做 project >_<
上九點堂, 總算係冇遲到啦, econ o既 tutorial 唔知講乜喎! 好唔好轉第二科呢? 但係o個科係 mc 喎, 讀唔過! 跟住就去睇醫生喇, 終於睇到喇, 唔洗等. 跟住又係去上堂, 跟住又係落堂, 食飯... 今日同阿 rain, judy 同檯食飯, 佢地提出"男人不壞女人不愛", 真係? 又好似岩喎. 不過我壞唔起.
之後又係傾 project, 諗緊一個 project 值 6 個 credits, 一科 econ 都值 4 個 credits, 真係上唔到力喎. 係咁谷個 project, 真係要小心因小失大! 全程阿鴻都係心不在焉的.
仲有兩個字就到三點, 聽朝繼續做... 我就去左打羽毛球, 打左兩個字咋... 唔夠喉啦~ 又冇人陪我打咯. 之後o個一個鐘都係做 d 無謂野, 落左去問有鎖匙未, 未有, 下星期先... 跟住寫左封信希望讀多科 huma. 跟住又係上堂, 落堂... 跟住我就去游水, 今日有 sam, athena, 學而, 我四個人... 今日天氣好涼!
游完就去 seafront 食飯, 我都唔想的, 不過我要買阿 sam 部 $200 printer, 要等 suki 返黎開門, 仲要等阿鴻返黎開門比佢... 過份呀! 兩條友去將軍澳六合彩, 可以攪成個幾兩個鐘, 真係攪乜都得呀. 又話一齊食飯, 點知食埋先返... 過份呀~
跟住就去開間房比阿鴻, 希望佢唔好攪亂檔.
返屋企喇, 媽媽都係叫我借 non-mean 令經濟冇咁緊張, 希望快 d 攪掂啦~ 返到屋企冇得 icq, 今日個 icq 死o既~
前幾日都冇寫日記, 一次過寫左四篇了...
聽日又要返去做 project >_<
09 SEPTEMBER 2004 - 開樓會
今日係唯一一日唔洗返九點鐘(睇時間表黎講), 咁我訓到十一點幾, 慢條斯理咁出門口, 慢慢行落去睇醫生, 又係太多人! 見到牙醫, 我諗起我好耐冇洗牙, 咁就 book 左個時間, 原來都幾旺場, 我book 左下星期四九點.... 跟住就慢慢行上 SAO 攪八達通學生優惠. 時間係十二點九分. 跟住就慢慢行去 library check email, 見到阿鈞, 突然諗起, 我十二點要上堂! 唔係十二點半! 咁就即刻飛入去上堂喇. 雷鼎鳴都係一名吹水怪, 講到自己好勁咁, 係咪真係呢? 唔知. 跟住就去食飯, 食完飯就出去買 mon, 多謝阿禮同阿鴻呢兩個義工! 去觀塘買 mon 真係蝕呀! o個個地方勁遠, 要坐的士, 最後用左三十幾蚊坐兩程的士, 咁個 mon 呢? 普通貨呢~ 間公司o既環境勁唔掂, 仲叫我叫 d 同學仔上去買... 咪玩啦~ 計埋的士錢, 即係用左二百三十幾蚊. 咁尋日o係灣仔抵 d 喎, 明碼實價二百三十蚊, 冇咁嬲呀! 最後都趕得切返去上堂, 好彩~ dept head 又係吹水怪黎o既, 真係唔好彩, 科科都係吹水怪!
落左堂, queenie 呢排真係好即興, 提議話出去深水步食壽司, 因為o個間野平, 佢地唔等我返 hall 放低個 mon 先, 就出左去, 霸位喎~ 個 mon 放左o係 IE 個 counter. 阿鈞就陪我返去放低個 mon, 順便睇下我間房乜野環境, 咪就係乜都冇囉~
跟住我就去深水步喇, 途中見到 account o既 groupmate tracy, math year 3, 真係唔簡單呀! math o既 level 1 course 已經可以 KO 我了! 佢要讀 5 科 math, 每科 4 個 credits, 真係得人驚. 我同佢講我去深水步食壽司, 佢已經知邊間了! 真係咁出名架... 阿鴻可黎話食住等, 我真係唔信喎, 吹水啦你~ 人地等成個幾兩鐘先有得食, 佢地點會咁好彩呀~
去到西九龍中心喇, 去埋廁所, 慢慢搵, 佢地未入到去啦~ 原來又係得個幾丁友, 我, max, 鴻, queenie, suki... 呢間野食迴轉壽司的, 我地個位好衰, 係尾黎的, 前面就有新野係咁上, 我地就坐最尾... 要出去搶野食. 任食的, 岩晒啦~ 我大食呀!
食到咁上下我都夠喇, 我又去搵拖板, 實惠真係實惠, 廿蚊都唔洗就買到了! 不過得一米長, suki 話唔夠長, 咁我就去換個兩米啦.
呢餐埋單 $44 一位. ok 啦~ 跟住就返 hall, 今晚十一點半開樓會喎, 乜野黎架呢?
今日大家o既話題都係我o既 soc, 都係講緊証件相o個件事, non-member o個個價的確係貴呢~ 佢地係咁鬧, 以前我一定會幫住個 soc, 依家我冇所謂, 我都唔理咁多了. 即係如果係我負責我唔會刻薄自己人呢~ 可能大家會話好彩唔係我負責呢. 左右做人難, 兩邊都想幫呀. 可能我呢 d 咁"唔現實"o既性格會令我唔到大事.
