十二月廿五日 - 悶死了~~~

好似好耐冇放過假啦~~~ 自從十二月開始, 晚晚返到屋企都要溫書, 仲有星期六日都係留o係屋企溫書, 真係好辛苦好辛苦~

溫咩呢? 話說我九月開始, o係"香港第一學府"開始讀 part-time master. 每個星期有兩日為左去上堂, 要早 d 收工, 唉~ 我知呢樣公司最唔鐘意啦~ 唔鐘意都冇計啦~ 我要讀 master!!!

以前讀 full time, 考試之前有成個星期唔洗返學, 日日溫, 溫到唔想溫都得. 依家讀 part-time 邊有d 咁o既野, 雖然只係應付兩科考試, 但係都覺得好攞命!

呢度讀書有咩好呢, 冇功課做啦~ 冇 mid-term test 啦~ 仲有校院內有間 STARBUCKS, 上堂之前可以買杯咖啡飲. 仲有就係返工o個頭有架忘命小巴, 所以由公司返到學校都係半個鐘多 d. 最緊要就係個名好聽.


溫書o個排, 想快 d 考完試, 今日考完啦~ 好似無所事事, 真係唔知有乜野做, 真係悶死了... 唉~~~

十月廿一日 - 原來我真係好 out...

呢幾個月, 每個星期六晚都會留意無線播o既卡通片, 有, <死亡筆記>, 仲有重播o既<魔剎>. 呢幾套片對我黎講都好新鮮!

一邊睇一邊會問: "naruto 入面o既 我愛羅 會唔會打輸", "死亡筆記入面o既 L 會唔會死".

其實早o係讀科大o既第一年, 即係 2003 年, 源哥已經同我講"寫輪眼" ( 入面o既名詞), 即係佢o係四年前已經睇緊, 而我呢, 竟然當佢係 d 新野...

而死亡筆記, 連電影版都落左畫啦, 仲問 L 會唔會死...

其實依家有 youtube 真係好方便, 連卡通片都有得睇, 可以由頭睇到落尾, 唔洗個個星期六等電視台播.



我問同事: "L 到最後會唔會死?"

同事: "唔會死, 點會死o者..."

我: "真係唔會!!!???"

同事" "L 點會死呀? 要死都係 A 死 或者 Z 死先啦"

我: "哦~ 又係喎~"

第三次去泰國 (八月四日至八月八日) - 後記

呢五日裏面, 我同團友o係意見上有無數o既分歧, 能夠帶住一位o係意見上咁多分歧o既團友去旅行, 我覺得我真係唔簡單呢~~~

由於我帶o既地圖唔岩比例, 仲有就係資料上o既出錯, 所以好多時我地都要搵路... 其實我覺得搵路係幾好玩o既一件事, 當走到腳軟之際, 突然發現目的地原來就o係面前, o個種滿足感真係講唔出口!

好可惜o既就係, 我專登帶部專業相機去曼谷, 再去大城, 但係個天係陰陰沉沉, 仲落住毛毛雨. 我覺得影風景相, 一定要配個藍天.

五日o既旅程, 總算係無驚無險咁渡過, 去到最後o個一日, 我真係唔捨得, 唔捨得迷人o既曼谷.

如果問我仲會唔會去泰國, 我o既答案好肯定, 係會! 去過三次啦喎, 咁咪去第四次囉~~~~

我好想試下泰國o既海鮮!


至於我仲會唔會同呢位團友去旅行呢... 去泰國就一定 no chance 囉, 去第二度就唔知了...

第三次去泰國 (八月四日至八月八日) - Day 5

最後一日, 真係有 d 唔捨得曼谷. 時間真係唔見洗, 因為下晝五六點就要飛.

食過早餐, 首先 check out 間房先. 跟住我地去 big c 行下, big c 個超市好多野賣, 我都買左唔少泰國零食, 仲有就係即溶咖啡.


Big C 入面o既餐廳, 叫"陰濕"

行完之後, 我地又去食海南雞飯. 跟住又去返 central world (第一日行過o既商場)行下, 臨走前, 再去拜四面神. 希望心想事成.



真係好唔捨得離開呢度...


臨走前, 同泰版麥當勞影返張相先 (團友報料, 影呢張相o既時候, 後面 d 人o係度笑我, 我係鐘意自拍, 唔得咩!?)

