新年又到, 但係感覺越黎越淡, 睇見好多舖頭"初一啟市", 諗起d 員工就慘了.
新年有 d 野我一定會做o既, 買新衫, 新褲, 新鞋. 年初一, 二都會去拜年, 呢個係我過新年o既方式. 呢排我比較喜歡研究"關係"o既問題, 點解要研究呢? 一來我又好多親戚, 二來佢又比利是我.
最基本, 我媽有八個兄弟姐妹, 佢地 d 仔女係我表哥, 表姐, 表妹. 每個年初一我地都會去叔婆屋企, 原來叔婆係我阿媽o既阿爸o既細佬o既老婆... 而叔婆又有幾個仔女, 叔婆 d 孫仔孫女好多都做醫生的. 但係點樣稱呼叔婆o既兒孫我就唔知了...
細個o個陣, 會好著緊 d 利是錢, 越大就越冇呢種感覺, 以前會o係年初一晚拆利是, 計下收入, 到依家 d 利是放o係台面都廢時拆, 今日先知原來要o係十五之後先可以拆利是.
近幾個月識得出黎搵食, 每個月除左比幾千銀屋企, 我又冇乜野買, 又唔亂洗錢, 淨返o個 d 都盡量儲起佢(都唔儲得多), 但係儲埋 d 錢有乜用呢? 諗到呢度就... 灰了.
Wednesday, February 01, 2006
Subscribe to:
Post Comments (Atom)
No comments:
Post a Comment