26 FEBRUARY 2005 - probability

又一個要上堂o既星期六. 未出門, 阿禮就黎搵我, 原來佢尋晚無家可歸, new hall 鎖 card 壞左喎~ 跟住就去上堂, 係咁講 probability, 咁同上年 take o個科 probability 有乜分別呢? 一路上, 一路諗, 一日只係上一堂, 但係我就連o個一堂都唔想聽, 星期二四六都要靠自修, 因為係 ieem o既科目. 即係得返 電子同 film art 有 d 意思. 上完堂, 就去 check email, professor 話可以第日再 meet 過, 但係都會當我 absent, 麻鬼煩, 人地o個 d 行遲左一個字, 邊行邊講都冇問題...

食完 tea 就返屋企, 冇幾耐就開始訓覺, 訓到十一點幾, 食完食, 咁就一日咯.

25 FEBRUARY 2005 - mid-term

上九點堂, 冇遲到, 但係訓左成堂... 跟住上 film art o既 tutorial, 真係好, 講左唔少拍攝手法, 好岩聽!

下晝有個 advisory meeting, 死喇, 我睇錯時間, 遲左到, 呢個 course 唔比 absent, absent 當 fail 喎. 真係有些少驚喎, 我個 advisor 係一個麻煩友... 我會即刻諗到 fail 左之後有乜野事發生, 諗起都驚... 唯有等 professor 落堂, 搵佢講數啦~ 點知落左堂成粒鐘, 佢都未出黎, 因為 d postgraduate 好好學, 落堂都捉住佢係咁問, 咁就打封 email 算數啦.

跟住去左 library 睇戲, 戲叫 sunrise, 二十年代o既出品, 係一套默劇, 但係有配樂. 咁就睇左四十分鐘, 都大概知佢講乜了, 之前已經睇過個尾. 之後就走左去打邊爐, 佢地話係春茗喎, 新年都過左咁耐, 呢個仲係咪春茗呢? 今次 d 份量都算係岩岩好, 冇乜食剩, 但係都夠飽.

二月就差唔多完喇, 即係 mid-term 黎緊啦.

24 FEBRUARY 2005 - 雞先?蛋先?

今日上 econmoics 冇訓覺, 但係聽唔明, 即係要自修啦~ 跟住去聽 thinking, 雖然我覺得 professor 有少少強詞奪理, 但係聽下又真係會幫助諗野. 今日問左一條有雞先定有蛋先. 答案會係根據自己本身對雞同蛋o既認識, 定義... 即係冇答案喇.

今日拎左件跆拳衫出黎, 想去浸大操, 但係又冇相熟o既人一齊去, 咁就諗住唔去啦~ 諗住唔去, 就諗住去 library, 點知途中見到隊長, 咁又攪到我想去, 最後都係去左浸大, 第一次入浸大, 感覺有 d 似青衣 ive, 睇落幾有校園氣氛.

o個到冇乜人玩跆拳, 得十幾個人操, 相對平日三十幾四十人... 人少少, 操練又唔同, 練一 d 我平日未玩過o既, 就係著住護甲比人踢, 真係一 d 都唔容易, 不過好似學到野. 操練o既地方叫 student center, 但係個格似 common room, 又或者溫習室.

返 hall 先至搵野食, 去左 pg hall 2 o既 festival 買炒麵, 碗仔翅食, 聽個小販講, 入黎科大車錢都要幾百, 佢地要搬架車嘛... 仲有就話o係黃大仙企幾個字已經成千蚊咯~ 真係慘.

一邊食, 一邊睇住下莊同一班想加入o既人開會. 氣氛唔係咁好, 因為兩班人一睇樣已經知冇乜可能一齊, 一班就乖 d, 一班就潮 d... 算把啦~ 不過潮人講野都幾有 point.

返到 hall 就睇書, 做功課, 五點幾六點先訓...

