26 SEPTEMBER 2005

做埋最後一個星期"隱青", 今日終於要上班, 對悠長的假期還是依依不捨, 但, 總要來個了斷.

之前一晚, 當然是不能入睡, 腦海有一些奇怪的想法: 例如: 這是一個謊言, 我沒有被錄用... 這個當然不會發生.

第一天當然是沒有甚麼做. 首先要聽 HR 哥哥 briefing, 遊花園, 走馬看花的遊了其中五層. 期間說了很多部門的名字, 一個都記不到. 在公司裏, 全部人都著 "lab 袍", 包括 HR 哥哥...

最後他帶我找 鐘先生, 即是 second in 的 interviewer. 他又叫來 林先生, 林先生又帶我找飛哥... 飛哥比我早一年入職, 很用心向我解釋機器的運作.

到午飯時間, 飛哥又把我送到一位叫阿傑的同事, 我便跟著他和另兩位同學用膳.

用膳後, 我就回到工作岡位. 我沒有自己的工作桌, 工作岡位的前後左右都是機器. 這段時間的主要職責就是學習那些機器的運作. 有一點游手好閒的感覺, 真的過意不去. 唯有用心學習啦~

雖則是游手好閒, 但我都要到七時才離開. 四時四十五分是下班時間, 但, 周圍的人都沒有動靜, 所以我也按兵不動. 第一天便要 OT...

19 SEPTEMBER 2005

今日下晝去"嶺南之風"影相, 所有因素都配合得很好! 已經連續好多日天陰陰, 今日竟然係天晴, 而且晒到冇朋友... 淨係齋企都可以攪到成身濕晒, 成身汗.

夜晚去 direct entry o既 gathering, 大概有十七個人出席. 雖然都過得幾開心, 但係我都係 prefer 少人 多 d.

一行十幾人去左一間食日本野o既地, 有得打邊爐, 有得寫紙仔叫小食. 食完之後唔知邊個提議去 cafe, 我呢 d 咖啡迷, 梗係想去啦~ 但係其他唔係飲開咖啡o既, 睇怕都好難訓得著覺. max 提議玩"話事啤", 期間做左好多我覺得嘔心o既野...

一班 direct ent 廿三人, 大家o既關係同兩年前好唔同, 有 d 由熟落變成生疏, 有 d 由唔熟變到好熟... 兩年有好多改變.

18 SEPTEMBER 2005

今日係中秋正日, 一大班親戚上黎, 冇乜特別咁就過左一日. 冇乜特別都唔緊要, 人齊已經好唔錯了!

後生o既永遠同長輩分開玩, 以前我多數會同表哥打機過日, 依家就唔會喇, 同埋表哥表姐一齊吹下水, 都唔錯. 不過今日都唔算人齊, 兩個表妹, 大表哥同大表姐都冇黎到.

但係在坐咁多個都冇人鐘意睇 keroro, 而鐘意睇叮噹. 我依家覺得叮噹好悶.

16 SEPTEMBER 2005

16 SEPTEMBER 2005

下晝同阿媽出街食完飯, 返屋企之後. 電話就響起來, 見到個來電顯示就已經覺得有好消息. 太好了! 終於有工返, 唔洗再搵工喇! 為左想放多幾日假, 我話 26 號先返工, 佢又話冇問題, 咁就 26 號先返工喇. 間公司o係葵興, 淨係坐地鐵, 唔洗再轉車, 很好!

我媽話咁遲先返工, 人地打電話黎話唔請咁點算? 唔會掛... 唔好嚇我.

15 SEPTEMBER 2005

今日見 sales engineer, 第一次見 sales enginer. 要知道 sales engineer 做乜真係好容易, 只要問下家姐就得. 之前o個晚捉住家姐係咁問... 不過我家姐對呢間公司o既評價好低, 因為呢間公司 d sales eng 好忙, 又要開會又多 OT, 唔係咁正常.

間公司o係觀塘, 好易搵. 上到去第一件事就係填 form, 除左條 form, 仲有 written test.
問題大約如下:

你認為自己最有的優點和缺點是甚麼? (打死都唔會話自己內向)
你認為自己是一個怎樣的人?
你有甚麼嗜好?
請描述你的家庭環境.

