29 AUGUST 2005

前排發現一套叫 keroro 軍曹 o既卡通片, 一口氣 download 左 七十幾集. 片中的主角很可愛. 星期日順道去左灣仔 188 諗住搵佢o既產品. 呢隻野應該好有人氣! 所有佢o既東西都賣得好貴! 一隻手指頭咁細o既 keroro 賣 $10 一粒. 綿質, 掌手般大的賣 $35. 盒裝o既模型賣 $69. 有一隻 7 cm 左右高o既, 可以換頭, 最貴賣成$160! 佢 d 同伴就平 d, 不過都要 $100.

太貴了~ 最後乜都冇買. 返到太古城, 去吉之島搵下, 點知真係有! 模型只係賣 $40.

29 AUGUST 2005

上星期四 (25/8)一連收到三個電話要去 interview, 已經 in 到唔想 in, 唔知呢 d 咁可怕o既生活仲要過多幾耐呢...

上星期五 (26/8) 就去左一間辦公室傢俱公司 interview, interview o既地方唔係 office, 係陳列室入面o既其中一張辦公桌 ... interview 真係好短, 大部份時間都係佢講個 post 做乜, 問我識唔識普通話, 但係又唔洗我講出黎. 都係我係咁問野先令到個 inteview 冇咁短... 呢間公司o既好處就係近! 由屋企行十五分鐘一定到! 只要過一條馬路就到了!

星期六下晝就去第二間 interview, 翻查記錄, 呢份工係一個月之前 apply 的. 去之前同屋企人食飯, 好似同我打氣咁. 上次星期六 interview, o個份工要長註的! 今次呢份就唔係喇~ 不過 in 我o個個肯定係由大陸返落黎啦~

入到去第一句就係:"食左飯未?" , 之後就講左兩分鐘英文. 其實佢好多時間都係講緊廢話, 其中一句係:"其實我唔係同你發 up 風, 我係想睇下你o既反應呀~" (something like that) 可能呢句都係廢話! 呢個 post 似係唔錯.

星期日晚亞視播左一個叫<窗 外 有 藍 天> o既節目, 今集講大學生搵工, 第一節講香港大學生, 第二集講內地o既大學生...
香港有兩個代表, 一個 polyu 的, 一個科大物流的! 即係我師姐啦~ 唔知佢o個屆多唔多女人, 不過佢o係我o個屆 (03 年)同埋我之後o個屆 (04年) 黎講, 可算係數一數二了! 唉~

呢個節目講o既野都幾負面, 搵兩個大黑仔黎採訪... 呢位物流o既師姐搵左半年. 另一位 poly u 的, 生物系出身, 本來有個北上o既 offer, 佢 reject 左, 最後要過多四個月先有第二個 offer, 而且人工得返 $6500. 唔通有工唔做會有報應o既? 係的話我就驚了.

18 AUGUST 2005

星期六見完工, 星期一下晝就收到一個由東莞打黎o既電話, 留言來的, 淨係叫我覆佢, 公司名都好新鮮 (我in o個間叫匯多利, 留言就話係"多盛美").

咁我就打去, 但係接通之後係一個音頻電話, 乜都聽唔到, 就收左線, 我估係有 offer. 星期三佢地由香港打黎, 真係比offer 喎, 估到啦~ 個 offer 唔講得係好好, 但係都唔錯啦~ 不過我一早都決定左唔會做的, 因為係長註. 如果早知係長註, 我就唔會 apply.

星期一又收到 BV o既電話, 約我星期二去 interview, 已經係第三次啦~ 三顧草蘆? o個晚打比兩位岩岩入左去做o既同學, 想問下 tips, 但係都聯絡不上, 令我大為緊張呀! 好彩第二朝覆返我, 咁就 perfect information 啦~ d 試題唔難答, 我覺得答得唔錯, 但係 group in o個陣就普通左少少... 唔知佢睇唔睇重呢... 今日 interview 遇見兩個人, 一個係 hi-dip o既同學阿剛, 一個係上次去 TQM group in 的 city 人.

做 written test 其中一條題目係 comment 一下點解針對 十八個月以下o既用家 同埋 十八個月以上o既用家 o既 drop test 係唔同的. 有位奇人異仕就拎起手上o既玩具車仔, 即場做左好多次 drop test... 汗""" 其實車仔係留返之後先用.

BV 約左我一點半, 而我約左 FYP 老細十一點. 老細好老奉咁遲左四十五分鐘... 咁十二點半點會走到呢... 好彩 BV 打電話黎話遲一個鐘...