23 FEBRUARY 2005 - quiz

今日又去上 film art, 遲左一個字, 當係冇遲到啦~ 今日第一次聽 professor 上堂, 上一堂都唔係聽書, 淨係睇戲. 都算係唔錯啦~ 不過我對呢 d 野又唔係好有興趣, 不過有少少關攝影事, 都聽得入耳o既. 臨落堂, professor 叫我地拎張紙出黎, quiz 喎! 好彩個 quiz 問 d 野好簡單, 又有高人相助, 大難不死. 但係我對o個套戲o既認識都唔深, 希望有機會入 library 睇多次.

跟住就o棄上英文堂, 食飯, 做 project... 夜晚諗住入 library 睇返套戲, 點知 mdeia counter 七點就收工, 咁就死死地返 hall, 返 hall 之前買左一罐啤酒, 因為只係兩蚊... 呢個 logic 通唔通呢?

22 FEBRUARY 2005 - 遲到

教 economics o個個 professor send email 話唔鐘意人地遲到. 我驚佢會鎖門, 所以今次就準時入到去. 但係又訓左大半堂...

尋日學校開始有 art festival o既節目, 其中一項就係o係 concourse 播相, 今日我就負責做呢個工作. 工作好簡單, 只需要press 電腦o既 F5 制, 就開始播 slide show, 係咁放相...

放完相之後, 可以去 cafe 食返餐. o個度 d 野真係貴, 我叫左個 panini, 要 $26, 再加杯凍飲, 呢餐真係唔平, 不過唔洗我比錢~ 同 art center o既 kandus 食飯, 佢係一個中年女人, o係 sao 唔知做乜野 post. 就聽佢講歷史, 聽佢講以前香港讀書, 得兩間大學, 一間香港大學, 一間中文大學... 以前o既大學畢業生真係唔驚冇野做, 依家真係完全唔同晒.

夜晚又去玩完腳軟o既跆拳, 今日o既操練算係唔辛苦, 最辛苦o既只係要做五十下 sit-up, 五十下拳上壓...

跟住去食飯, 黑帶教路話想飲完酒之後去跑會勁 d! 但係如果打比賽就唔得, 因為要用腦喎.

21 FEBRUARY 2005 - film art

今日去上 film art, 一堂都未上過, 今日第一次上, 但係又遲左二十分鐘, 算係好彩啦~ 唔洗走晒成堂. 真係越黎越唔似樣... 一入到去已經睇緊片, 黑白o既默劇, 都幾好睇o既.

下晝就去工場做 fyp...

20 FEBRUARY 2005 - 隔夜"食送"

屋企由下晝o棄到晚, 因為我訓到好晏. 好似冇做過乜野有意思o既事, 夜晚又返 hall, 即係一個星期就過左. o係屋企食飯通常都會過飽, 成大"食送" 擺o係面前, 我就好似有責任要食晒佢, 媽雖然就話唔洗食晒, 但係我覺得都係要o既. 食唔晒就會放入雪櫃, 變成隔夜"食送", 呢樣係我最唔想o既.

19 FEBRUARY 2005 - 神智不清

朝早上完堂, 食完野, 去左聽一個關於讀 PG in social science o既 infromation session. 聽完都好似冇乜 informaiton 比到我. 如果要 apply, 就要搵兩個人做 referee, 幫我寫 reference letter, 我o係呢度可算係冇人冇物, 呢樣係最麻煩o既. 學費都唔係平, 要 $67500. 其實讀完有乜用我真係唔係好講得出, 最多只係興趣...

返屋企坐左一陣, 就出左去踢波, 天氣極之寒冷, 而我不肯地猜輸左, 就左去守龍, 咁即係企o係度食風喇. 到我出場, 開始有人抽筋, 咁就算喇, 冇得踢喇...