曼谷之旅到呢度都接近尾升了, 我地搵左架的士, 話去機場, 唔洗講價, 300 baht 就 ok. 上左的士, 司機叔叔無端端講 "toll way", 醒起胡慧沖o既 video 話過, "toll way" 即係高速公路, 我就答佢 "chai toll way", 即係上高速公路啦. 無端端, 司機叔叔又話" 酷涉哈" (泰文的六十五), 又記得 video 話過, 唔似香港, 路費係要乘客比架, 即係比錢佢啦~~

好快就去到機場, o係入面o棄下o棄下, 等夠鐘就上機了...

睇旅行書話, 要準備 700 baht 比機場稅, 但係呢, 由入到機場到上飛機, 都冇人同我地收機場稅... 唔通本書又老點? 是但啦~ 慣架啦~~~

就係因為本書, 所以我o係街邊o既找換店 (係當地o既銀行經營o個 d) 唱錢, 當時匯率有 4.235, 比起第一日花時間搵o既 super rich 有 4.3. 其實真係差好少. 即係每 $1 HKD, 可以賺 0.065 baht, 當我換 $2000, 都係賺 130 baht, 即係唔夠 $50 HKD. 想講乜野呢? 第一日專登搵 super rich 實在係戇居呢~~

第三次去泰國 (八月四日至八月八日) - Day 4

今日o既目的地係大城 (ayutthaya), 點解想去大城呢, 我之前見到 d 人去大城影相, 真係好靚好靚~~~

大城係乜野地方呢, 佢位於曼谷以北 86 公里, 係以前一個皇朝o既首都, 但係經過戰亂, 所以好多古蹟都爛爛地, 同埋好多冇頭o既佛像... 我就係想影呢 d 古蹟~~~

首先我地坐 BTS (空鐵), 跟住再轉 MRT (地鐵), 去到一個幾有特色o既火車站. 買一張 15 BAHT (唔洗 $4 HKD) o既車票, 就上火車了. 唔洗兩粒鐘, 就去到大城了.



火車站留影


火車票

15 BAHT 真係好平架, o係曼谷, 佢空鐵或者地鐵, 一個站都要 15 baht!!!



一落火車, 有好多"芒果人" 同你講野, 話唔知幾多錢就帶你遊晒咁多個 wat (寺), 當然o係火車站開價o個 d 梗係貴 d 啦, 網民話要坐船過對面海先再搵.

好容易就過到海, 跟住就搵左架三輪車 (o個度o既一種的士), 討價還價, 500 baht 兩個人, 佢會帶我地遊晒咁多個 wat. 嘩~~ 真係好宏偉!!! 我專登帶左部大相機去影相, 可惜天色唔靚, 全日都係天陰陰. 我一邊影, 團友四哥就話好悶, 真掃興...


我就係想影呢 d

影左唔夠兩個鐘就離開大城了. 為左想坐得舒服 d, 我地選擇坐大巴. o係泰國坐大巴, 我一 d 都唔覺得危險, 唔似o係大陸咁, 驚死成車都係賊...


大巴入面

唔知坐左幾耐, 去到巴士總站, 跟住再坐 BTS 去 siam (唉~~ 又係 siam), 我地睇住旅行書介紹, 去左 novotel hotel 入面一間叫 square o既餐廳食自助餐, 去之前擔心會唔會冇位坐架 (o係香港, 食乜野自助餐都要 book 位嘛, 越貴o個 d 就要越早 book 定先), 入到去, 個場都幾冷清... 冇乜人架咋, 泰國人冇咁富貴. 講返 d 野食, 我覺得幾有水準, 同香港o個 d 酒店自助餐有得 fight, 埋單唔洗二百蚊.





食完野, 又去 siam paragon 行下, 買左杯雪糕食.



咁快就第四日, 聽日就 last day 了, 我唔係好捨得曼谷呢個地方!!!

第三次去泰國 (八月四日至八月八日) - Day 3

今日o既目的地係唐人街. 我地去o既方法比較特別, 就係坐船去.