源哥o係四樓屈蛇, 我諗住落去摺下, 摺到咁上下先上去, 好莊 mate 阿 tim 打黎召我上去六樓開樓會, 佢唔知係咪唔太了解我, 定係喜歡惡作劇, 係都想推我出去做野, mechan roommate 比人推左做樓主, 作為佢o既 roommate 都要做返少少野... 樓主房嘛...
樓會係乜野呢? 好似丐幫大會咁, 有幾個"元老"主持大會, 有其他層o既人o係度, 好似其他幫會咁. 我個人就唔鐘意呢 d 場合, 呢 d 氣氛. 選左樓主, 就要行落三樓"猛男會" 踩場, 途中都走左唔少人了, 今年 d 人比較摺, 好呀, 岩我!
落到三樓, 六樓o既樓主要"挑機", 三樓就搵左個人出黎, 玩變態野呀, 兩個男人玩"mit lin", 玩到流血呀... 我呢 d 餚底之人梗係企埋一邊睇啦~ d 人睇住呢 d 野會好開心, 睇到笑, 我唔識笑咯. 三樓 d 人都係摺, 聽講上年係好熱鬧的.
玩完喇, 我又搵源哥吹兩句, 跟住就返房攪我部電腦喇, 攪到三點幾先訓呢~ 聽日返九點...
落左堂, queenie 呢排真係好即興, 提議話出去深水步食壽司, 因為o個間野平, 佢地唔等我返 hall 放低個 mon 先, 就出左去, 霸位喎~ 個 mon 放左o係 IE 個 counter. 阿鈞就陪我返去放低個 mon, 順便睇下我間房乜野環境, 咪就係乜都冇囉~
跟住我就去深水步喇, 途中見到 account o既 groupmate tracy, math year 3, 真係唔簡單呀! math o既 level 1 course 已經可以 KO 我了! 佢要讀 5 科 math, 每科 4 個 credits, 真係得人驚. 我同佢講我去深水步食壽司, 佢已經知邊間了! 真係咁出名架... 阿鴻可黎話食住等, 我真係唔信喎, 吹水啦你~ 人地等成個幾兩鐘先有得食, 佢地點會咁好彩呀~
去到西九龍中心喇, 去埋廁所, 慢慢搵, 佢地未入到去啦~ 原來又係得個幾丁友, 我, max, 鴻, queenie, suki... 呢間野食迴轉壽司的, 我地個位好衰, 係尾黎的, 前面就有新野係咁上, 我地就坐最尾... 要出去搶野食. 任食的, 岩晒啦~ 我大食呀!
食到咁上下我都夠喇, 我又去搵拖板, 實惠真係實惠, 廿蚊都唔洗就買到了! 不過得一米長, suki 話唔夠長, 咁我就去換個兩米啦.
呢餐埋單 $44 一位. ok 啦~ 跟住就返 hall, 今晚十一點半開樓會喎, 乜野黎架呢?
今日大家o既話題都係我o既 soc, 都係講緊証件相o個件事, non-member o個個價的確係貴呢~ 佢地係咁鬧, 以前我一定會幫住個 soc, 依家我冇所謂, 我都唔理咁多了. 即係如果係我負責我唔會刻薄自己人呢~ 可能大家會話好彩唔係我負責呢. 左右做人難, 兩邊都想幫呀. 可能我呢 d 咁"唔現實"o既性格會令我唔到大事.
源哥o係四樓屈蛇, 我諗住落去摺下, 摺到咁上下先上去, 好莊 mate 阿 tim 打黎召我上去六樓開樓會, 佢唔知係咪唔太了解我, 定係喜歡惡作劇, 係都想推我出去做野, mechan roommate 比人推左做樓主, 作為佢o既 roommate 都要做返少少野... 樓主房嘛...
樓會係乜野呢? 好似丐幫大會咁, 有幾個"元老"主持大會, 有其他層o既人o係度, 好似其他幫會咁. 我個人就唔鐘意呢 d 場合, 呢 d 氣氛. 選左樓主, 就要行落三樓"猛男會" 踩場, 途中都走左唔少人了, 今年 d 人比較摺, 好呀, 岩我!
落到三樓, 六樓o既樓主要"挑機", 三樓就搵左個人出黎, 玩變態野呀, 兩個男人玩"mit lin", 玩到流血呀... 我呢 d 餚底之人梗係企埋一邊睇啦~ d 人睇住呢 d 野會好開心, 睇到笑, 我唔識笑咯. 三樓 d 人都係摺, 聽講上年係好熱鬧的.
玩完喇, 我又搵源哥吹兩句, 跟住就返房攪我部電腦喇, 攪到三點幾先訓呢~ 聽日返九點...
08 SEPTEMBER 2004 - 我怕受傷
上十一點堂, 訓到十點幾. 諗住上堂之前去睇醫生, 太多人了! 唔睇住. 上堂就半遊魂狀態, 落堂就去食飯, 一陣要返屋企去搬電腦. 走之前又係諗住睇醫生, 又係太多人, 又唔睇住. 返屋企又繼續執野走, 部電腦都係唔可以搬返去, 壞壞地o既, 我諗係條 ram 壞, 咁就搬部電腦去灣仔整, 好彩我懶得去深水步, 好彩我叫佢幫我砌埋, 咁我先可以去灣仔整機. 等左個幾鐘先輪到我. 期間去左買喇叭, 想買埋拖板, 好貴喎! 要五十蚊以上! 係喇, 換左條 ram 部機就正常返, 好極!