跟住就去左銅鑼灣打邊爐, 要等成粒鐘先入得去, 入到去真係嘩嘩聲! 真係太正啦, 個環境太好啦, 相對前幾次去觀塘, 地方又淺窄, 又唔係咁乾淨...過左十二點之後真係冇晒人, 呢間真係好好多, 仲有汽水啤酒任飲! 今日o既話題都係升學, 原來讀一個 part-time degree 係好貴的! 要十四萬 (已經有 credit transfer), 而且仲要花成五年時間, 相對地我真係好彩喇. 佢地o既難題主要都係錢, 仲有如果開始讀, 基本上就唔會轉工, 怕轉左新工未必有機會讀書... 最後諗到讀左都唔知有冇用, 因為已經有相當的工作經驗, 一個學位仲有冇價值呢? 而我o既情況就係讀同唔讀都冇乜分別.

跟住o既話題就係置業, 呢樣我反而未諗, 而且我飲酒飲到神智不清, 都唔係好理佢地講乜.

o係銅鑼灣o既另一個好處就係好快就返到屋企, 而且又唔會貴好多.

18 FEBRUARY 2005 - 頹廢

18 FEBRUARY 2005

今日都係遲左起身, 可能因為呢兩個星期o既生活太頹廢, 功課又冇乜... 每日只係上一堂, 多極都唔多過三堂. 日日下晝都係入工場做野...

夜晚開始搵返 d IELTS o既野黎睇, 三月頭就要考試, 但係到依家都冇乜點準備... 其實我覺得準備只係試下做份 paper, 做得多又唔會高分 d o既.

17 FEBRUARY 2005 - 叮

17 FEBRUARY 2005

夜晚同一班同學去球場跑步. 因為佢地要做體能測試, 所以就要去跑步, 可能係臨急抱佛腳, 又或者只係想睇下自己去到邊. 落到去, 我用左唔少時間去拉筋, 拉到覺得腳軟, 跟住去跑步, 都跑唔起咯. 唔緊要o既, 要考體能o既唔係我.

跑完之後就過左 hall one 玩煮飯仔. 基本上, o個度乜都冇, 只有兩個微波爐, 用佢黎叮麵又得, 叮菜都得, 真係攪野.

16 FEBRUARY 2005 - 潮濕o既天氣...

明明鬧鐘響左, 又要再訓多陣, 咁就走左堂 film art, 最近先 enroll 到, 但係我已經 skip 左四堂... 遲左一個鐘起身, 趕得切去上英文堂, 個個都係呆下呆下咁上堂, 佢講得悶就一定係, 但係天氣都有影響, 潮濕o既天氣令人懶散, 做事提唔起勁...

下晝又去南北小廚飲茶, 本來諗住食完野去工場做野, 點知飲完茶已經四點咯. 又懶得做野. 跟住就o係 lab 同一班同學仔玩 aoc, 好玩!

返到 hall 都係繼續玩呢隻 game, 到九點幾落去食飯, 真係有 d 眼花o既感覺, 企都企唔穩. 再返 hall 又係打機, 其實應該開始溫溫書, 但係都係懶, 唔想溫.

15 FEBRUARY 2005 - 春茗

夜晚同莊員們去 hall 3 樓下o既冰川花園食盆菜宴, 其實係叫春茗先岩... 其實春茗係乜野一回事呢? 我又真係唔知, 總之食晚飯啦. hall 3 比人o既

感覺好有生氣, 好熱鬧. 但係真係遠左 d...

本來好似話成支莊十個人要一張台, 但係唔知點解會走出三個路人甲... 呢餐盆菜宴冇乜特別, 應有o既都有, 應該冇o既就唔會有, 特別o既係食食

下落雨, 雖然場場都係好細o既雨, 但係已經嚇餐死啦, 一邊食, 一邊就諗一陣落大雨點算... 好彩最後都係冇落大雨, 謝天謝地. 今日有個抽獎環節,

都幾多獎品! 我地o個台都抽到幾份, 我地抽到暖水壺, 曲奇餅, 仲有一部 mp3 discman. 最實際都係曲奇餅. mp3 discman 雖然係名牌野, 但係都

唔係咁吸引... 當我地o既莊員上台領獎時, 都會有人o係下面影相, 咁先係攝影學會!

