29 APRIL 2005 - 優勢?

上 elec001, 老奉訓足半堂以上... 下晝聽一個師姐講 talk. 我問左一個我想問好耐o既問題, 就係身為一個 ieem o既 graduate, 有乜野優勢呢? 我覺得自己乜都唔識... 佢話呢個諗法都係正常. 呢 d 就係 ieem, 但係就係因為乜都知少少, 先可以知晒成間公司係點樣運作喎. 我仲話埋我有 d 後悔入左科大, 因為乜都學唔到.. 其實大學教育就係乜都學 d 呢~ 師姐一再強調唔一定要搵返 ieem o既工, 就算 financial 都可以喎. 做乜都好, 唔係好想 stay o係大陸.

之後o既時間都係做 227 o既 project. 做到八點幾九點, 又冇得去跆拳咯. 去完又會好累, 唔去又十分之身痕.

之後o既時間要努力做 fyp report, 五月三日 deadline.

連日黎, 我都問緊身邊o既人, 上個星期o係 studio 影o既相靚唔靚, 大家o既答案都係一致o既, 負面o既, 哈~ 冇人認同我...

28 APRIL 2005 - 萬念俱灰

好耐冇走堂, 今日想走下~ 好奢侈地訓到十二點. 下晝都係去做 project. 尋日得左o既 circuit 突然失靈, 真係萬念俱灰... 好彩只係 d 電子野壞左o者. 原來我連基本電子常識都冇, "他錶" 都唔識用, technician 話如果我玩緊 ac power, 死左啦喎.

都係做到夜晚. 返到 hall 又要做第二個 project, 要做 experiment o既平台出黎.

27 APRIL 2005 - pattern

film art 終於有彩色電影睇! 冇用啦~ 都係悶. 唔知幾時開始, 星期三下午茶時間食老麥已經變成我o既 pattern.

夜晚去幫 account 新莊影 inaug. 我唔係好鐘意做呢 d 野, 我唔係好鐘意用攝影去 serve 人. 今日先後用過 d70, d100, 都係 d100 好 d, 不過幾年前o既 product...

影完又上返去 lab 繼續做, 做到 eric 都灰灰地咯. 我都做到灰, 不過佢灰得黎鐘意睇 manual, 我就鐘意埋頭苦幹. 好彩佢睇下 manual, 又真係攪掂左喎! good!

玩左咁多日, 個 circuit 係冇錯o既, 錯在冇用 plc o既 voltage supply.

26 APRIL 2005 - 愛上涼粉?

例牌o既節目就係去 lab 做 project. 日日都對住一堆電線, 試極都冇結果, 真係想死. 呢 d 就係 research 啦哈哈~

今晚七點有個 farewell party, 但係今晚七點都有跆拳喎. 最後我認為自己比較想去做運動多過係咁食, 所以就先去跆拳, 後去 farewell. 今日o既跆拳唔辛苦, 換言之有 d 唔夠喉! 是但啦~

差唔多十點我去到個 farewell, 我唔知之前乜野環境, 不過現場環境就有 d 頹! 是但啦~ 食左一堆冷飯咋~ 跟住返hall 去糖水會, 我又係咁食涼粉. 幾時愛上左涼粉? 諗住食完野上 lab 繼續努力, 點知比 hall tutor 捉左去打 winning, 唔係捉o既, 我自己都想打.

十二點幾上 lab, 見到 channa, nigel o係度做緊野 @@"

最後差唔多坐到三點, 都係冇結果, 電子底係差啦~

25 APRIL 2005 - 它是藍色的

最近的 film art 真的讓我發瘋, 不停的播<廣島之戀>, 點睇都係唔知講乜... 如果唔用廣島, 用南京, 北京又或者香港, 會唔會有分別呢?

做 project 做到差唔多一點! 凌晨一點! 走o個陣, 經過條走廊, 真係有 d 驚, 廁所都唔敢去, 要落到去 barn b 附近, 有 d 人氣先敢去~

頭先刷牙, 突然望到支牙刷, 感覺好生面口, 但係呢支野一個星期進出我個口不少於十次... 我今日發覺佢係藍色o既.

