二月一日

真係話咁快, 二零零七年已經過左一個月. 日子都係咁過, 返工放工, 返工放工...

比起前排返工唔知幾點放工o既日子, 呢排返工真係清閒得多, 有時清閒到覺得時間好難過~~ 點解突然會咁清閒? 原因好簡單, 就係我條 line 賣o既 product o既高峰期過左, 可能近新年吧. 冇可能全年都咁旺場嘛, 依家買機唔係買玩具, 幾十萬一部架~

o係呢間公 司做左一年幾, 覺得做 production 真係唔錯, 有 d 同事成日都要出差, 又有 d同事經常都要交 report 比老細, 又有 d 同事成日加班但係冇加班錢, 而我基本上都唔洗做o個 d 野... 但係工作就比較悶, 同埋好鬼多鑊, 大小事項都會話係 production 問題, 攪到個人都燥晒... 真係要睇你點諗, 如果返工淨係為左份糧, 應該唔會覺得煩, 但係我又係乜都唔理o既人.

前排 review, 有人工加, 真係好啦~ 至於自己想o係呢間公司得到 d 乜, 想做幾耐, 就真係冇諗過, 即係唔知想點. 呢 D 叫做隨遇而安嘛? 定頹廢呢?

生活方面, 我會用"半獨居" 黎形容, 真係餐餐都自己諗... 有時會覺得自由自在, 有時會覺得好冷清... 其實就好似冬天o個陣想快 d 到夏天, 夏天o個陣又會想冬天快 d 到.