跟住又搬部電腦返 hall, 又係冇人o既... 真係攪錯! 一條鎖匙攪咁耐... 咁我就去阿 tim o個度坐下喇, 順便上下網, 我仲未買 mon. 出事喇, o係佢間房做電燈膽, 佢o既女朋友點睇都掂過以前鐘意佢o個個, 真係識揀喇. 坐到十點左右, 佢同我搬部機返上去, 今次有人喇~ 擺低部機我又落左去搵同學仔食飯, 佢地成班友玩乜鬼"航空訓練", 玩到十點幾先食飯.
食完飯都唔係好飽, 唔知做乜成日都唔夠飽...跟住就諗下有乜野做呢... 係! 未寫 training log sheet! 咁就去阿詩間房抄喇. 原來佢仲係唔捨多得以前o個個. 我又唔會好似佢咁, 可能係我o既經歷唔及佢深吧, 或者係佢長情啦. 不過我都係比較愛錫自己, 唔想令自己辛苦, 所以唔再喜歡糾纏了, 我怕受傷.
媽媽打黎問我做乜唔返屋企喎, 我同佢講話星期五先返, 都係未講我住 hall 喎. 我都係鐘意當面講多過電話講. 唔講真話我個心都會覺得唔舒服... 但係住 hall 都唔係乜野壞事呢... 如無意外今年係最後一年o係 UST, 唔住就冇機會了.
跟住又搬部電腦返 hall, 又係冇人o既... 真係攪錯! 一條鎖匙攪咁耐... 咁我就去阿 tim o個度坐下喇, 順便上下網, 我仲未買 mon. 出事喇, o係佢間房做電燈膽, 佢o既女朋友點睇都掂過以前鐘意佢o個個, 真係識揀喇. 坐到十點左右, 佢同我搬部機返上去, 今次有人喇~ 擺低部機我又落左去搵同學仔食飯, 佢地成班友玩乜鬼"航空訓練", 玩到十點幾先食飯.
食完飯都唔係好飽, 唔知做乜成日都唔夠飽...跟住就諗下有乜野做呢... 係! 未寫 training log sheet! 咁就去阿詩間房抄喇. 原來佢仲係唔捨多得以前o個個. 我又唔會好似佢咁, 可能係我o既經歷唔及佢深吧, 或者係佢長情啦. 不過我都係比較愛錫自己, 唔想令自己辛苦, 所以唔再喜歡糾纏了, 我怕受傷.
媽媽打黎問我做乜唔返屋企喎, 我同佢講話星期五先返, 都係未講我住 hall 喎. 我都係鐘意當面講多過電話講. 唔講真話我個心都會覺得唔舒服... 但係住 hall 都唔係乜野壞事呢... 如無意外今年係最後一年o係 UST, 唔住就冇機會了.
07 SEPTEMBER 2004 - "走佬"
照原定計劃, 今日去唱 k, 出門口之前執埋 d 床單, 被... 開始慢慢搬 d 野入去, 好有"走佬" feel 呀~ 其實唔應該去唱 k 啦, 或者話去到都唔應該唱, 今日喉嚨痛. 好似講到好多人去咁, 最後只係得我, sam, athena, 詩, suki 五個人去.
唱完就返科大, 未夠鐘上堂, 我又去自己間房拍下門, 睇下有冇人, 今次終於有人, roommate 1 號叫 kenneth, 係 BBA year1. 坐左一陣我又走喇. 佢見到阿鴻就話:"我地以後會成日見" 即係乜野意思呢? 佢先知咯.
食完 tea 又上堂, 上完堂又係去游水. 游完水又係去 seafront 買飯去 new hall common room 食飯. seafront 有雙拼都唔係乜野新奇事, 今日我又想叫雙拼, 我個人都係三心兩意, 拿唔定主意, 叫雙拼就最好! 我叫"一(號)三(號)雙拼" 講左幾次, 唔知佢問乜, 我又係咁話"係". 最後都係叫唔到雙拼, 我都費時繼續追了... 講極都唔明o既.
一邊睇, 一邊食, 食到好夜, 阿媽仲o係澳門, 又未返, 我都係唔返屋企, 住下我o既 hall. 如果阿媽返去我就會返去, 我都未同佢講我住 hall. 我o既 hall 入面乜都冇, 淨係有幾套衫, 同埋有個床位, 訓覺就夠, 其他就乜都做唔到了. 夜晚阿 tim, 我的好 莊mate 就入左黎我間房吹水, 話我呢間係"樓主房"喎, 即係我地間房 d 人會做樓主, 我想摺喎...
roommate 二號叫傑仔, 係 mech 人(機械人), 我成日都覺得 mech 人好粗老的. 原來佢係鐘意點幾兩點唔訓, 聽住歌, icq o個 d 黎o既... 咁咪即係同我一樣? 我未有電腦, 冇得一邊聽歌, 一邊 icq. 過兩日就有啦~
唱完就返科大, 未夠鐘上堂, 我又去自己間房拍下門, 睇下有冇人, 今次終於有人, roommate 1 號叫 kenneth, 係 BBA year1. 坐左一陣我又走喇. 佢見到阿鴻就話:"我地以後會成日見" 即係乜野意思呢? 佢先知咯.
