真係好想好想聽日打風落雨, 乜都唔諗, 淨係會諗要是有八號風球的話就唔洗返工, 就係咁簡單. 哈~ 很自私嘛? 不過聽講機會好微, 但係我都 hope for the best.
如果冇八號風球又要返工, 咁好大機會係橫風橫雨, 希望唔好吧.
頭先上網見到個咁o既故仔, 短短的, 但係有幾有意思啊. 好似o係其他 open diary 都見過差唔多o既故仔.
從前，有一個小朋友到左個蘋果園，園主帶佢到園既入口，由入口到大屋有很多蘋果樹。
園 主話：「你由入口慢慢行去大屋，途中，任你選一個蘋果。但係條件係，你唔可以行返轉頭，而你只可以選擇一個蘋果。」於是，小朋友慢慢行，入到去見到一個又 圓又大既蘋果。但係佢覺得，之後可能會遇到個更好既蘋果，所以就冇摘到，佢一路上都遇到不少大蘋果，但係都冇摘到。因為覺得之後會遇到更好既，但係沒有一 個比第一個蘋果更好。直到佢行到大屋，結果一個蘋果都沒有摘到。
如果你遇到一個好既蘋果，就不要放棄了。因為佢可能係你遇到既最好既蘋果。
Wednesday, May 17, 2006
Friday, May 12, 2006
12 MAY 2006
尋日又收到媽媽o既壞消息, 第一次為呢 d 事擔心係零三年頭(o個日我準備踢波). 唔知點解, 當時冇乜特別o既感覺. 跟住都算係冇事啦.
今次再收到呢 d 消息(尋日我都有踢波), 內心十分的擔憂... 總是覺得今次係前所未有的嚴重, 總覺得事情會向壞o既方面發展. 我真係怕, 好怕.
尋日下晝真係有衝動想即刻去廣州探佢, 真係怕會有乜野事發生, 因為o個度只有佢一個人.幸好最後都冇事. 講真要去的話我都唔係好識路, 就算我真係去到, 我又可以做到乜野? 呢 d 事真煩, 煩死我了. 上帝會保佑她嘛? 算了吧, 求衪有用嘛? 祂只係保佑我唔死得.
呢幾日都訓得唔好, 夜晚訓唔著, 朝早上車又訓得唔好, 收工坐車都訓得唔係咁好... 最近左眼成日都眼眉跳, 聽講話左吉右凶, 都好似冇乜好事發生o係我身上喎? 唔通有呢份工, 就算係好好的事? 係的話, 老天對我太殘忍, 人生有三樣最重要的事, 我總共有30% 左右吧.
依家成日會覺得自己好似賣左身比公司咁, 我o既私人時間變得十分的少, 以前讀書真好, 可以任我安排時間.
今次再收到呢 d 消息(尋日我都有踢波), 內心十分的擔憂... 總是覺得今次係前所未有的嚴重, 總覺得事情會向壞o既方面發展. 我真係怕, 好怕.
尋日下晝真係有衝動想即刻去廣州探佢, 真係怕會有乜野事發生, 因為o個度只有佢一個人.幸好最後都冇事. 講真要去的話我都唔係好識路, 就算我真係去到, 我又可以做到乜野? 呢 d 事真煩, 煩死我了. 上帝會保佑她嘛? 算了吧, 求衪有用嘛? 祂只係保佑我唔死得.
呢幾日都訓得唔好, 夜晚訓唔著, 朝早上車又訓得唔好, 收工坐車都訓得唔係咁好... 最近左眼成日都眼眉跳, 聽講話左吉右凶, 都好似冇乜好事發生o係我身上喎? 唔通有呢份工, 就算係好好的事? 係的話, 老天對我太殘忍, 人生有三樣最重要的事, 我總共有30% 左右吧.
依家成日會覺得自己好似賣左身比公司咁, 我o既私人時間變得十分的少, 以前讀書真好, 可以任我安排時間.
Sunday, May 07, 2006
06 MAY 2005
o係公司入面有位同事, 27 歲左右, 痴痴呆呆的, 終日以呃加班錢為樂, 甚至星期日都會返工, 其他人睇就會當佢係癲佬, 但係佢o既心態就係"理得你點睇", 佢睇住佢銀行戶口o既銀碼不斷咁上升就會好開心.
有時諗落會覺得佢好慘, 淨係識得諗錢, 因為佢腦海中除左錢, 就係錢, d 錢真係會多到唔知點用, 最多都係買下 d 貴野.
有 時又會有相反o既想法, 其實佢都幾開心, 工作上, 由於佢唔介意人地點睇(老細除外), 所以任何問題都唔需要去解決, 甚至跟進都廢時; 工作以外, 佢又唔會有其他(或者比較少)煩惱, 因為佢o既快樂係建基於銀碼上, 而"銀碼"呢樣野又係 under control o既 (只要每個日都返工, 平日用少 d).
相反, 我都算係一個正常人吧, 若果知道有問題的話, 無論如何都會去解決, 特別係自己有能力去解決o既問題, 咁樣會顯得自己負責任一點嘛, 哈哈~ 或者自己都知道問題不被解決的話, 它始終都存在, 到最後都要我負責任.