食完飯仲有節目, 就係玩放煙花! 本來諗住去 hall 3 o既露台放, 但係因為有 d 雨, 最後走左去 wendy 間房入面放! 一邊放, 另一邊當然有人係咁影.

房入面放完又去左 common room 繼續放, 攪到成層樓都係煙~ 哈哈~ 最後就走左去海邊. 好玩~ 由頭到尾我都冇放過煙花, 淨係有影相, 其實有

些少怕辣親手.

14 FEBRUARY 2005 - 有情人

鬧鐘校左九點幾, 但係我要到十二點先捨得起身. 跟住就返學校, 食飯, 做 fyp..... 依家開始, 做 fyp 真係要落手落腳做, 對住隨時攞你命o既機械, 真係要打醒十二分精神.

電視廣告講得太多, 商人都講唔少, 今日係情人節. 一群節日孤星又要出去食飯, 選擇左去 pizza hut, 等左不少於半個鐘先有位, 食得非常的飽. 都話商人係好識做生意的, 平日o既套餐, 今日都要改一改名, 叫情人節套餐.

返到 hall 睇 newsgroup, 有人就話今日一個人過好慘, 跟住有人 reply 話其實日日都係咁過, 尋日, 今日, 聽日係冇分別的. 即係個主流文化就係要有情人, 而冇情人就係偏離主流文化...

13 FEBRUARY 2005 - 唔捨得個假期

今日選擇o係屋企渡過新年假期的最後一日. 其實返學同放假o既分別都唔係好大, 都係o棄下o棄下. 起身就冇發燒, 但係有 d 手軟腳軟o既感覺, 但係點解就唔知.

今日家姐帶左幾個教會o既朋友黎我屋企, 佢地得幾個人, 但係可以令屋企好似有十幾個人咁, 氣氛熱鬧. 只要唔講信仰, 唔講宗教, 佢地都好相處的.

到左夜晚, 我都係手軟腳軟, 咁就留o係屋企, 唔想返 hall. 似乎我係唔捨得個假期多 d.

12 FEBRUARY 2005 - 有心無力

今日應該要同媽去元朗拜年, 但係我選擇左唔去. 路程真係非常的遠, 而且去到真係幾悶. 唔去元朗, 咁我就去左白田上跆拳班, 而家好多細路仔學跆拳, 而且打得有辦有眼, 唔係玩玩下.

今日的操練都係十分變態, 攪到我有 d 行唔郁, 企唔穩o既感覺. 攪到我好似有些少自虐, 明明可以留o係屋企休息, 我又要專登出黎... 羅教練今日講野有文有路, 講左兩句老生常談: "學海無崖, 達者為先", "世上無難事, 只怕有心人". 呢 d 說話明明發夢都會記得, 倒轉講返出黎都得, 但係再聽返又幾發人心省.

其實有心都唔一定有用, 因為太多先決的限制, 令到人有心無力.

操練完之後, 我好期待下一次操練, 但係我唔記得左通常第二日就會腳軟...

臨訓前, 好似有 d 發燒. 食左 d 藥就即刻訓覺.

11 FEBRUARY 2005 - 車公廟

今日依照計劃去車公廟, 本來想由將軍澳出發, 最後變左由我成日都經過o既坑口出發. 落車之後, 去到車公廟, 人跟我又跟, 人做我又做, 點香, 入廟, 嚮鐘, 拜車公, 插香, 求簽, 轉風車... 今年比上年多人, 即係香都多 d 啦, 我比 d 煙攪到眼都開唔到.

求簽呢... 今年同上年一樣, 都係求左一支上簽. 今次好迷信地搵風水佬解簽, 解簽之前有一個睇相佬, 睇相佬就唔收錢, 解簽佬就收廿蚊.
睇相佬睇左我一陣, 就話我個人比較感情用事. 如果想得到一樣野就會乜都唔理. 又話我比較適合做屬水o既行業, 例如金融, 電腦... 咁物流呢? 基本上都係屬火的. 最後就話應該到年底先會有份好工...