食完 tea 又上堂, 上完堂又係去游水. 游完水又係去 seafront 買飯去 new hall common room 食飯. seafront 有雙拼都唔係乜野新奇事, 今日我又想叫雙拼, 我個人都係三心兩意, 拿唔定主意, 叫雙拼就最好! 我叫"一(號)三(號)雙拼" 講左幾次, 唔知佢問乜, 我又係咁話"係". 最後都係叫唔到雙拼, 我都費時繼續追了... 講極都唔明o既.
一邊睇, 一邊食, 食到好夜, 阿媽仲o係澳門, 又未返, 我都係唔返屋企, 住下我o既 hall. 如果阿媽返去我就會返去, 我都未同佢講我住 hall. 我o既 hall 入面乜都冇, 淨係有幾套衫, 同埋有個床位, 訓覺就夠, 其他就乜都做唔到了. 夜晚阿 tim, 我的好 莊mate 就入左黎我間房吹水, 話我呢間係"樓主房"喎, 即係我地間房 d 人會做樓主, 我想摺喎...
roommate 二號叫傑仔, 係 mech 人(機械人), 我成日都覺得 mech 人好粗老的. 原來佢係鐘意點幾兩點唔訓, 聽住歌, icq o個 d 黎o既... 咁咪即係同我一樣? 我未有電腦, 冇得一邊聽歌, 一邊 icq. 過兩日就有啦~
Tuesday, September 07, 2004
06 SEPTEMBER 2004 - 人情味
今日係o'week o既最後一日喇, 又係我最早返到去開 counter, 死人 tim 又遲到! 下次約佢約早 d 先得! 十點開 counter, 都係冇用的, 得我一個人, 仲要係超眼訓, 陽光又猛, o係 atrium sit counter 真係辛苦呢~ 鬼叫我真係成朝冇堂上咩, 成朝都 sit 咯. 得我一個o個陣, 最驚遇著 d "八國聯軍", 好彩都勉強應付得黎啦~
sit 到十二點幾就去食飯, 五六個人迫o係一張四人台食飯, 幾得意喎~ 都唔知點解個 canteen 會咁多人o既, 過多幾日就唔會啦~ d 人會走堂架嘛~ 每個 sem 開始o個幾日, 學校都係人頭湧湧的!
跟住就係咁上英文堂喇, 兩個鐘o既英文堂真係悶到爆! 好彩差唔多成班都識架o者~ 個 instructor 都幾 nice 啦~ 不過唔知係咪 killer 呢~ 唔理啦, 係我都避唔過架啦~ 我幫手影左張 classphoto, 哈哈哈~ 既然大家都識o既, 咁就唔好玩自我介紹, 玩互相介紹啦~ queenie 話我鐘意種樹(用樹比喻女人)... 我都唔係好鐘意o者, 有機會先種之嘛... =.=" 我就屈阿鴻有個英文名, 叫 william, 即係 william hung 喇~ hahaha~
上完兩個鐘, break 一個鐘我又係去 sit counter, 跟住又係上 lang... 我 d grammer 唔掂呀! 死咯... 今次一個鐘o者, 冇咁難捱.
落左堂就去 magic soc 入會, 都係為左個 course o者, 佢地d package 真係怪雞, 係都要人買佢件 soc tee, 件野真係唔多靚, 好彩阿禮要~ 咁佢就負責件 tee o既錢, 我就入會, 希望將來學有所成啦~ 做夢...
我同阿鴻又落左去我個 hall 都拍門, 又係冇人o既! 呢兩個 roommate 係咪唔返 hall 訓架? 最後搵埋阿姐幫我開門, 我, 阿鴻同 suki 就好似睇樓咁, 應該得我最似o者... 走之前留低個 message 比呢兩個 roommate 啦~
返屋企繼續攪電腦... 聽日去唱 k 喎, 咁 skip 中午o個堂啦~ 依家唔走第日好難走呀!
有時會覺得我班莊員唔夠"人情味", 乜都公事公辦, 定係我感情用事呢?
sit 到十二點幾就去食飯, 五六個人迫o係一張四人台食飯, 幾得意喎~ 都唔知點解個 canteen 會咁多人o既, 過多幾日就唔會啦~ d 人會走堂架嘛~ 每個 sem 開始o個幾日, 學校都係人頭湧湧的!
跟住就係咁上英文堂喇, 兩個鐘o既英文堂真係悶到爆! 好彩差唔多成班都識架o者~ 個 instructor 都幾 nice 啦~ 不過唔知係咪 killer 呢~ 唔理啦, 係我都避唔過架啦~ 我幫手影左張 classphoto, 哈哈哈~ 既然大家都識o既, 咁就唔好玩自我介紹, 玩互相介紹啦~ queenie 話我鐘意種樹(用樹比喻女人)... 我都唔係好鐘意o者, 有機會先種之嘛... =.=" 我就屈阿鴻有個英文名, 叫 william, 即係 william hung 喇~ hahaha~
上完兩個鐘, break 一個鐘我又係去 sit counter, 跟住又係上 lang... 我 d grammer 唔掂呀! 死咯... 今次一個鐘o者, 冇咁難捱.
落左堂就去 magic soc 入會, 都係為左個 course o者, 佢地d package 真係怪雞, 係都要人買佢件 soc tee, 件野真係唔多靚, 好彩阿禮要~ 咁佢就負責件 tee o既錢, 我就入會, 希望將來學有所成啦~ 做夢...