填完 form 之後, 就坐o係度喇, 好彩有 d 職員見到我填完, 跟住就搵人黎 interview 喇. interviewer 係乜水呢? 係一個幾靚o既女人, 應該廿七廿八. 我覺得佢係一個做左幾年o既 sales engineer.

見工就當然會問知唔知份工做 d 乜:
我答: "首先要了解公司的產品, 知道優點和缺點; 對外的要向客人報價, 接觸其他公司o既 R&D, 令佢地用我地o既產品. 跟住仲有送貨..."
佢即刻問:" 你係咪識人做 sales engineer 呀?"
我話:" 係, 家姐做緊"

係咪答得太 pro, 所以比人拆穿呢?

因為我做過攝影學會的內務幹事, 所以 interview 期間談及數碼相機... 跟住佢就問菲林o既效果係咪比數碼好... 呢個係咪 interview o既一部份呢?_?

由去 asm second in 至今, 已經兩日了! 唔通咁就衰左? 正面睇的話:"大公司做野係好慢的, 由 first in 到收到電話有 second in, 都要 8 日咁耐..." 焦急起來了...

14 SEPTEMBER 2005

咁多次 interview, 今次係最慘情o既! 間公司, process automation, 約我 8:45 去到. 間公司o係大埔! 點解我會 apply 呢? 都係一時之氣, 冇理由

send 極都冇得 in, 咁前前後後應該 send 左三次.

我接到電話o個陣, 問佢間公司點去, 佢話去到大埔墟坐的士就得架啦~ 其實我由屋企樓下坐的士都一樣去到.

坐的士預計用 15 分鐘, 坐九廣東鐵要 15 分鐘, 由屋企去九龍塘要 30 分鐘. 我 7:30 已經要出門口了. 間公司o係大埔工業邨入面, o個度o既格局

幾得意喎~ 好似大陸咁.

今次o既 interviewer 應該係一個 senior project engineer, 都幾後生. interview 期間, 佢拎住我張 transcipt 係咁睇, 佢問我考得最差o個科係讀 d 乜

架, 既然考得咁差, 答唔出都好正常... 跟住用晒三文兩語, 都叫做講得到啦~

呢份工係 project engineer, 有機會 travel 的, 我就問係咪返大陸為主, 佢話邊度都會去, 佢話佢去過突尼西亞 (北非)! 佢仲話老細叫過佢去以色列,

不過佢唔肯去. 又話叫d 新人唔好見到 senior 走人先收工, 如果係咁就唔洗收工架啦.

我對呢份工都幾有興趣! 但係大埔好遠喎! 佢地有公司車, 由觀塘開出, 放工都有公司車送返我去觀塘, OT 多過一個鐘會有 travel allowance, 但係

就冇 OT 錢.

離開間公司, 就坐巴士去大圍, 途中經過禾輋邨, 又經過中文大學, 真係好耐的!

13 SEPTEMBER 2005 - 唔好問讀書

今日又去 asm 見工, 今次又係 in production engineer, 其實都可以叫做 second in... 正常黎講呢間野冇 second in, 可能係我個 case 比較怪, 所以就有喇.

去到見 manager, 佢首先就問我 OT 有冇問題, 我當然話冇啦. 之後就係咁講份工o既工作性質, 又問"如果比 offer 你幾時可以返工?" , 我答:"哈~ 唔係聽日就得架啦". 跟住我又問: "讀書o既話, 時間方面如何安排?"

我通常都會扮鎮定, 唔會問"幾時有消息?", 但係其實就心掛掛...

返到去同人討論呢個 interview 有乜問題呢... 點解會覺得有問題呢, 因為我覺得有 offer 應該會即刻比, 否則即係已經失敗左.

研究後有兩個問題: 一就係問你幾時返工, 梗係話即刻啦! 問題二, 想讀書咪去讀囉, 唔好講出黎嘛!!!!!! 請你返黎係讀書, 唔係做野架嘛...

如果衰左的話, 呢 d 都會係好o既原因黎o既, 咁以後唔好問讀書啦~

08 SEPTEMBER 2005 - 我o既缺點係?

今日一次過 in 兩份. 好彩兩份都o係葵涌o個頭. 第一間係力勁, 即係我以前做 fyp o個間, 第二間係 RS componenets.