都幾容易, 比我地搵到個碼頭 (其實碼頭位於 BTS saphan taksin 某個出口隔離), 見到好多西人, 仲有就係見到 tourist center, 我地去問佢有冇單程票賣, 佢話淨係得 one day pass 架咋, 100 baht, 雖然覺得佢老點, 不過算啦~ 都唔係好貴o者.

跟大隊一齊上船, 上船之前見到有得賣船票!!! *(*^($!%%#)#$$ 就算呢度唔買, 上到船就會有人 check 船飛, 到時再買都得.



呃錢 one-day pass

見到 ratchawongsi 站, 我地就落船, 搵唐人街啦~~~ 最初我問人"yao 哇拿" (o個條街叫 yaowaraj) o係邊, 唔係個個聽得明, 最後先知原來正確讀音係"yao 話啦-t". 行左冇耐就見到唐人街, 其實唐人街唔係一個旅遊景點, 都冇乜野睇o既... 呢度最出名係食翅同食燕窩嘛~~~



淨係見到好多 "乜乜興大金行", 仲有好多食翅, 食燕窩o既地方, 而四哥o既老細就介紹佢去蘇成興金行對面食翅, 我地總算有 check point, 都好容易, 就比我地搵到.


圖中見到 "振和興大金行", "聯成興大金行", "和成興大金行"


好"7"的招牌, 見到佢就諗起 7-11


我提議去附近行下先, 因為我見好多網民話唐人街有海鮮食, 比我望下間舖頭都好啦~ 搵黎搵去都唔見有o既... 之後問左店小二先知要夜晚先開. 下次再去唐人街我唔會咁早去了.


我地去返蘇成興對面食翅, 真係唔錯喎~~~ d 翅都係好貴, 不過算唔算平就唔知, 因為我o係香港冇食翅. 再行多陣, 我地就去食燕窩, 我都唔知貴唔貴...


扮飲食雜誌



白果燕窩, 寓意我今日"食白果" (見唔到海鮮)


跟住就去返siam, 入左間叫 true coffee o既 cafe 飲野 + 食野, 之後就去 MBK 買手信. 買完手信又返 siam, 入左 siam paragon o既 food court 食野, d 野都係好睇唔好食... 呢度買野好特別, 要買張 cash card, 睇岩邊檔, 就用張咭黎找收, 最後張咭可以退返錢o既~~~






真係好睇唔好食



返酒店, 開住電視, 見到恆指跌左 600 點!!! 之後再出去飲杯酒.




o係泰國, 每逢星期一. 就好多人著黃色衫, 用意係祝福泰皇長命百歲

第三次去泰國 (八月四日至八月八日) - Day 2

做自由人真係好, 可以訓到八點幾, 乜都慢慢黎~ 今日o既目的地係翟度翟(chatuchak), 目標係行一日. 四哥o既朋友同家姐都話, 翟度翟行幾日都唔夠架!!!

好似冇乜目的咁行, 係咁行囉, 睇岩就好買, 唔好諗住返轉頭, 地方真係大得很!!!

又食好好味雪糕

旅行書介紹話有間賣手信幾平, 佢o既地址係 section 12 soi 22/2, 我地點都搵唔

到!!! 搵到 section 12, 又唔見 soi 22; 見到 soi 22, 又搵唔係 section 12... 最後問人囉, 搵到間舖頭啦~ 正確地址係 section 12 soi 21/2. 真係離晒譜!!!





到食飯時間啦~ 是但搵間餐廳食野, d 野好西式. 食完野, 行多陣, 我地計劃徹退了, 悶悶地, 又累喎... 四哥好似冇乜收獲, 只係買左幾件衫同埋 d 手信, 而我就多佢少少啦, 買左條 boxing 褲, 仲有 d 香薰.





扮滿載而歸

離開翟度翟, 跟住就係去 tesco lotus, 今次去過第二間 tesco lotus (唔係尋日搵o個間), 呢間o係地鐵站隔離, 好容易就比我地搵到~~~

點解要去 tesco lotus 呢, 因為有 d 網民話o個度有好多 polo 賣, 入面真係好多 polo shirt 賣, 不過牌子就唔係 polo...

入面o既環境似乜呢... 似吉之島個超市囉, 又唔係好新淨. 入面乜都有得賣, 就連電腦, 手機, 服裝都有.