我同阿鴻又落左去我個 hall 都拍門, 又係冇人o既! 呢兩個 roommate 係咪唔返 hall 訓架? 最後搵埋阿姐幫我開門, 我, 阿鴻同 suki 就好似睇樓咁, 應該得我最似o者... 走之前留低個 message 比呢兩個 roommate 啦~
返屋企繼續攪電腦... 聽日去唱 k 喎, 咁 skip 中午o個堂啦~ 依家唔走第日好難走呀!
有時會覺得我班莊員唔夠"人情味", 乜都公事公辦, 定係我感情用事呢?
05 SEPTEMBER 2004- 有排煩
起身食左少少野, 就出去拎部電腦, 過程總算順利. 返屋企就開始裝 windows, 咁就發現佢會自動 reset! 即係好似比人"咁" 個 reset 掣o個隻... 心知不妙了, 有排煩了! 咁可以點呢? 得閒先拎去整啦. 一直我都冇正式食 lunch.
攪到七點幾就出門口, 今日約左一班中學o既舊同學食飯, 去坑口喎, 都估到係邊個o既主意喇, 就係都係讀科大o既吳維勛呢, 佢 d 同學鐘意叫佢做"阿勛". 去左一間叫五十嵐o既日本料理, 打邊爐, 日式打邊爐同平時打邊爐有乜唔同呢? 就係前者會有 d 日式小食, 同埋飲綠茶咯.
今日到場o既人有: 我, 嚴俊樂, 頼志明, 吳維勛, 曾智康, 歐家洪, 馮金豪.
其他都o係之前再見返面了, 真係五六年冇見o既就係歐家洪! 我以前覺得佢好大隻的, 依家睇佢又好似同大家差唔多咁, 人會變的. 佢第一句就係話我好彩, 咁都比我碌入科大, 我都覺得o既. ^o^v 佢中五之後就讀 IVE, o係沙田讀 product design, 依家要返大陸咯. 已經做左野年幾兩年.
除左吹水之外, 今日o既話題就係前途, 席上有三位都會o係下年畢業. 讀HKU chem o既嚴俊樂就諗緊讀唔讀 master, 但係又諗到讀書讀到悶了! 真係好悶喎, 我已經覺得了. 讀 chem engg o既馮金豪講o既同我都差唔多啦, 大家都係 engg 人, 唔做呢 d 仲有乜野好做. 講到要返大陸做野, 個人黎講都唔係好想, 有選擇我會選擇唔返! 但係由我第一日讀製造工程, 唔係已經決定左肯返大陸嗎?
中學同學聚舊梗係會講返其他中學同學o既近況啦~ 真係好多都唔知佢點! 失晒蹤咁... 中學o既阿 sir miss 呢? 都係唔知仲有冇教.
係咁食, 係咁吹, 好快就三個鐘, 已經十一點了, 人地都差唔多收工, 我地都要收工了.
去到坑口地鐵站, 唔知點解個個企晒o係度, 唔知講乜, 呢個時候就撞到 suki 喇, 佢真係撞到我的.
返屋企就繼續攪部電腦, 似乎都係硬件故障啦~
食飯o個陣吹水吹到我部 PRS... 我想拎出黎比佢地睇o個陣, 發覺... 唔見左!!! 去左邊呢? 我好似拎左比邊個, 定係跌左都唔知呢? o係邊度跌左都唔知! 聽天由命吧.
攪到七點幾就出門口, 今日約左一班中學o既舊同學食飯, 去坑口喎, 都估到係邊個o既主意喇, 就係都係讀科大o既吳維勛呢, 佢 d 同學鐘意叫佢做"阿勛". 去左一間叫五十嵐o既日本料理, 打邊爐, 日式打邊爐同平時打邊爐有乜唔同呢? 就係前者會有 d 日式小食, 同埋飲綠茶咯.
今日到場o既人有: 我, 嚴俊樂, 頼志明, 吳維勛, 曾智康, 歐家洪, 馮金豪.
其他都o係之前再見返面了, 真係五六年冇見o既就係歐家洪! 我以前覺得佢好大隻的, 依家睇佢又好似同大家差唔多咁, 人會變的. 佢第一句就係話我好彩, 咁都比我碌入科大, 我都覺得o既. ^o^v 佢中五之後就讀 IVE, o係沙田讀 product design, 依家要返大陸咯. 已經做左野年幾兩年.
除左吹水之外, 今日o既話題就係前途, 席上有三位都會o係下年畢業. 讀HKU chem o既嚴俊樂就諗緊讀唔讀 master, 但係又諗到讀書讀到悶了! 真係好悶喎, 我已經覺得了. 讀 chem engg o既馮金豪講o既同我都差唔多啦, 大家都係 engg 人, 唔做呢 d 仲有乜野好做. 講到要返大陸做野, 個人黎講都唔係好想, 有選擇我會選擇唔返! 但係由我第一日讀製造工程, 唔係已經決定左肯返大陸嗎?
中學同學聚舊梗係會講返其他中學同學o既近況啦~ 真係好多都唔知佢點! 失晒蹤咁... 中學o既阿 sir miss 呢? 都係唔知仲有冇教.
係咁食, 係咁吹, 好快就三個鐘, 已經十一點了, 人地都差唔多收工, 我地都要收工了.
去到坑口地鐵站, 唔知點解個個企晒o係度, 唔知講乜, 呢個時候就撞到 suki 喇, 佢真係撞到我的.
返屋企就繼續攪部電腦, 似乎都係硬件故障啦~
食飯o個陣吹水吹到我部 PRS... 我想拎出黎比佢地睇o個陣, 發覺... 唔見左!!! 去左邊呢? 我好似拎左比邊個, 定係跌左都唔知呢? o係邊度跌左都唔知! 聽天由命吧.