24 APRIL 2005 - 熱情減退

在家中的生活總是頹廢. 一個星期只有一日多的時間在家中, 為甚麼還要過著跟在學校一樣的非人生活呢?

兩年在科大的時間不太長也不太短, 現在的我對知識的熱情減退了, 暫時來一個終結真是不錯! 快要畢業了....

23 APRIL 2005 - 家常便飯

星期六上堂例牌遲到, 上堂又唔想聽, 極之頹廢, 如果唔係要交功課, 應該冇乜人返黎上堂.

如果入黎科大淨係為左求知識, 會極之失望, 特別係如果想學多 d engineering o既知識...如果有人問我o係科大學左 d 乜野, 我未必即刻可以講得出, 講得出o既都唔會係關於自己o既 major... 呢度 d 人好鬼狼死! 抄功課, 測驗考試出貓, 全部都係家常便飯...

下晝返屋企, 頹左成日, 份 report 都未打過...

22 APRIL 2005 - 睬你都傻

今日做 project 做到十一點幾! 做到咁夜, 都係因為冇乜結果呢... 對住好唔熟手o既電子野, 真係唔知點好. 換轉以前o係 ive, 搵阿 sir, 搵 lab tech 都會答到我. 呢度真係不論不類! 我問o既係以前o既師兄, 或者o係呢個 lab 做過野 o既 post graduate. d lab tech 對呢方面都唔係好熟悉, 其他 department o既就睬你都傻.

21 APRIL 2005

朝早上堂, 下晝做 project, 六點幾之後左影相. 下莊o既 studio night, 我地要去捧下場. 時間方面控制得唔係幾好, 遲左半個鐘開始! 第一次, 係咁啦~ 佢地搵黎o既 model 都唔差, 一班麻甩佬都叫做返 d 好野~ 我地o個年有兩個女莊員都搵唔到... 呢個 model 係 dance soc o既人, 星期二練跆拳o個陣先見過佢o係度跳舞. 個樣有少少怪, 但係又唔差.

好想快 d 買 dslr, 用菲林機影相會影到破產!

20 APRIL 2005 - 返本

夜晚去左跆人o既 gathering, 當係十蚊食餐飯啦~ o個度有涼粉食喎! 除左食飯, 我食最多o既就係涼粉! 只要食到兩碗, 就可以返本啦~ seafront 賣五蚊碗嘛.

跟住做 project 做到十二點幾! 去到atrium 就比兩個跆拳人捉左去幫襯佢地o既涼粉. 我估係食剩啦, 佢地o係 atrium 賣三蚊一碗.

19 APRIL 2005

朝早上堂, 下晝做 project, 夜晚練跆拳...

18 APRIL 2005 - it's work!

想試好耐, 今日終於有機會試下我個 fyp 部機, 插電, motor 係咁轉, 我o既 mechanism 係 work o既.

六點幾去 lg7 搵一班跆拳人食飯, 今日係 sport association o既 team gathering, 好熱鬧呀! 食物由 lg7 提供, 我覺得食物準備方面唔夠細心, 既然係準備比一班運動員食o既梗係要健康 d 啦~

17 APRIL 2005 - 名不虛傳的

今日同 johnny 去 hong kong u 影相. model 令人極之失望. 但係睇到 hku 真係名不虛傳! 佢地o既文化相當之特別, 我見到成班人聚埋一齊, 雖然唔係好知佢地做緊乜, 但係睇到o個種團結精神! 呢樣野科大唔會有, 只會出現o係 o camp.

16 APRIL 2005

諗到自己成個星期都冇覺好訓, 真係慘情. 所以上堂o個陣係咁訓. 返到屋企又訓. 夜晚出去踢波, 因為唔夠人, 而且我地個波又爆左, 所以冇踢到就左. d 因果一 d 都唔合理... 總之結論就係冇踢, 淨係出黎食飯, 真係有 d 浪費時間...

15 APRIL 2005 - 電

下晝去左聽 recruitment talk, 公司係一間造紙廠, 但係個 talk 冇乜人聽, 唔知係咪因為佢請 industrail engineer, 所以大部份聽眾都係 ie 人. 佢講到自己好掂, 攪到我都有 d 想做喎.

