30 DECEMBER 2004 - 比獸醫更差

由夢中被嘈醒, 有人叫我去睇醫生, 媽早早就去左診所掛號. 公立醫院的醫生給我的感覺不是太專業, 口中只會掛一句:"食左藥睇下點先", 診斷的態度比獸醫更差.

回家就立刻抱頭大睡, 這次的藥像是有些少效用. 看著麥當勞的廣告, 恨不得立刻到麥當勞嘗試新出的漢堡.

天氣越來越冷, 元旦日還要北上祈福, 當地的氣溫可能只有三度!

下一個學期, 每個星期六都要上課! 哀哉!

29 DECEMBER 2004 - 老毛病?

尋晚都知, 今日有 grade 睇, 係咪因為咁, 所以尋晚訓唔著, 今朝未到十點就自動彈起身呢? 老毛病又發作了嗎? 呢科 ieem230, 成績比想像中還好! 但是付出的勞力真的是小.

中午表哥來訪, 我跟他討論宿舍的問題, 他說中大的情況更壞, 就算是研究生宿舍也不見得很好...依他所說, 科大的宿舍已經是很好了.

下午獨自研究 age of empire 2, 身為 ieem 的學生, 居然想不到如何提高工人的生產效率, 真是丟臉!

晚上到馬會診所睇街証, 點知又已經滿額, 明天請早吧.

聽日佢地去燒烤, 我一話想去, 媽已經大怒了, 那不去就不去吧.

28 DECEMBER 2004 - 無言

全日留在家中, 甚麼也不想做. 本來諗住返 hall, 但係身體又唔係好舒服, 咁就算了吧.

冇野做就會想訓覺, 夜晚七點幾訓到差唔多十點. 醒返 check email, huma 281 個助教 send email 比我地. 成績比想像中差, 我上呢堂都好留心下, 又唔會訓覺, 又唔會走堂. 最後得到o既就真係得知識. 最慘就係比我知道呢個 professor 係派 grade 的, 而又派唔到落我手上. 無言.

黎緊呢幾日應該有成績睇喇, 些少緊張. 有待.

27 DECEMBER 2004 - 得個恨字

我都算係準時去到旺角, 跟住就一齊去何文田, 今次應該係第一次踏足何文田... 但係我隻腳唔生性, 呢個時候舊患復發, 唔係咁跑得郁... 踢完波, 十點幾, 又出返旺角, 佢地去食好野, 我就返屋企, 個肚唔爭氣.

返屋企坐一陣, 就起行去又一城, 節日孤星們繼續歡渡聖誕. 行程o既第一程係去城大o既學生宿舍, 阿禮朋友o既宿舍, 太正了! 真係太正了! 宿舍環境太好了! 起碼個廁所, 唔係成層樓 share, 而係兩間房 share, 呢樣一早都聽過, 但係實際係點, 今日就第一次見! 大家o係o個一刻都有後悔冇揀城大, 而貪慕虛榮地揀左科大. 睇完都係得個恨字. 算了吧.

既然都冇機會o係度讀, 大家即時想到 post grad 大計, 瘋了.

跟住就去城大個 canteen 食野, d 茶餐真係低, 但係我都係無福消受了.

跟住終於到今日大家出黎o既目的, 其實係想o係又一城影相, 擔子就落在我身上, 但係我今日頻頻失手, 即係歌都有得唱, "難道沒練習太耐 感覺都追不回來". 技術退步了, idea 還有的, 有鏡就可以發揮了.

同同學仔去影過相, 都係未同媽影喎, 姐又好似冇左件事, 唉~

返屋企又訓左一覺, 生理時鐘繼續混亂.

26 DECEMBER 2004 - 星期幾?

訓到差唔多五點先起身, 五點幾食野, 唔知食緊早餐, 午餐, 定係晚餐... 到十一點幾, 唔知食緊晚餐定係宵夜...

聽朝八點要到何文田踢波, 諗住早 d 訓, 兩點幾就訓, 點知又訓唔著, 個肚又唔舒服. 我的生理時鐘亂得很!

放假放到慒左, 幾乎今日係星期幾都記唔起.

25 DECEMBER 2004 - 打邊爐

還以為我會睡到三時多, 誰知未到兩時我便醒了, 接著就就是去飲茶, 感覺就像不久之前才去過飲茶, 事實上應該有一段時間我沒有去過了.

飲茶過後, 就到附近的家居用品店找花灑頭, 家中的花灑頭真的很壞, 射出來的水完全沒有力的.

都未找到, 我又去了理髮, 理髮的環境總是讓我想好好的睡一覺. 剪了髮, 又繼續找花灑頭, 最後買了一個樣子蠻討好的.

回家, 開了新安裝的舊遊戲, 玩了一頓, 就去了表妹的家打邊爐, 又是打邊爐... 像是今個月的第四次了! 第五次即將來臨.

24 DECEMBER 2004 - 油尖旺漫游

今日係平安夜, 約左阿 roy, 阿禮佢地一齊出黎食飯, 順便感受節日氣氛. 由旺角行到油麻地, 由廟街街頭行到街尾, 再由街尾行返去街頭, 搵間食煲仔飯o既地方食飯, 又行返去旺角. 無無聊聊的, 就是三個節日孤星的節目.