Sunday, September 05, 2004
04 SEPTEMBER 2004 - 辟邪
都未訓醒, 阿媽就遞個電話比我, 美姨打黎問我出唔出去觀塘食野... 我就諗今日都冇乜野做, 咁就出去啦~ 媽媽今日出發去澳門, 星期一先返. 觀塘又食乜野呢? 今次食花園餐廳, 好野來的! 貴呀... 食完野就陪美姨行下觀塘. 我見到佢手上又有水晶鍊, 又係我o個款... 原來我呢款用黎辟邪, 要載o係右手.
返屋企就開始研究下買乜野電腦, 度左成粒鐘, 左度右度, 都係想平, 如果咁豪, 我就買左 notebook 啦~ 我係好度的. 度左成個鐘, 大概有決定啦, intel pentium 3GHz ..... 一大堆 spec, 我都唔想記低了. 攪掂就打比 李簡能, 中學同學呀, 比較熟o既一位, 搵佢一齊出黎買料, 我真係唔在行. 打比佢o個陣係六點幾, 繼續度買乜野機, 跟住去到灣仔電腦城, 已經就快八點了! 攪左一輪, 最後買左 amd athlon, 貪佢平囉! 我部機又唔係用黎打機, 要太勁只係浪費左佢, 但係要我買部 cheap 野我又覺得唔抵. 叫鋪頭裝埋機, 加多一百蚊, 又話送埋 mouse keyboard, ok 啦... 咁我帶埋部手推車出黎就多舊魚了. 諗住今日有得用, 點知人地就收鋪喇, 聽日啦~
跟住我就同佢去食飯, 時候都唔早喇, 去大家樂食咯~ 我請啦, 咁好人, 隨傳隨到, 仲提供咁多專業意見, 佢講o個 d 型號我真係聽都未聽過! 傾傾下先知, 原來佢要等佢女朋友放工, 十二點半, o係銅鑼灣. 佢本來想幫我砌埋機, 砌到十二點的, 點知我...哈哈~ 咁食完飯我就陪佢行啦~ 由灣仔行去銅鑼灣, 搵 d 機鋪打下機咯, 最好架啦~ 去左燈籠街o個間, 自從中學之後都冇再入了! 以前好鐘意拆左個校章, 就入去玩喇, 當然, 我好少去玩. 機鋪都係烏煙瘴氣, 所以我唔多鐘意入.
兩個男人坐埋一齊玩 photo hunt, 似足基佬呀! 寒~~~~~~~跟老朋友一路上都唔會有 dead air, 話題唔洗諗, 自然會流出黎.
返屋企就開始研究下買乜野電腦, 度左成粒鐘, 左度右度, 都係想平, 如果咁豪, 我就買左 notebook 啦~ 我係好度的. 度左成個鐘, 大概有決定啦, intel pentium 3GHz ..... 一大堆 spec, 我都唔想記低了. 攪掂就打比 李簡能, 中學同學呀, 比較熟o既一位, 搵佢一齊出黎買料, 我真係唔在行. 打比佢o個陣係六點幾, 繼續度買乜野機, 跟住去到灣仔電腦城, 已經就快八點了! 攪左一輪, 最後買左 amd athlon, 貪佢平囉! 我部機又唔係用黎打機, 要太勁只係浪費左佢, 但係要我買部 cheap 野我又覺得唔抵. 叫鋪頭裝埋機, 加多一百蚊, 又話送埋 mouse keyboard, ok 啦... 咁我帶埋部手推車出黎就多舊魚了. 諗住今日有得用, 點知人地就收鋪喇, 聽日啦~
跟住我就同佢去食飯, 時候都唔早喇, 去大家樂食咯~ 我請啦, 咁好人, 隨傳隨到, 仲提供咁多專業意見, 佢講o個 d 型號我真係聽都未聽過! 傾傾下先知, 原來佢要等佢女朋友放工, 十二點半, o係銅鑼灣. 佢本來想幫我砌埋機, 砌到十二點的, 點知我...哈哈~ 咁食完飯我就陪佢行啦~ 由灣仔行去銅鑼灣, 搵 d 機鋪打下機咯, 最好架啦~ 去左燈籠街o個間, 自從中學之後都冇再入了! 以前好鐘意拆左個校章, 就入去玩喇, 當然, 我好少去玩. 機鋪都係烏煙瘴氣, 所以我唔多鐘意入.
兩個男人坐埋一齊玩 photo hunt, 似足基佬呀! 寒~~~~~~~跟老朋友一路上都唔會有 dead air, 話題唔洗諗, 自然會流出黎.
03 SEPTEMBER 2004 - "我想游水呀!"
又係晨咁早返去檔, 都唔明點解我咁無聊, 冇住 hall 都咁早返. 放低佢, 唔理佢唔得咩? 都得o既... 不過我應該唔會咁做. sit counter sit 左一陣, 就開始上堂喇. 今日上 IEEM002, 又係聽 talk, 講o個個又係尋日o既李忠義, 講返一樣o既內容, 我都一樣, 訓返覺先. 跟住就上一科 database, 個professor 好後生喎! 我以為佢係 TA. database 我地唔係學過下啦咩? 又要我地學過... 麻鬼煩的.