跟住都係做 project, 今日想開 motor, 點知開唔到, 仲攪到個 starter 漏電, 電左一下.

夜晚o既跆拳有玩 free fight, 真係 fight 得好差... 之後又繼續去做 project, 因為 eric 未走, 想做多陣喎. 佢對漏電都係冇乜頭緒, 好彩 franco 咁岩打電話黎, 問問佢就攪掂左喇, 雖然佢答得一 d 都唔肯定...

晚晚都有野做, 攪到好夜先訓, 我覺得係個 project 攪成咁的. 真係好辛苦, 叫我放低 d野全心做一個 free rider 我又絕對做唔出.

呢排o係到玩數字遊戲, 係咁計 cga, gga... 表姐以前話做呢 d 野好無聊, 只要力爭上游就唔洗理咁多. 但係呢排 d 考試都考得唔好, 所以要計下咯.

14 APRIL 2005 - 測脂

今日有個機構講減肥, 我去左測脂肪, 比標準o既 20% 多左少少喎, o個個人話我要做多 d 運動, 但係我一個星期都做左不少於兩次劇烈運動, 點解會咁架? 佢仲有一點, 就係飲食o既問題...

做 project 做到夜晚八點幾, 又玩電子野, 今次唔係咁順利咯, 以前學一件 component o既 用途, 依家就要用啦, 用起上黎真係唔容易.

不停問人飲食o既問題, 講到我平日食o個 d 野好唔健康咁, 咁我試下改啦. 都唔容易咯, 絕食咩...

13 APRIL 2005 - 事實定係假象?

上完堂, 食個飯, 又係做project, 他媽的 project, 日日去做都做唔完, 如果個 grade 唔好真係唔肯放過個 professor! 唔知係事實定係假象, 好多時都覺得自己o既contribution 係好大的, 唔係最大都係相對地大. 好似有 d 自大.

12 APRIL 2005 - 搏

都係決定搏一搏, 叫 huma o既 TA 再改過我份卷, 分正低分左都冇蝕底. 呢科已經係surplus, 可以唔用黎計 honour.

下晝去做 project 到六點幾...

夜晚都係去玩跆拳, 明知係辛苦, 但係都係想去.

11 APRIL 2005 - 強差人意

今日又一科出分數, 強差人意, 分數係全班之中o既 lowest. 因為呢件事攪到我做 project 都冇心機, 好彩冇發生意外(o係工場做野好危險). 原來係 TA 登錯分, 不過個分數都唔係高. 呢一科o既分數其實唔係咁重要, 考得好就好, 考得差都冇所謂. 但係考得唔好點都係對唔住自己.

夜晚陪 johnny 買相機袋. 見到 d 相機袋比我買o個個 d 細, 就諗起同表哥買野, 買親都買大左, 唔岩心水. 食左一餐貴夾唔飽o既仙跡岩定係仙棕林, 又貴, 又唔係咁好食, 失望... 食老麥好過. 佢講到形象影響佢o既異性緣. 呵呵~ 冇法啦~ 成績好同玩得唔 suppose 係可以共存o既東西. 要洗脫呢個形象, 唯有離開科大, 避下風頭啦~

10 APRIL 2005 - 反常

訓到兩點幾, 食個飯又四點, 睇返尋晚 o既殘酷一叮, 今集有少少好笑啦~ 之後又訓過. 今日係安息日.

起身又食飯, 睇埋電視就返 hall 喇. 今集浪漫滿屋, 個女主角話鐘意 b 君, 但係又唔接受 a 君身邊有第二個喎~ 真係乜都得..

返到科大見到攝影學會 d poster 貼到犯晒規, 真係開心喇! 個活動係廿幾號, 依家已經有 poster, 聽日已經有 counter 啦.

天氣熱得很, 今年o既天氣真係反常, 一時又好凍, 一時又熱到死.

09 APRIL 2005 - 在籃球場上

午飯時間一齊去南北小廚食飯, 當係幫 queenie 慶祝生日, 佢都幫左唔少人慶祝過生日, 今日幫佢攪返次都係理所當然呢. 有人話我幫人其實係一種互相利用, 其實我就唔係咁同意, 因為好多時我都冇得益. max 整左個芒果布丁, 真係好有水準!