解簽佬就o棄咯... 淨係話今年整體都係好, 加多兩個 keywords: "異性緣", "異性貴人".

轉風車又有學問, 如果覺得上年好, 咁就順時針, 向右轉, 反之, 就逆時針, 向左轉. 我都係向左轉.

黎到西貢, 咁就順手帶媽同阿姨去科大行一轉. 首先搵地方食野, 本來去 lg1, 但係佢地都係上左南北小廚, 可能聽到我話 lg1 係美心, 佢地就諗到係美心快餐, 如果我話係茶餐廳咁一切就改變喇... 南北小廚咪又係美心... 集團o既中菜廳... 雖則唔洗我出錢, 但係睇見個價錢牌都心痛.

食完野去火雞影相留念先~ 跟住就去我o既 hall 睇下, 好彩星期二執過房, 咁睇落就冇咁亂喇. 跟住就落 newhall o個邊, 最後就去我上堂o既地方, 所有課室都鎖晒門, 好彩有清潔工人清潔緊, 咁先可以比媽睇到呢度o既課室係點樣o既. 睇完個天都就快黑咯. 途中先後撞到兩位莊員.

返屋企就無鎖事事..

10 FEBRUARY 2005 - 平凡周日

年初二, 過住平凡周日o既生活.

夜晚打日記, 打打下先發覺原來唔見左一篇日記, 算啦, 真係好耐之前...

到依家, 我都冇開過 d 利是, 點算下有幾多錢. 唔知點解呢...

聽日應該會去車公廟, 上年求o個支上簽, 好似唔係好靈喎... 睇返呢一年裏面, 都有幾多唔開心o既事...

睇人地日記, 有一堆好似幾有道理o既 statement, 好似真係幾有道理的...
1‧男人是社會的主體，不管你信或不信。所以男人應該有種責任感。　
2‧25歲之前，請記得，愛情通常是假的，或者不是你所想像的那樣純潔和永遠。如果你過了25歲，那麼你應該懂得這個道理。　 　
3‧吃飯7成飽最舒服。對待女友最多也請你保持在7成。
4‧30歲之前請愛惜自己的身體，前30年你找病，後30年病找你。如果你過了30歲，你自然也會懂得這個道理。　
5‧事業遠比愛情重要。如果說事業都不能永恆，那麼愛情只能算是曇花一現。
6‧不要輕易接受追求你的女孩。女追男隔層紗。如果你很容易就陷進去，你會發現你會錯過很多東西，失去很多東西。　
7‧請你相信，能用錢解決的問題，都不是問題。如果你認為錢索王道，有錢有女人，沒錢沒女人，那麼。女人不是問題。
8‧請永遠積極向上。每個男人都有他可愛的地方，但是不可愛的地方只有不積極面對生活。　
9‧不要連續2次讓同一個女人傷害。好馬不吃回頭草，是有他道理的。如果認真考慮過該分手，那麼請不要做任何捨不得的行動。　
10‧如果你和你前女友能做朋友，那麼你要問自己：為什麼？如果分手後還是朋友，那麼只有2個可能：你們當初都只是玩玩而已，沒付出彼此最真的感情。或者：必定有個人是在默默的付出無怨無悔！
11‧永遠不要太相信女人在戀愛時的甜言蜜語。都說女人愛聽甜言蜜語，其實，男人更喜歡。
12‧請不要為自己的相貌或者身高過分擔心和自卑。人是動物，但是區別於動物。先天條件並不是阻擋你好好生活的借口。人的心靈遠勝於相貌，請相信這點。如果有人以相貌取人，那麼你也沒必要太在意。因為他從某種意義來講，只是只動物。你會跟動物慪氣嗎？　
13‧失戀時，只有2種可能，要麼你愛她她不愛你，或者相反。那麼，當你愛的人不再愛你，或者從來沒愛過你時。你沒有遺憾，因為你失去的只是一個不愛你的人。
14‧請不要欺騙善良的女孩。這個世界上，善良的女孩太少。
15‧不能偏激的認為金錢萬能，至少，金錢治不好愛滋病。　
16‧請一定要有自信。你就是一道風景，沒必要在別人風景裡面仰視。　
17‧受到再大的打擊，只要生命還在，請相信每天的太陽都是新的。　
18‧愛情永遠不可能是天平。你想在愛情裡幸福就要捨得傷心。　
19‧如果你喜歡一個認為別人應該對她好的美女，請盡早放棄。沒有人是應該對一個人好的。如果她不明白這個道理，也就是她根本不懂得珍惜。　
20‧不要因為寂寞而「找」gf，寂寞男人請要學會品味寂寞。請記住：即使寂寞，遠方黑暗的夜空下，一定有人和你一樣，寂寞的人不同，仰望的星空卻是唯一。　
21‧任何事沒有永遠。也別問怎樣才能永遠。生活有很多無奈。請盡量充實自己，充實生活。請善待生活。　