至於我o既快樂就建基於一 d 唔 under control, 而係互動o既事情上, 咁就會變得好糟了. 因為自己o既快樂同唔快樂竟然唔係由自己去控制!
如果我可以好似呢位同事咁都幾好, 至少可以開開心心, 唔受其他事情影響. 但係開心之餘, 我又唔想變成一個沒有情感o既人, 希望唔會有咁o既一日吧.
其實又唔需要咁極端的, 因為有好多野都可以令自己開心, 唔係淨係限死一樣嘛. 做人應該要灑脫一點才是. 例如人人都想搵十萬蚊一個月, 但係達唔到目標o既時候, 係咪應該因此而悶悶不樂呢?
有時諗落會覺得佢好慘, 淨係識得諗錢, 因為佢腦海中除左錢, 就係錢, d 錢真係會多到唔知點用, 最多都係買下 d 貴野.
有 時又會有相反o既想法, 其實佢都幾開心, 工作上, 由於佢唔介意人地點睇(老細除外), 所以任何問題都唔需要去解決, 甚至跟進都廢時; 工作以外, 佢又唔會有其他(或者比較少)煩惱, 因為佢o既快樂係建基於銀碼上, 而"銀碼"呢樣野又係 under control o既 (只要每個日都返工, 平日用少 d).
相反, 我都算係一個正常人吧, 若果知道有問題的話, 無論如何都會去解決, 特別係自己有能力去解決o既問題, 咁樣會顯得自己負責任一點嘛, 哈哈~ 或者自己都知道問題不被解決的話, 它始終都存在, 到最後都要我負責任.
至於我o既快樂就建基於一 d 唔 under control, 而係互動o既事情上, 咁就會變得好糟了. 因為自己o既快樂同唔快樂竟然唔係由自己去控制!
如果我可以好似呢位同事咁都幾好, 至少可以開開心心, 唔受其他事情影響. 但係開心之餘, 我又唔想變成一個沒有情感o既人, 希望唔會有咁o既一日吧.
其實又唔需要咁極端的, 因為有好多野都可以令自己開心, 唔係淨係限死一樣嘛. 做人應該要灑脫一點才是. 例如人人都想搵十萬蚊一個月, 但係達唔到目標o既時候, 係咪應該因此而悶悶不樂呢?
Friday, May 05, 2006
05 MAY 2005 - 假期
最近覺得假期同自己有些少遠. 例如四日o既復活節假, 我老細又會叫我返多一日工, 有個短週星期六, 佢又會叫我返多一日. 雖然我唔返工佢都冇計, 但係就有一種想法就係放假都放得唔安樂. 今日開始, 終於可以連續放三日咁多! 收工之前, 真係好驚收到老細電話, 叫我今日都返工...
放假又有乜野做? 其實都係冇乜野做, 呢個時候就會得返工比較充實 (雖然係有 d 悶), 而放假o既好處只係我可以訓到十一二點. 要返工的話即係要早早起身, 我最唔鐘意o既就係呢樣.
真係好矛盾, 即係返工又唔好, 放假又唔好, 兩樣都唔好? 咁點先叫好呢? 出糧最好吧, 但係唔返工又點可以出糧呢~ 哈哈~
可能人o既思想太過複雜, 先會有呢種"又係又唔係", "十五十六" o既心態. 如果簡單 d 去諗, 只係諗: 返工要早起身而放假唔洗早起身, 又或者只係諗: 返工比較充實而放假冇野做, 咁事情就變得簡單了. 但係無論我有幾簡單, 返工同放假都不由我作主的... 不過我簡單 d o既話, 就唔會令自己悶悶不樂, 返工會好開心, 放假都可以好開心.
如果人腦可以好似電腦咁, 一係 yes, 唔係就 no, 唔係 1 就係 0... 根據一推 1100 就可以有個決定, 幾好呢.
放假又有乜野做? 其實都係冇乜野做, 呢個時候就會得返工比較充實 (雖然係有 d 悶), 而放假o既好處只係我可以訓到十一二點. 要返工的話即係要早早起身, 我最唔鐘意o既就係呢樣.
真係好矛盾, 即係返工又唔好, 放假又唔好, 兩樣都唔好? 咁點先叫好呢? 出糧最好吧, 但係唔返工又點可以出糧呢~ 哈哈~
可能人o既思想太過複雜, 先會有呢種"又係又唔係", "十五十六" o既心態. 如果簡單 d 去諗, 只係諗: 返工要早起身而放假唔洗早起身, 又或者只係諗: 返工比較充實而放假冇野做, 咁事情就變得簡單了. 但係無論我有幾簡單, 返工同放假都不由我作主的... 不過我簡單 d o既話, 就唔會令自己悶悶不樂, 返工會好開心, 放假都可以好開心.
如果人腦可以好似電腦咁, 一係 yes, 唔係就 no, 唔係 1 就係 0... 根據一推 1100 就可以有個決定, 幾好呢.
Subscribe to:
Comments (Atom)