跟住就去食飯, 然後就去 SHO 拎張 debit note, 多謝阿詩同阿鈞兩個陪我去. SHO 派左間三人房比我, 我想去睇下 d roommate 係乜野樣, 可惜冇人... 跟住就上去入數喇. 入完數又要走返落去 SHO 交返張 debit note. 我想打開房門睇下都冇機會, 因為條鎖匙壞左喎...跟住又 sit counter, 跟住又係上堂. 今日第一次上 LANG306, 即係 year 3 先take o既英文堂. 入到去全部都係陌生o既面孔, 有個係上莊o既 IT sec 囉, 淨係知佢叫 david, 唔算係識佢. 今日做左一個有關 grammer o既 test, 我好多範都唔掂喎! 點算...
上完 堂, 五點鐘, 就繼續sit counter, 佢地成班人去左游水, 我就繼續看住個 counter, 同時, 其他(部份)莊員就o係上面攪緊影証件相, 有 d 人已經走左了. sit 到其他soc 收晒檔, 我都仲未可以收檔, 因為佢地o係上面太忙, 應付唔黎, 冇人可以落黎幫我收檔, 主要原因都係人手唔夠吧. 睇住時間去到六點半, 我想游水呀! 可以收檔喇, 但係我o係上面都繼續幫手, 所謂幫手都係行行企企, 可有可無, 幫到七點幾... 跟住就拎定游水o既裝備飛落去泳池, 點知... 佢地已經游完了... 我落到去佢地已經上左水, 換完衫... 想喊... 我想游水呀! 如果唔幫手就走左去呢? 可能可以睇住佢地上水咯.
其實我只要講個大話, 話唔得閒, 或者話有緊要事, 我就可以走落去游水啦~ 反正十個莊員中, 有三四個都唔o係度, 佢地唔係個個都有緊要事吧. 講個大話有幾難? 真係好難, 我講唔出. 不過我都應該要學下, 因為唔學就辛苦自己.
落 到黎唔係即刻走嘛? 咁就同一班游完水o既餓鬼上 new hall common room 搵 suki 食飯喇, 今日淨係食麵, 加埋尋晚打邊爐食剩o既野, 唔多飽架啦~ 去 common room, 就好似返屋企咁. 同上次食住家菜一樣, suki, 阿鴻負責煮, 我負責洗碗. 食完就拎副啤牌繼續玩, 用啤牌玩o既野我都唔係咁識玩, 簡單至潛烏龜都唔識... 阿禮就陰我喇, 太陰濕了... 之後阿 sam 就玩魔術比我地睇, 所有魔術都係 trick 人的! 佢表演o既都唔例外, 不過, 如果冇人開估, 可能十年都破唔到.
坐到十一點我地就走人喇, 阿 sam 同 athena 就留低唔走.
再次去拜訪 roommate, 都係冇人.
跟住就返屋企咯~
Friday, September 03, 2004
02 SEPTEMBER 2004 - 邊個屈邊個機?
九點都未到就返到科大, 都係齋等, 等左半個鐘有多... 過份. 先有人去我地o既雜物房開門.
set 好 counter 就 sit counter, 好多鬼佬對攝影都幾有興趣, 佢地黎參加活動的話都幾異相...
今日第一次上 econ150, 教o既就係鼎鼎大名o既雷鼎鳴, 名不虛傳, 廢話連篇, 可能我訓左半個鐘, 唔知佢講乜啦~ 一班人分開拉curve 真係第一次聽呀! econ 人同 non-sbm 人要分開拉curve, 以防止邊個屈邊個機.
上完堂就鼠左去打羽毛球, 跟住就去食飯, 食完就繼續 sit counter.
阿禮幫我手搬 giftpack, 跟住順手放低左幾本 AYP o既 booklet, 咁就攪到 yohoo o既 promotion sec 龍顏大怒喇. 事實上玩 yohoo 就唔玩 AYP, 玩 AYP 就唔玩 yohoo.
天氣熱, 個人又眼訓, 都冇乜心機 sell 客仔. 有個 member sell 客仲落力過我地班 ex-co! 我地o既下莊有希望了!
跟住又去上堂, 上一科由 dept head 教o既course, 佢個名叫 李忠義, 變返做英文, 再用返英文, 姓氏行後, 就係 "忠義李" 喇. 佢今日教過 d 乜呢? 唔知, 訓左半個鐘, 都未真正開始教.
夜晚就同北上團o既團友 re-u, 其實係打邊爐... d 野多到食唔晒!
食食下 magic 都上黎一齊食, 幫我地清袋呢~
SHO 都算有人性, 比 hall 我住, 仲要係一年 hall! 唔知 d roommate 係乜野人呢... 聽日睇下先.
set 好 counter 就 sit counter, 好多鬼佬對攝影都幾有興趣, 佢地黎參加活動的話都幾異相...
今日第一次上 econ150, 教o既就係鼎鼎大名o既雷鼎鳴, 名不虛傳, 廢話連篇, 可能我訓左半個鐘, 唔知佢講乜啦~ 一班人分開拉curve 真係第一次聽呀! econ 人同 non-sbm 人要分開拉curve, 以防止邊個屈邊個機.
上完堂就鼠左去打羽毛球, 跟住就去食飯, 食完就繼續 sit counter.
阿禮幫我手搬 giftpack, 跟住順手放低左幾本 AYP o既 booklet, 咁就攪到 yohoo o既 promotion sec 龍顏大怒喇. 事實上玩 yohoo 就唔玩 AYP, 玩 AYP 就唔玩 yohoo.
天氣熱, 個人又眼訓, 都冇乜心機 sell 客仔. 有個 member sell 客仲落力過我地班 ex-co! 我地o既下莊有希望了!