諗住以前同力勁做過 FYP, 應該有 D 機會吧. 但係我竟然冇留意到今次o既 title 係 marketing/assistant engineer. 我見 engineer 呢個字就會 apply, 就冇留意到 marketing 呢隻字.

見完工先知, 呢份工主要負責研究點樣推銷佢 d 產品, 同 engineer 好似冇乜關係喎. interview 期間要考晒三文兩語, 真係好難, 佢o既問題就算用廣東話都答唔出, 但係就要用普通話答. 問題大概係問點樣推銷佢 d 產品. 我對 marketing 真係冇乜認識...

問佢份工返大陸密唔密又講唔出, 淨係話"視乎需要", 又或者"最緊要 meet 到 target". 總之就 in 得好差.


interview 之後就由葵興行去葵芳, 搵食, 跟住就去 RS components.


呢份工叫 product engineer. 其實就係做 technical support, 解答客人o既問題. 如果我留心 d 睇 job duty, 我未必會 apply...

個 interview 都幾流暢, 佢唔會問埋一 d 無里頭, 甚至佢自己都唔知應該有乜野答案o既問題. 今次都有用英文, 普通話, 起碼知道自己講乜.


兩個 interview 都有一個好白痴o既地方, 當我被問及缺點. 我答"比較內向"... 諗返轉頭, 其實我o既缺點應該係"誠實". 下次唔好咁白痴.

大熱天時著住成套西裝周街行真係好辛苦.

05 SEPTEMBER 2005

上星期四 (1/9) 去見工, 又係去 asm, 今次比上次更加認真地準備公司o既背景. interviewer 入到黎o既第一句係: "睇返你o既學歷, 你 apply o個個職位唔係咁適合你... 我依家過黎睇下有乜野職位適合你架啦..." 係的又點解要搵我去呢 =.=

in 完就去左太子, 首先係搵食, 跟住就幫媽媽搵一種叫 紅火麗 o既魚, 冇諗過咁難搵, 咁多間舖頭, 其實叫有四五間有得賣. 都唔係真係咁靚 o者. 其實o個條街只係 b2 出口直行轉左, 但係就阿媽點到好複雜, 搵到真係靠好彩.

夜晚去細 gathering, 有我, 英傑, max, cathy, queenie, 五個人去旺角搵食, 咁就入左一間唔知叫乜名o既打邊爐, 由於唔係任食任飲, 令我覺得好貴. 最後埋單一百幾, 真係好貴, 上次o係青衣長發不過係 八十幾, 專登入去食都抵! 大家乜野環境呢? 基本上都知啦~ 都算係好景啦.

因為去左女人街行左一轉, 點解要行女人街呢, 只係因為想搵下 keroro o既東西, 返到屋企已經係十二點幾. 但係第二日o既 interview 竟然未準備過!!!!!

除左未準備 interview 之外, 連份副本都未準備好 (因為接電話當日應承左自己準備)! 唯有用手頭上有o既相機同 printer DIY 頂住先, 希望聽朝搵到啦~ 跟住就睇下公司o既資料, maersk o既網頁入面, 好多唔係英文o既字眼, 睇到眼都花.

好彩朝早比我搵到一間咁早開門o既影印舖, 咁就唔洗用自己整o個 d 副本啦~ 上到去 office, 第一件事就係做 logical test, 今次應該做得好過上次~ 跟住個 interview 用英文 (預左), 本來諗住會口窒窒, 死硬, 點知又唔會喎, 交淡都算暢順. 呢間公司真係唔錯, 話明會送你去 take course, 唔會比你乜都唔識咁做. 因為身為科大人, 我被人問及 <嶄越大戰冰川> (數十人在室內運動場的打鬥事件) 一事, 這件事已經被人當作笑話了... o個兩位同學真係... 應該踢出校!

下晝返左學校搵舊同學, 真係丟架, 理論上我唔應該返學校吧了... 而我就返去游水... 踏入九月, 睇住人地返學, 自己又冇得返, 真係有 d 唔慣.