09 FEBRUARY 2005 - 利是

年初一, 要早 d 起身去拜年, 話早, 都十點幾啦~ 年年都係一樣, 我, 媽, 姐, 三個人去鰂魚涌o既電車站, 同表哥一家人"撘叮叮" 去到銅鑼灣去到叔婆o既屋企. 叔婆即係邊個o既邊個呢? 我淨係知係叔公o既老婆, 都知佢係我o既親戚... 去到收利是, 有一位比較後生的, 我諗左一陣都唔肯定佢係邊位, 好唔好意思咁收左佢o既利是. 算啦~ 年初一都係一大班人見下面架o者. 有好多阿姨, 我都唔知應該點稱呼. 如果係英文就簡單好多, uncle, aunt... 不過我知好多都係我o既"堂乜乜", 堂乜乜即係阿媽o既邊個我又唔係好肯定...

跟住去飲茶, 呢十幾年, 去完叔婆屋企都係去我屋企的, 阿媽又一展佢o既廚藝, 不過效果通常都係唔多好. 年初一飲茶就真係好少, 只係試過一兩次. 飲完茶都係邊我屋企, 我又唔係好鐘意同一大班人親戚坐o係度傾計, 所以都係入房打機, 不過年初一淨係打機, 又好似有 d 可惜喎~ 本來大表哥想請我地睇戲, 但係又買唔到"飛", 咁都係打機啦~

有個親戚叫我趁後生, 讀返個 master 喎, 我都有少少諗過o既.

08 FEBRUARY 2005 - 全年無休

年三十都要上堂, 科大係全年無休的. 好耐冇試過早起身坐車返學, 好多人排隊. 返到去我竟然有留心聽書. 勁~ 落堂就返 hall 執野, 已經行出 hall 2, 但係撞到 roommate, 咁就返去打下機先咯, 打完就食 tea, 咁就返屋企喇.

返到屋企訓個覺, 就食團年飯, 去表妹屋企食. 食完就同表哥行吉之島, 跟住就返去打機.

明明冇事做, 但係又唔想訓覺, 有種"未夠鐘" o既感覺, 所以就唔訓喇.

professor 講左樣好得意o既野, 話依家 d 人鐘意話自己中文唔好, 繼而令人諗到, 中文唔好即係英文好啦, 但係又冇諗過中文唔好同英文好唔好係冇直接關係的, 通常中文唔好英文都唔方好得去邊啦~ 呢個係智力o既問題.

06 FEBRUARY 2005 - 年廿八

年廿八, 下晝四點先起身, 幾乎冇幫手清潔家居, 真係唔好意思.

夜晚同屋企人出去吉之島食飯, 去到 food court 見到 d 日式燒餅個賣相好吸引, 咁就叫左黎食, 但係味道同想像中有一段距離. 之後同家姐去買衫, 買左成個幾鐘, 但係都未買齊, 一係冇碼, 一係睇唔岩...

