四月九日 - 菲律賓之旅的第三日

本來今日o既行程係去百勝灘或者富甲一方, 點知因為人數不足冇得去!!!!!!!!!!!!!!!!!!!!!!!!!!!!!!!!!!!!!!! 要八個人先成團, 而我地個團只有十四個人, 而只有六個人想去. 咁就冇得去啦. 今日變左自由活動.

真係冇諗過去旅行可以咁悠閒, 訓到八九點都得. 咁先係放假嘛~ 食完早餐, 就去返尋日o個個大型 shopping mall, 名叫 green belt, 不過同的士佬講, 佢好似聽唔明, 再補充 "next to

landmark" 先明白, landmark 又係一個大型 shopping mall. 但係我都唔知佢放低我o個個係乜野地方黎o既...

跟住我地入左個唔知乜野商場, 入面有好多間 coffee shop!!! 咁我地是但揀左間 叫 Bo's Coffee 唔錯o既 caramal latte




飲完之後就繼續行啦~ 跟住發覺原來呢度賣衫好平, 平均 $100 左右就有件衫, 唔係雜嘜牌喎, addidas o個 d 黎架~~~

行行下見到有芒果糖, 諗住買完就食, 講話唔要膠袋都冇用, 跟住就釘成咁, 驚死 d 人偷野咁...



最後買左幾件衫, 到四點鐘都未食飯. 跟住就搵左間食意大利菜o既, 都係 pizza o個 d 野, 不過有個 risotto 比較特別, 係意大利飯, 真係由生米煮成熟飯咁煮. 口感好特別




caesar salad 加 roast chicken:



pizza, 冇乜特別:




意大利飯, 叫 Risotto, 口感好特別



我o既團友神爺o既主菜... 呢餐要 $200 HKD 一個人!!!



食完野, 飽飽啦~ 又見到 coffee shop, 又想飲, 咁就叫左杯 Ice Blended Black forrest Mocha, 咖啡入面有 d 車厘子, 怪怪地.




跟住就返酒店訓左一陣, 起身再去返 robinson's, 即係前兩日都有去o個個 shopping mall. o係個商場入面行左幾個圈, 最後決定試下 kenny rogers.

我o既主菜, 燒雞三文治. 呢個餐唔洗 P100. 但係我冇乜胃口了... 除左有 d 飽, 仲有 d 頭暈 (因為岩岩訓醒)





團友神爺o既主菜:


食完野出黎, 黑媽媽o既~ o個陣只係九點幾咋, 因為復活節假完左, 所以d 鋪頭咁早閂, 同我前兩日o係度o既情況完全唔同, 前日到十點幾都未閂

四月八日 - 菲律賓之旅的第二日

今日第一個行程係遠眺大谷地火山, 坐車途中, 又經過尋日o個個油站.



坐大巴途中, 導遊話呢個景得天獨厚, 全世界得一個架咋, 個火山o係湖中間, 而火山入面又有個湖... 所謂"湖中有山, 山中有湖" 講左好幾次.

遠眺活火山:


唔洗幾耐就去到景點, 導遊話可以留o係度遠眺, 都可以坐船過去, 仲可以騎馬上山, 盛惠港幣 $300. 坐d 所謂菲律賓特色小船, 過到去對面岸. 就見到有 d 細路叫我地買口罩, 買手套, 買帽, 我淨係買左口罩. 點解要呢 d 野呢? 因為火山上面有好多火山灰, 唔帶口罩就吸晒 d 灰, 手套係騎馬o個陣用, 帽就係防曬.

行多幾步, 見到好多馬, 我地就等騎馬上山, 等上馬o既時候, 有個細路女係咁叫我買佢 d 野, 我話唔買, 佢係咁求我買, 咁我幫買手套啦~ 其實冇用的...

上馬啦~ 第一次騎馬~~ 上火山o既路好斜, 我開頭都冇戴口罩, 唔洗幾耐, 我感覺到成口都係灰, 都係戴返口罩啦~ 三十分鐘左右, 就上到火山, 睇住山中有湖個湖, 就係一個湖囉, 我諗呢個奇景要坐直升機先望到.