夜晚去踢波, 今次去柴灣踢, 發覺搵唔到場踢, 行行下經過一個籃球場, 又見到兩個細路踢緊波, 跟住o既事情都唔洗講啦~ 就係o係o個度踢波喇. 四個人一隊, 入到三分線, 射入兩條柱中間就當入啦~ 我見到有三個細路帶住個籃球入黎, 見到我地, 顯得相當無奈.

返屋企仲要幫樓下媽媽朋友o既仔整電腦, 佢都係科大畢業o既, 仲讀完 master 喎! 佢問我想做 d 乜野工, 其實我真係冇乜 preference.

佢部電腦入唔到 windows, 想從新裝過 windows, 又唔得喎, 最後都係決定 format, format 之後都係攪唔掂. 我突然諗到會唔會係個 cd-rom drive 慮事, 真係喎! 我拆左我o既 dvd drive, 就攪掂左啦~ 話唔定如果早 d 發現呢個問題, 根本唔洗 format. 好彩佢要o既資料冇唔見到.

08 APRIL 2005 - class photo

今日要影 class photo, 唔知點解好開心, 唔好理, 總之開心就得啦. 下晝又係做 project, 就係因為我o既圖紙畫少左 d 野, 攪到依家要自己做返, 但係又好似唔係好識做...

夜晚返跆拳, 總教練冇黎, 咁就由另一個低級 d o既黎教, 呢個教練即係白田o個個, 佢o既操法比較注重技術, 但係唔係代表唔辛苦, 第一次到九點半都未操完, 真要命, 操完係咁拉筋做 cool down, 希望聽日唔會腳痛啦.

07 APRIL 2005 - do you like?

supevisor 問我: "do you like the project?", 我話"i don't like", 理由係實在太過辛苦, 工作量好大! 做得辛苦唔緊要, 希望個 grade 好 d, 咁就可以 second up 啦.

可以話我老實人, 都可以話我唔識做人, 不過我都係一個老實人, 呵~

06 APRIL 2005 - 場面很冷清

今日上 tutorial, 情況甚為冷清! 出席人數十個都冇. 本來我都想走堂, 但係又唔想成日走堂, 其實我覺得上堂都聽唔到 d 乜野, 因為我對 TA o既能力有所質疑.

今次人少少, 起碼我聽到佢講乜先, 細心聽, 又覺得幾好喎!

04 APRIL 2005 - 電

為左個 fyp, 我要開始玩下電子野! 顫顫驚驚, 驚電死咁o既款, 好彩以前 ive 學過, 唔係就真係六神無主咯~ 成日都係覺得入黎科大係多餘的, 如果係為左求知識的話...

拎住個 multimeter, 一來驚電死, 二來又驚燒左個 multimeter, 雞手鴨腳咁... 好彩 eric 好似比我熟識少少, 咁都冇咁驚.

呢度 d lab 真係得意, 比我地玩呢 d 野, 但又冇人睇住, 真係電死左都冇人知. 拎起塊麵包板, 拎起幾粒 resistor, 都令我諗起o係 ive 做 lab o既程況. 幾個 groupmate掛住講波由得我呢個生手駁電, 睇住張 circuit 駁到眼都花埋...

搵 roommate 打陣機又返屋企咯~ 聽晚又走人.

03 APRIL 2005 - 舊同學?

尋晚未到十一點就訓左, 訓到下晝先再起身, 真係史無前例! 所有 mid-term 都考晒, 專登唔帶學校 d 野返屋企, 坐o係屋企都唔知做乜好, 坐下坐下又夜晚.

今日o既星期日檔案講三個小學同學, 想搵返三十年前o既同班同學... 好勁! 真係比佢搵到一大班人. 我o個 d 小學同學都唔知去晒邊~ 全部都冇聯絡, 淨係得返兩個 icq 號碼... 其他人o既名我都唔記得晒咁濟.

片中o既主角話完成學士學位係佢一直以黎o既目標, 諗返轉頭我真係好好彩, 無驚無險, 應該畢到業啦~ 而且仲可以將目標set 得更高; 講到當年冇玩具玩, 我真係有好多模型.

今晚返 hall, 聽晚又返屋企.