入去行超市之前, 我去 diary queen (賣甜品o既連鎖店) 買左杯咖啡味飲品, 真係好難飲呀!!! 甜到死! 自此, 我見到 diary queen 都會話"好難飲架".



行左一陣, 我地去左附近做 thai massage, 舒服!!! 價錢都平, 兩個鐘都只係 400 baht, 即係一百蚊左右.

舒服過後我地睇住旅行書o既推介, 去左食泰菜, 呢間野家姐都話好食架喎~~~

地方真係幾靚

唉~~ 可能我地黑仔掛, 想要兩個椰青, 佢話得返一個. 想食蝦, 佢話冇蝦... 真係乜都冇!!!! 我打電話問家姐係咪咁架, 佢話要乜有乜喎... 攪錯...

返酒店途中, 見到好多街邊串燒, 好想食啊, 不過個已經有 d 飽了.


今日買o既泰拳褲

第三次去泰國 (八月四日至八月八日) - Day 1

晨咁早就去到機場, 踏上飛機, 第三次o既泰國之旅開始啦~~~

過左關, 帶住行履, 去到的士站, 唔洗講價, 一定係 400 baht. 我地已經 print 左酒店o既位置圖比的士師機睇, 讀埋個地址比佢聽, 佢都唔係好知咁. 能夠搵到真係一個符碌.



入到酒店, 哇~ 好!! 呢個係佢o既 gimmick. 由於我地冇乜泰銖, 所以第一個 check point 係去 super rich 唱錢. 由 super rich 官網 download o既地圖可以見到, 我間酒店附近都有一個 super rich, 我地左行右行, 都係搵唔到...



地方唔大, 不過幾靚~

最後我地坐 BTS (曼谷的空鐵) 去左水門區 (近 BTS chit lom 站), 我地知o個度都有一間 super rich, 終於搵到啦~~ 有萬幾 baht o係手, 好開心~

點解一定要去 super rich? 就係貪佢匯率高, 當日我地o既匯率係 $1: 4.3 baht, 但係其他地方呢, 都有 4.2x. 認真計下數, 真係冇乜賺!

有錢o係身, 就放心去搵食, 我地去左水門區好出名o既泰式海南雞飯, 好好味, 加埋杯 kor-la 都唔洗 $10.


個汁真係正!!!

食完野就去行下商場, 商場最好o既地方就係冷氣夠 (怕熱就唔好去泰國啦). 之後再去拜四面神, 由於團友四哥o既信仰, 所以只有我一個去拜.


遠眺四面神

本來諗住去第二個商場區 (位於 BTS siam 站), 團友四哥話想去 chatuchak market 行下先, 呢個 market 只開星期六日, 所以又稱週末市場. 而好多人都同四哥講, chatuchak 行幾日都唔夠, 所以就爭取時間去了. 我o係o個度買左兩件衫.


等等下地鐵就會自拍...


我o係度買衫

留到六點幾, 我地就去返 siam 區, 去左一間叫 greyhound cafe o既餐廳, 呢度o既招牌菜係半邊雞翼同埋凍檸茶.



半邊雞翼



前: 唔記得左係乜 後: 招牌檸茶 (d 冰都係茶黎架!)



咖啡蛋糕

食完野, 諗住去 tesco lotus (聽講同 big c 差唔多), 我知由 siam 坐一個站就有, 但係 d 地圖又唔岩 scale o既, 以為o係空鐵站隔離, 行左一陣都搵唔到, 就收隊了.

跟住就去 patpong (一個紅燈區) 行左個圈, 就返酒店了.

返酒店之前, 買左張曼谷地圖, 原來 tesco lotus 距離 BTS National Stadium 400 米有多!!

o係電視睇左一陣泰拳, 當係睇左了...

第三次去泰國 (八月四日至八月八日) - 前言

拖左兩個月有多, 終於的起心肝想寫返我o既泰國遊記, 其實去完之後已經開始緊寫, 可惜遇著電腦故障, 死 harddisk 喎.. 用左咁多年電腦, 第一次發生o係我身上.

o個陣難得仲有年假剩, 咁就搵左個識左差唔多七年o既朋友 (四哥) 去旅行了. 我地當時有三個選擇, 一係台灣, 二係泰國, 三係日本... 台灣感覺似大陸, 日本呢, 我冇諗住兩個男人去...

