近呢兩個星期開始要返大陸返工. 每日朝早起程上去, 每日收工就返落黎. 我去o個個地方叫沙頭角, 好近海關的.
平時未到七點起身, 我都覺得早, 依家要更加早! 六點過 d 就要起身了. 六點半過 d 就要出門口, 如果唔係就有可能趕唔到廠車. 一上到車一定係訓覺, 訓到八點半, 架車就會到海關, 過多十幾分鐘架車就會工廠. 通常去到五點半, 我就會收工, 坐廠車返香港, 未到七點就去到九龍塘, 唔洗八點就返到屋企.
如果平日o係香港, 都好少機會o係八點前返到屋企, 依家咁樣好似多 d 時間係自己o既.
但係o係大陸返工, 工作時間好似少左 d, 一日最多都係做八個鐘, 係就係好舒服, 但係 d 野做唔晒就要拖到第二日, 咪又係要做...
大陸o既同事比我o既感覺點都係比較懶散, send email 叫佢做野, 佢就將封 email 係咁 forward, 都冇人做野. 但係如果將封 email cc 比佢老細, 佢地就會做野. 又唔知係咪 d 人知我由香港黎, 一見到我行黎, 就會扮埋頭苦幹, 但係我好想話佢知我唔係佢老細咯.
食o個方面, 第一個星期, 我同幾個香港同事都係去一間餃子o既地方食野, 係就係幾豐富, 但係冇 d 飯落口點都係差 d... 第二個星期, 我就去公司o既飯堂, 呢個飯堂淨係招呼香港o既同事, d 野都唔差, 住家菜, 唔知有七個 食送 定 八個 食送, 仲有一個湯, 最緊要係免費的.
直到現在我都未對返大陸返工有反感, 唔知之後會點咯.
Sunday, January 22, 2006
Subscribe to:
Post Comments (Atom)
No comments:
Post a Comment