隻馬:


上山途中:


戴口罩:


湖中有山, 山中有湖


留影紀念


各位團友都騎完馬, 又坐返船返去, 就食午餐啦~ 好頹o既自助餐呀!!!!! 得六樣野揀, 仲要唔好食!!!

呢 d 就係菲律賓特色船

跟住o既節目係 water spa, 我隻腳趾有傷口, 唔適宜玩水, 咁我就入去玩了. 之後o既節目係行水果街, 導遊話"復活節係菲律賓o既大節, 冇生果販開檔賣野, 所以行程改為去超級市場買生果. 而呢個超市就o係尋日行過o個個 shopping mall 入面!!!!!!!!!!! 生果我又唔想買, 咁就去 burger king 食 whopper.

之後o既節目又係食, 呢餐係福建菜, 我又唔識分乜野係福建菜, 我覺得 d 野食都 ok, 不過反應都係麻麻, 因為我地要留肚食海鮮餐嘛~


食完野, 時間尚早喎, 七點半咋... 跟住導遊又有自費活動啦~ 就係夜遊馬尼拉, 首先行左 d 大型o既 shopping mall, 跟住就o係馬尼拉灣行下, 感受下o個度o既節日氣氛. 跟住就去紅燈區見識下, 最後先去食海鮮.

o係個 shopping mall 入面, 我又見到 starbucks, 又想飲喎, 咁就叫領隊幫幫手, 經過 starbucks 就叫人停低. 跟住我就入去買野飲啦... 我o既同事團友神爺同我講, 話領隊o係我買野飲o個陣同 d 團友講話: "菲律賓o既 starbucks 平呀, 去泰國都冇咁平呀", 其實我岩岩先同個領隊講過... o係度執我口水尾.

bubba gump, 扮晒 forrest gump

今日o既馬尼拉灣好熱鬧, 好多人表演, 因為復活節假喎... 入紅燈區又要搜身... 入到去都係睇下架咋, 唔通入去飲返杯咩~ 我地跟團架...

場面熱鬧

最後就係去食海鮮, 好食過尋日o既團餐好多!!! 導遊直言, 團餐唔好要求咁高喎, 洗唔洗咁現實呀?

雖則話好, 不過同流浮山都係冇得比:

四月七日 - 菲律賓之旅的第一日

入閘之後去左 burger king 食野, 真係好貴呀, 四十幾蚊個飽... 不過真係好好食!

去到馬尼拉已經係中午, 中午o個餐唔包架~ 所以就車左我地去一個好大o既油站, o個度有餐廳, 可以坐低食飯, 同埋買支水飲.

好大o既油站:



去 chow king 食呢 d 野:


都要飲杯 starbucks, 呢杯叫 white choco mocha, 香港冇架~ 麻麻啦:


我地就去左一間叫 chow king o既快餐廳食野, d 野好中式架, ok 啦~ 跟住就上車返酒店擺低 d 野. 之後正式第一日o既行程啦~ 去黎剎國父紀念公園, 之後去聖地牙哥古堡, 入面有黎剎死前行o既最後一段路... 咁黎剎係何許人呢? 佢係菲律賓o既國父.

黎剎紀念公園:


聖地牙哥古堡:


黎剎:



呢個聖地牙哥古堡有好多慘情事發生過, 有個地牢呢, 導遊o係隔離咁講:'呢個地牢, o係西班牙統治時期係一個軍火庫, 因為太近河, 濕氣重, 所以改成牢室... o係日本統治時期, 日本人o係度殺左唔少人..." 導遊講完之後, 冇人敢行落去睇了

之後仲行左去附近o既古老大教堂睇睇:



跟住食晚餐啦~ 好頹o既鮮餐, 食完好似冇食過咁:


之後o個個行程係夜遊蘭桂坊, 真係... 直行直過咁囉...



今日o既行程完晒, 都只係七點幾咋... 天啊!!! 領隊好人, 帶我地去附近o既 shopping mall 睇下, 裝修唔靚得去邊, 不過算係乜都有. 我o係度試左芒果雪糕, 其實一般



最後我地行到九點幾, 想返歸啦~ 點知迷路了!!!! 好彩最後都返到酒店.

去酒店坐左一陣, 神爺話去賭場行下, 我都放低左 500 賓紙.