泰好了．後記

第一次去旅行o既關係, 我見乜買乜, 帶左四千幾蚊過去, 最後仲要同阿基借錢... 個個問我用左幾多錢, 我話四千幾, 通常都以為我講緊團費, 其實淨係講緊洗費呢~ 頭o個幾日會覺得泰國乜野都好平, 去到最尾o個日, 買首信o個陣先識得諗: 其實250 baht 一包魷魚絲, 即係五十幾蚊港紙一包, 都唔平呀! 冇所謂啦, 洗得開心就得了~!

跟團去旅行都幾辛苦, 又夜訓, 第二朝又早起... 令一樣慘o既就係要去o個 d 珠寶城, 皮具城, 擺明就想你買野... 但係, 如果自遊行的話, 又去唔到咁多地方, 又要自己 plan 行程, 我呢 d 懶人都係跟團啦.

睇返買過 d 乜野, 其實有唔少都係無聊野!!!! 其中買左唔少"香", 就好似拜神o個 d 香, 不過會有香味o既, 但係o個陣香味比煙味蓋過左... 唔掂!　

五日o既日記, 居然事隔一個月之後先打完, 真係離譜.

之後o個一個星期, 返工都係集中唔到精神, 好唔捨得泰國, 正確講係唔捨得個假期...

期待下一次旅行呢~