02 APRIL 2005 - 責任心發作

明知上堂都唔會留心聽書, 但係我又唔想走堂, 呢 d 可能就係責任心o既問題, 總之唔去上堂又好似會 miss 左 d 野, 去到又唔係好留心聽. 其實留心聽都唔係好聽得明. 已經眼訓都乜都唔想理, 但係又想打陣機先返屋企, 咁就打返陣先.

返到屋企都係冇乜精神, 想訓覺但係又差唔多夠鐘食飯, 殘酷一叮又開始, 咁就睇埋先, 又係令我失望o既一集, 悶到呢...

01 APRIL 2005 - 2 sides of a coin

ELEC 001 份卷又唔係好難, 不過又唔係好淺喎! 呢科出左四 set 卷, 應該可以杜絕出貓啦~ 唔知考成點咯~

考完之後好似考完 final 咁o既心程, 返 hall 坐下先~ 又唔敢訓, 怕一睡不醒, 兩點鐘要上堂, 聽 talk 喎.

講者係一個 retired o既 ieem professor, 佢話要有常識, 特別係時事, 我真係冇乜呢方面o既知識, 佢話 ieem o既好處就係乜都識少少, 跟住一位拔尖妹就問, 話就話乜都識少少, 其實即係冇野專架咋喎! 呢個係大家o既心聲!professor 就話淨係識煮麵o既就做廚, 乜都識 d 就可以開 restaurant 架啦~ 2 sides of a coin...

跟住又係做 project, 做完又要做一份 report o既 draft, 咁就十點幾咯~ 好睇訓, 但係好似有好多人等我救命咁, 要搵去 hong kong u o既路徑, 跟住又要幫人裝 windows, 到四點先有機會玩下 rockman~ 跟住又訓覺啦~

31 MARCH 2005 - 杜絕"貓"患?

今日份卷淺到離晒譜! 痴線的. professor 諗住出一份 a 卷, 一份 b 卷, 就可以杜絕"貓"患, 其實要出又有幾難o者~ 同隔離位調一調, 又得左.

過左第二日 mid-term, 都已經累過半死~ 但係都未停得, 又要準備聽日o既 mid-term, elec001, 睇落好似好淺咁, 但係都好多野讀, 夜媽媽走去搵 hall tutor 教路, 一講就明啦~希望聽日唔洗慘死啦~

30 MARCH 2005 - 貓貓

早 d 起身睇一大堆唔知講乜o既 reading, 睇完都唔係好知講乜喎~

呢一科 film art o既 mid-term 感覺都係o棄o棄地~ 又唔係特別深... 又唔係好淺, 希望唔洗 below mean 啦.

之後都係做 project, 再溫書. 溫書o個陣一邊o係度諗聽日會有人出貓, 真係有 d 憤怒! 呢班 ieem o既同學都唔知邊度黎o既, 出貓出到好離譜! 另一樣離譜o既就係 TA, professor 都唔係好理! 人地出完貓仲高分過 d 冇出貓o既... 真係唔抵!

努力 d 啦~

29 MARCH 2005 - 死亡之周!

今日係 mid-term 前o既最後一堂, 點都要上呀, 但係冇料到o既.... 下晝做完 project 就去溫書, 一連三日都會有 mid-term, 死亡之周!

呢科 film art, 點算好呢? 上堂 d 戲又唔會再番睇架啦~ notes 又唔多, 但係有一大堆 reading 幾乎未睇過喎! 點算好呢... 都冇得揀, 認真睇下 d notes, 都冇乜時間睇 reading 咯~

到時到候仲要做英文份 assignment, 幫 groupmate 執手尾, 呢個 groupmate d 英文好有問題, 問題就在於我都發覺有問題, 錯o既係中學生都唔應該錯o既野, 總之我就要做英文啦~ 縱使聽日有mid-term...

reading 都係留返第二朝睇啦唉~

28 MARCH 2005 - 乜都冇做過o既假期

四日的假期就咁就到左最後一日, 但係我乜都未溫過喎! 功課又未做... 做左一陣, 又要出去踢波, 講到比人迫咁, 都係架~ 應承左所以就去啦~

返屋企又繼續做功課, 夜 d 就返 hall 啦.