原來又有一段時間冇寫日記. 可能因為最近的生活實在太過刻板. 返工, 放工, 返工, 放工...
加班加到有 d 驚, 就算加班係有津貼, 如果有得揀, 我會揀唔要, 不過我知道係冇得揀o既, 因為目標係要完成工作, 未做完係冇得收工o既. 其實真係冇邊間公司唔洗加班, 依家有加班津貼, 其實算係好好啦. 最近連續三個星期都係長週! 感覺就好似連續三個星期都冇訓過覺咁. 呢排我有得早走就早走 (早極都係七點鐘), 星期六冇野做的話, 返半晝就走人, 加班錢係少左, 但係感覺上會舒服 d. 衰極我都有個星期日唔洗返工, 有 d 係連續十幾廿日都要返工, 呢 d 先恐怖呀!
工作沒有甚麼新鮮感, 因為全都習慣了. 手頭上的工作總算是應付得來, 基本上都可以o係適當o既時間完成工作. 但係身為 "工程師" 黎講, 我o既任務似乎未達到, 除左應付手頭上的工作外, 其實我仲要了解我在操作o既機器, 呢方面係我忽略左... supervisor 話我下個月應該會去大陸返工, 係即日往返的. 到時真係唔知會令我更愛呢份工作定係怕左呢份工作... "工程師" 呢個職級我真係受之有愧, 經驗比我豐富的大有人在, 而職位和待遇卻比我差. 但係呢個係公司o既政策, 冇辦法.
每日朝早起身都覺得好眼訓, 跟住就會同自己講, "今晚早 d 訓覺", 但係到夜晚又唔願訓覺, 第二朝又眼訓... 日日都想快 d 到星期六日, 好想好似以前咁, 一覺訓到中午.
Tuesday, December 27, 2005
Subscribe to:
Comments (Atom)