自從o係四月尾, 第二次踏足泰國, 我又愛上泰國了(其實我曾經驚左泰國)

o個排上網成日都睇一個叫泰友營(www.thailandfans.com) o既 forum, 睇見其他網友自由人去泰國o既過程好過癮, 飲飲食食又好, 我都好想試下自己去一次! 情不自禁, 我再一次選擇去泰國.

上網搵左好多資料, 總共買左三本書, 一本係泰國通胡慧沖o既書, 一本係一個叫黃新春o既東東寫o既書, 仲有一本係用英文學泰文o既 phrase book. o係書局, 我只係見到一本用中文學泰文o既書, 但係拎住o個本書, 一句泰文都唔會講得出, 因為冇教發音的.

去之前, 不停睇胡慧沖教講泰文o個 d video clip, 有d 內容真係好有用!!! 其實呢, o係泰國, 用簡單o既英文係絕對足夠溝通, 學幾句泰文都係玩下o者~

搵資料方面真係唔敢偷懶, 話晒今次都係我帶隊喎~

睇左好多網友o既遊記(o個度o既網友稱遊記為"油雞"), 我希望今次呢個泰自遊之旅可以去到下列o既 check point (冇分 priority):
- 食炭燒海鮮
- 食好味海鮮
- 食好味泰菜
- 食魚翅燕窩
- 食泰式海南雞飯 (泰文叫"溝文計")
- 坐船去唐人街 (Yaowaraj, 讀"yao 話啦", "啦"係 t 音尾)
- 坐火車去大城 (Ayutthaya, 位於曼谷以北, 車程少於兩粒鐘)
- 去體育館睇泰拳
- 去水上市場
- 拜四面神

對泰國的餘情未了

對泰國的餘情未了

再一次向泰國出發之後, 成日都會想食下泰菜. 前前後後我食左三次泰菜了, 以前送到埋口都唔會想食o既野, 依家竟然會有咁熱切o既追求! 真係奇妙.

第一次再接觸泰菜係o係觀塘瑞和街市政大廈入面o既, 點解會識去呢個地方? 因為<新假期> 有介紹囉, 我一見到新假期講泰菜, 就即刻買左黎睇...

當日天氣十分之悶熱, 家姐, 姐夫同埋我三個人入到去, 除左熱, 就係濕 (因為係咁流汗). 去得街市熟食中心, 對環境都唔會有乜野期望啦. 其實咁樣仲有泰國o既味道啦~~

呢間野真係泰國人開的, 幫我地寫單o既老闆娘一邊聽我地講野, 一邊寫泰文; 而鋪頭裏面, 有張泰皇o既相.


講返 d 野食先:

冬蔭公湯, 又唔係好辣, 蕃茄o既酸味比較重, 味道好濃, 好味!


咖哩炒蟹, 招牌菜, 只係 $88, d 咖哩好好味, 如果叫多碗白飯就 very good 了~~!


菠蘿炒飯, 味道好, 而且炒得好乾身


龍眼冰


馬拉盞炒通菜, 好好味, 不過都幾辣


蝦餅, 好大件呀!!!


本來我地仲叫左春卷, 但係我地食唔落啦, 咁就問佢整左未, 老闆娘話未, 真係好人啦, 咁都比我地取消! 埋單都係二百幾蚊, 算係抵啦~ 呢間野真係值得再去! 不過最好等天氣冇咁熱先

.





第二次再接觸泰菜係去左銅鑼灣一間食泰菜o既地方, 今次同四哥兩條友, 大家身上都冇乜錢, 加埋得三百蚊左右, 想去 ATM "禁"錢, 又多人喎... 我地拎起本 menu, 叫野食o個陣要計住

計住, 唔夠錢比好瘀的!

首先黎過青咖哩蝦再加麵包




黎多個炒飯


再加碟菜


拼盤



兩個人埋單二百幾蚊, d 野食細碟左 d, 味道都 ok~ 最唔好o既係 d 燒豬頸食落好漏.




第三次係去o係北角o既泰式茶餐廳食飯, 今次同家姐兩個人食, 我淨係記得佢個招牌菜 - 咖哩軟殼蟹脆包 好鬼鹹