趕住十二要點返到 hall 睇波, 但係都遲左半個鐘. 睇完就清潔我間房, 只係吸下塵, 但係冇拖地. 玻璃都冇抹, 咁仲叫唔叫清潔呢...

07 FEBRUARY 2005 - holiday mood

今日 day-off, 令我更有 holiday mood. 起身之後都係做 fyp. 下晝要入工場, 完全唔記得點用, 好彩有 groupmate 識, 話識都唔係熟, 都係生手一名.

六點幾就出去旺角買鞋, o係條波鞋街行左一轉再行多一轉, 大概都有主意, 知道想買邊對. 咁就是但買對 new balance. 本來又想買黑色, 但係同我著緊o個對好似好似, 咁都係唔好啦. 其他顏色試完一對又第二對, 又第三對, 最後都係第一對好.

買完鞋即刻飛去灣仔, 又係食名將. 食次有十個人, 不過因為冇位, 所以就分開坐. 今次食得唔係咁開心, 眼前行過o既壽司都係o個幾款, 三文魚都少見, 一見到就係咁搶. 但係玉子就冇出現過...

跟住就去行人山人海o既花市, 由十一點幾行到兩點幾. 中途買左 d 無謂野, 特別係自己砌o既模型相機呢~ 不過代表雞年o既野就一件都買唔落, 因為賣相真係唔吸引. 佢地話我今手好豪氣, 其實不嬲都係咁豪, 扮有錢佬架啦.

行完去老麥食野, 食野就返 hall... 返 hall 要先去將軍澳, 但係去將軍澳o既車就一架都冇, 反之, 去筲箕灣o既就係咁黎. 最後做左個決定, 就係返屋企喇. 的確係唔錯o既決定, 返屋企四點都未到. 但係聽日十點半要上堂喎.

05 FEBRUARY 2005 - 決斷力

今日都算準時, 去上堂. 個 professor o係澳門大學教書, 所以淨係星期六先可以過黎科大教書. 咁就要我地星期六上堂喇. 咁即係年初四都要返學啦~ 有 d 慘情喎, 經過商量後, professor 話下星期唔上堂, 之後講快 d 追返.

落左堂就即刻返屋企, 返屋企之前就陪家姐買相機, 揀左唔係好耐, 已經決定到買邊部, 而且即刻買埋, 好有決斷力. 不過比我就唔會買呢 d 傻瓜機喇. 返屋企o棄到夜晚, 就去踼波喇.

踢完波就去打邊爐, d 食物一係叫極都唔出, 一出就多到嚇死人, 最後都食唔晒, 希望佢地會收返啦~

04 FEBRUARY 2005 - 不屑

今日上一科 elec001, 都幾悶, 但係終於見到一個叫 emily o既 TA, 聽講好多人唔 take course 都要去 sit 堂, 就係見呢個 TA. 跟住就冇野做, 試玩划艇機, 因為 rowing soc promote 緊, 只要一分鐘過到三百幾米就有野送. 我都係過唔到. 玩完就食飯, 食完飯又上 atrium, 呢排 promotion period 好多野玩. 去到 chemical engg o既 counter, 見到佢地好多 canon 野, 仲有 d 菲林筒, 攪到我以為係攝影學會. 睇見"化工人"派 canon 野真係好不屑, 佢張 poster 送到比我, 我話"我有成疊都唔要"...

跟住我走左入 library 借書, 最近神經失常, 見到商務又要入去行一轉, 又入 library....

有個跆拳人打黎問我打唔打大專盃, 諗都唔洗諗我就話唔打, 因為真係未夠班.

到兩點鐘又上堂, 個助手居然連地方都攪錯左, 笑...

之後做左半個鐘 project, 就返 hall o棄下, 打機, 訓覺, 食飯... 為左聽日o既一場波, 今日我冇去練跆拳, 我知練完聽日會行唔到. 仲有聽日有得考帶, 都去唔到了.

今日係星期五, 但係聽日又要上堂, 有 d 唔慣. 星期一有 day-off, 但係星期六要上堂, 即係都係返五日, 但係星期一唔可以o棄, 要做 project.