跟住又去上堂, 上一科由 dept head 教o既course, 佢個名叫 李忠義, 變返做英文, 再用返英文, 姓氏行後, 就係 "忠義李" 喇. 佢今日教過 d 乜呢? 唔知, 訓左半個鐘, 都未真正開始教.
夜晚就同北上團o既團友 re-u, 其實係打邊爐... d 野多到食唔晒!
食食下 magic 都上黎一齊食, 幫我地清袋呢~
SHO 都算有人性, 比 hall 我住, 仲要係一年 hall! 唔知 d roommate 係乜野人呢... 聽日睇下先.
Thursday, September 02, 2004
01 SEPTEMBER 2004 - 同名同姓
今日係九月一日, 開學日. 我好早就返左學校, 未到九點就返到! 不過唔係去上堂, 係去搬貨落去 atrium o既 o'week counter. 都未訓醒, 一個人坐o係 counter, 有個鬼佬走黎問長問短! 好彩還可以應付得黎.
到十點就去上堂, 一堂可以訓足全堂, 跟住o個堂呢~ 都係好悶的! 不過教o個個 professor 就係同我同名同姓(英文名)o既 richard so 喇. 佢一入黎就即刻搵個 richard so 出黎...
sit 完就一大班人食飯, 北上團o既團友就講返我玩過山車同埋海盜船o既事... 呢 d 瘀野比人唱足一世!佢地仲話要去海洋公園玩, 真係諗起都腳軟喎...
sit counter 真係悶呀~ 天氣又焗, 好彩久唔久都有人過黎吹水, 消磨一下時間. sit 到咁上下我就去左搬影樓燈, 跟住就係試影樓燈...
今日o既成績都唔錯啦, 收到唔少 member.
上次o係珠海買o既珠鍊爛左, 是但搵間首飾鋪幫我整, 要留過夜, 仲話要廿幾蚊. ^!^%#&@$)(^ 我買都係 $5...跟住去書局買左魚線, 冇乜彈力, 即係冇用... 未整得返...
我地 photo soc o既 soc tee, 有人話靚, 有人話唔靚~ 哈哈~
前面
後面
Wednesday, September 01, 2004
31 AUGUST 2004 - 遲到
今日要幫 photosoc 搬 souvenir, 約左阿婷, 金迪十一點二o係荔枝角等, 預左有人遲到啦~ 點知咁就呃左阿婷, 佢仲要早到! 金迪就大遲~ 我約呢個時間都係因為想預鬆, 比自己呢~ 我真係遲到了. 咁下次對住 d 鐘意遲到o既人就要約早 d 啦~
今日搬雜誌, 唔洗做苦力啦~ 租左 van 仔. 雜誌社又有板車, 幾好招呼呀~ 間雜誌社叫 popart, 我以前成日上佢o既 newsgroup 的. 上車之後就去紅磡接阿 ball, 佢負責拎 soc tee. 跟住就返科大喇. 今次搬貨真係無痛, 只係soc o既荷包痛o者~ 我地將 d 野搬左入 darkroom, 跟住就去食飯, 食完就庇護了, pack 好 d gift pack, 都係好簡單o既功夫. 跟住就要將 d 野搬晒去4 樓 o既 meeting room, 好彩我地搵到兩架籠車, 所以都係好輕鬆~ 搬完又食飯喇. 攪左咁耐, 塊 board 都仲未開始攪... 攪到夜晚十二點, 我要走喇~ 都仲未攪掂.
4 樓o既 meeting room 就係我地o既工場, 其他 soc o係 atrium 準備聽日o既 o'week, 我地就涼住冷氣黎準備~
做得咁慢, 除左因為唔夠工具, 仲有就係唔夠人! 得返五六個人咋! 都係唔夠投入. carson, tim 做起野上黎又 ok喎!
呢個暑假咁就完左喇, 聽日就開學啦~ 又係忙碌o既生活, 以前我會好怕, 好焦慮, 好唔想開學, 人越大就唔會有呢種感覺.
今日搬雜誌, 唔洗做苦力啦~ 租左 van 仔. 雜誌社又有板車, 幾好招呼呀~ 間雜誌社叫 popart, 我以前成日上佢o既 newsgroup 的. 上車之後就去紅磡接阿 ball, 佢負責拎 soc tee. 跟住就返科大喇. 今次搬貨真係無痛, 只係soc o既荷包痛o者~ 我地將 d 野搬左入 darkroom, 跟住就去食飯, 食完就庇護了, pack 好 d gift pack, 都係好簡單o既功夫. 跟住就要將 d 野搬晒去4 樓 o既 meeting room, 好彩我地搵到兩架籠車, 所以都係好輕鬆~ 搬完又食飯喇. 攪左咁耐, 塊 board 都仲未開始攪... 攪到夜晚十二點, 我要走喇~ 都仲未攪掂.
4 樓o既 meeting room 就係我地o既工場, 其他 soc o係 atrium 準備聽日o既 o'week, 我地就涼住冷氣黎準備~
做得咁慢, 除左因為唔夠工具, 仲有就係唔夠人! 得返五六個人咋! 都係唔夠投入. carson, tim 做起野上黎又 ok喎!
呢個暑假咁就完左喇, 聽日就開學啦~ 又係忙碌o既生活, 以前我會好怕, 好焦慮, 好唔想開學, 人越大就唔會有呢種感覺.
Subscribe to:
Comments (Atom)