今次FYP 老細又點呢? 都係找錯處, 而且佢好似唔係好 appreciate 我地o既成果, 都估到係咁. 佢講乜都唔緊要, 最緊要o既一句大概係 "i will not ask you to do any more" , 總之就唔洗再做啦~

13 AUGUST 2005

真係唔好彩, 失眠, 訓得兩三個鐘就要去 interview, 今次呢個 interview 又係唔洗自我介紹喎~ 今次 in o既 post 都係 industrial engineer. 從佢口中得知, 呢個 post 係要 stay 的! 係 stay 就早講, 等我唔好apply, 都唔洗星期六朝早過黎 interview 嘛... interview o個陣, 佢問我返大陸有冇問題, 食同住o既環境都比較差又有冇問題, 都唔知點好, 唔通話"冇興趣" 咁樣衰? 咁就話"冇問題" 喇. 佢有 offer 先算啦~ 不過都係唔做架啦~ 我真係想 stay 的話就多好多選擇咯.

11 AUGUST 2005

今日去柴灣見工, 實在太好了, 因為實在係太近了! 呢間野叫 wah shing 玩具, in o既 post 係 industrial engineer. 今次呢個 interview 竟然唔洗自我介紹喎, 又唔洗用其他語言, 一入黎就叫我介紹下個 project 做乜, 一切好像很順利. 到佢講 job duty o既時候, 我就有少少覺得貨不對辦, 如果聽佢講, 呢個 post 係 costing engineer, 唔係 industrial engineer, 但係都無損我對呢個 post o既興趣.

in in 下, 我同 interview o個個人講左句"咦~ 我同學o係出面喎", 佢就話"哦~ 佢黎左兩個月架啦~" 兩個人都有問題, o係 interview 期間講 d 咁o既野. 原來 suki o係度做左兩個月, 但係已經有意思離開了... 即係我識得兩個人做呢間野, 都係做唔長的! 先有我家姐o既朋友, 淨係做左一個月就走左佬...

下晝又收到另一間公司叫我去 interview, 星期六!? ^&%^%(^@#^$)^ 星期六想休息下都唔得.

突然心血來潮, 想去影相, 咁就去左西環尾影日落, 有o既鹹旦黃又影唔到, magic hour 又冇... 最好彩就係冇落雨.

08 AUGUST 2005

今日終於打破左上個星期開始o既 "interview 荒"! 真係一個 interview 都冇... 好彩北上之前收到個電話叫我今日去 in. 公司名怪得很! 叫 wonderful life, 即係美麗人生 (間公司叫麗生). 淨係聽個英文名好有傳銷公司o既感覺 @@"

我去 in costing engineer, 本來諗住問家姐 d 朋友呢樣係乜東東, 但係尋晚又夜返, 問唔到咯, 好彩聽家姐講都夠.

in 左一陣都覺得冇行, 一來佢似係急住要個有經驗o既人, 二來佢十分之著重我對 plastic o既認識, 事實上我對呢方面真係冇乜認識, 只係 ive year one 識過 material 同埋去過九龍灣 training center... 有的話就當係中六合彩啦.

07 AUGUST 2005

呢兩日北上去深圳, 我真係好耐冇去深圳! 感覺十分之繁榮! 而食野o既價錢都唔算平! 最唔抵食o既一餐就係三十幾蚊一餐o既港式茶餐廳風味, 感覺有 d 似o係外國買左件 "made in china".

第一日主要o係歡樂谷渡過, 我就真係唔敢玩機動遊戲... o個度真係乜人都有, 食腸要剝皮又有, 打尖都常見! 阿基真係好勇敢, 對住打尖o既人鬧, 鬧到佢唔走唔得! 出黎做兩年真係唔同 d.

夜晚去左按摩, 呢次比上次o係珠海認真得多, 主要分別在於要換衫同唔洗換衫...

第二日主要o係書城渡過, o個度 d 人真係有恆心, 冇錢買書, 所以就拎起紙筆, 坐o係度抄書! 而o個度 d 保安都唔係做野o既~ 見到咁o既情況都唔會點理, 最多行埋去吹水, 好事黎o既.

跟住去東門, 情況同旺角差唔多, 由地鐵站開始已經睇得出! 特別多人, 都特別多年輕人. 呢度出名治安差, 一 d 安全感都冇.

成個深圳攪得最好o既我覺得係地鐵, 同埋一 d 百貨大樓. 可能係因為夠"港式".

兩日一夜期間同阿基鬧有到有些少不和, 真係唔好意思...