o係屋企o棄下o棄下, 原來已經係三十一號了.
訓到點幾, 食少少野, 跟住又再訓過, 想訓多 d, 希望快 d 好返. 再醒返已經係六點幾喇. 媽帶了一盒肯德基葡撻, 一口氣就食左三個. 跟住就同媽出去美心食野, 食左個迷你盆菜, 味道不錯! 因為聽日要返大陸, 媽覺得我著o既褸都係唔夠暖, 所以要去吉之島買返件厚 d o既, 通常好厚o個 d 都好貴, 所以我冇諗住買的, 但係去到又唔係想像中o既情況, 價錢都算合理, 咁就買返件啦. 其實我唔鐘意著o個 d 大褸, 因為會著到好脹... 不過天氣冷, 冇辦法啦, 環境可改變一切.
見個肚好似冇乜唔舒服, 咁就諗住 join 返大隊出去玩倒數.
o係佐敦 join 大隊, o係尖沙咀就比人塞左o係條街. 有你冇你, d 人都會大聲嗌, 我地都會跟住一齊嗌, 反而倒數就草草了事, 因為大家只係靠一個唔多顯眼o既大屏幕先知原來係時候倒數. 呢 d 都算係節日氣氛吧~ 我都感受到少少o既~
跟住又去糖朝食糖水, 又係坐返o個張台喎! 真巧!
返到屋企已經兩點幾咯. 執下野, 三點幾.
跟住o既時間都係訓唔著, 直到六點幾...
自從屋企o既睡房"大執位" 之後, 我好似冇晚訓得好. 定係因為下晝訓得多攪成咁呢?
今年...學業上我總算是平平安安, 但是都未能達成我o既目標, 希望新o既一年可以啦!
希望朋友們都平平安安吧.
Saturday, January 01, 2005
Subscribe to:
Post Comments (Atom)
No comments:
Post a Comment