03 FEBRUARY 2005 - 飛的

竟然起到身, 竟然冇遲到, 但係都唔係咁留心上堂, 因為講o既野太悶喇, 呢科係 ieem o既 required course, 冇聊的. 最後都係冇心機聽, 訓左.

落堂之後又去 sit 堂, 我本身 enroll 左o個科都唔上, 走去 sit "art of thinking", 雖然係 zero level o既 course, 但似乎都唔容易. 不過應該學到野.

跟住又係去 sit 堂, 今次 sit 一科 globalization. 最賤格o既係, 呢兩堂我都幾留心聽書, 冇訓過覺. 而 core course 就冇心機聽.

做一陣 project, 食個 tea, 跟住就去開會. 開會進度頗慢, 攪到我唔能夠八點走人. 本來約左阿成佢地食飯, 今日阿成生日. 今年又係阿成請客, 上年都係咁. 在桌上除左吹水, 仲有就係講下返工o個 d 野.

食完飯冇理由冇下場, 咁就去食糖水, 但係又搵唔到地方落腳. 最後去左"樓上 cafe", d 咖啡好正, 不過真係貴, 貴過 starbuck. 今次研究o既係讀 part-time degree o既問題, 原來讀一個 credit 要 $2100, 減左 credit transfer, 個 degree 要十幾萬! 好貴好貴. 第二樣要研究o既問題就係邊個 waitress 靚 d.

跟住就係一戇居o既情節:
要由旺角返科大, 阿成就教我上左一架去觀塘o既小巴, 去到彩虹落車... 我就叫司機叔叔到站叫我, 但係我坐o係最後一排. 佢最後都冇叫我, 佢話我訓左, 我邊有訓呀... 又問我點解唔坐前 d, 咁前面冇位嘛... 講多無謂, 祝佢行衰運.

咁我就o係觀塘搵車去坑口, 但係都搵唔到. 跟住阿 roy 打黎問野. 佢話都係"飛的" 去彩虹好 d, 咁就聽佢講啦~ 最後都返到去, 唔死得.

02 FEBRUARY 2005 - 高手

今日上十二點堂, 但係我差 d 都唔知醒. 上英文堂, 例牌齋坐等時間過. 上完堂已經兩點, 咁就食 tea, 食完就做 project. 做左一陣, 就o係 lab 同人玩 AOC, 佢地都係高手來的, 值得學習.

玩到就黎七點就去 sit IEEM society o既 EGM(extra- ordinary general meeting), 我未黎過呢 D 場合, 同攝影學會o個 d 當然係兩回事. 佢地認真好多, 睇衣著已經知道. EGM 期間, 只有幾個麻煩o既 year 3 o係度問長問短, o個 d 係上莊o既 ex-co, 自己都做得唔係咁好, 仲夠膽黎問長問短, 真係勇氣可嘉!

EGM 完左, 好彩仲趕得切食 PIZZA, 突然想食 pizza. 咁就食 pizza bird 啦~ 食完返去就係玩~~ 睇埋波, 已經五點幾了, 做多陣 project 野, 已經六點幾. 九點幾又要再起過身.

31 JANUARY 2005 - 開學日

本來想八點幾彈起身 sit 堂, 點知都係唔願起身, 咁就訓到十一點幾喇... 食完飯又做 project. 今日係"開學日", 但係我都仲未上過堂....

到六點半我先去上今個學期o既第一堂. 去之前心情有 d 緊張, 因為呢個 course 會同 d postgraduate 一齊上. course title 係 gender, development and fertility.

聽完個 introduction 之後, 我大概都已經心裏有數, 我唔會讀呢科, 個 professor 要我地每個星期睇兩份 reading, 上堂返黎做 presentation, 仲有成個學期要交五篇文.. .冇測驗考試... 最大問題係我對個 topic 興趣唔大. 講黎講去都係講出生率.

希望聽日上o既另一科 sosc 會好 d 啦~