經過途中見到好多相士, 有 d 話"能知你貴姓", 其實我都有 d 意慾去比佢"指點迷津", 但係, 都係算了吧. 唔知好過知o既~ 又諗返上年o係車公廟求o既一支簽, 講到事事順利, 或者冇病冇痛, 仲未死得, 其實已經係順利...

跟住阿詩, cathy, queenie 加一個阿崔. 咁三人行就變左七人行喇. 由旺角行去尖沙咀, 都係想去海旁影下相, 但係又封路喎, 行下行下最後去左"糖朝"食野. 食完野已經係兩點幾, 跟住都係要行去尖東海旁, 文化中心一帶聚集左好多青少年, 一班人圍圈咁坐, 佢地真係冇事搵事做, 係唔捨得返屋企, 坐到"挫d" , 飲酒. 十個有八個都係, 左手提著一口香煙.

之後經過一個商場, 同大熊仔影下相, 咁今日o既油尖旺漫游都接近尾聲了.

返到屋企四點幾咯! 即係我o既生活未有因為學期的完結而回復正常.

23 DECEMBER 2004 - 一齊傻

今日同一班同學仔去 christmas ball, 事前我去左買衫, 都係時候比藉口自己去買衫喇~ 平日除左新年, 我幾乎係唔會買衫的. 是是但但買左 d 衫, 有諗過去連鎖店買, 但係又覺得 d 款齋齋地. 屋企真係冇衫著咩? 有, 有幾年"吊手" o既衫, 加埋攝影學會件 ex-co jacket... 仲有好多長袖衫都搬晒返 hall...

買完衫, 跟住就 join 佢地食野, 跟住就去 ball 喇, 呢個都唔應該叫做 ball 了, 叫 mini-concert 比較恰當, 又或者只係我地誤會左佢係 ball 而已.

過程中, 周圍o既一班"大專生"的情緒都很高漲, 大專生就是這樣的嗎? 跟尖東海旁的一群無業青年分別不大.

方力申都是表演嘉賓, 我不喜歡他唱的歌.

事後大家都冇意思散場, 諗住去銅鑼灣落 pub, 攪攪下變左食糖水, 由於選擇唔多, 唔係個個都有叫野食...

跟住去尖沙咀睇燈飾, 去到尖沙咀食老麥, 我覺得好攪笑, 專登黎尖沙咀食老麥... 唔緊要啦~ 一大班人一齊傻o既就會變得唔傻. 好彩好多人都哨左o者~ 一大班人去到就真係沒趣...

漫遊被橙色街燈照耀的尖東海旁, 吸入新鮮的海風, 口中談的是都無聊的話, 也是一種樂趣吧.

回家已經是三時多了.

收到一個 email, 有一科 ieem550, 有機會去外國喎~ 我好唔好又報呢?

有些事真的不吐不快, 但是, 真的說了, 又如何? nothing will change.

今日看了一位同學仔的 info, 有一句很禪的說話:
"勿以善小而不為, 勿以惡小而為之", 玄!

點解今日又會寫返白話文? 唔知...

22 DECEMBER 2004 - 沒有甚麼好看的

醒來已經是一時多, 吃過媽煮的飯, 久違了! 之後就陪媽去醫院, 接著的一個月都幾乎每日都要去醫院... 幸好有親友們幫助...

回家後又睡了一覺, 吃過飯, 不知有甚麼好做, 就坐著, 看電視. 欣賞新安裝的銀河衛視, 沒有甚麼好看的...

21 DECEMBER 2004 - 直問直答

睡了不夠五小時, 我又到"拉把" 繼續衝次! 還害怕考試的題目會是一些需要攪盡腦汁, 令我啞口言. 誰知只是一些直問直答, 這個就麻煩了, 太容易的話, 平均就會高... 過程總算順利吧. 不過我的中文字跡相當差, 希望 tutor 不會介意吧.

考完試, 很輕鬆! 吃個下午茶, 就返回宿舍, 玩! 然後再執拾東西, 實在太亂了! 今日是冬至, 我回家吃飯了, 像是很久沒有回家, 幾乎兩個星期了!

回家前到城大走一趟, 要還書, 累到了! 真的累死了, 但是乘車期間又睡不著. 路途真的很遙遠, 我像是很久沒有乘車了.

回到家, 又是"打邊爐".

之後就是不知做甚麼的時間了. 心情很輕鬆. 還是早點睡覺吧!

20 DECEMBER 2004 - 造出了新的時間!

只是睡了四個多小時, 我又要起床作戰了! 不是溫習, 而是為 ieem 230 的 project 努力. 這個"組長" 真的不容易做...看見阿禮, 阿詩吃老麥, 我也很想吃! 但是沒有甚麼胃口呢, 而且聽說吃油膩的東西會影響腦部的轉速. 我還是吃了個蛋糕, 飲了一支葡萄適. 這幾天都有飲葡萄適, 能力像是真的提升了!

到了試場, 翻開試卷, 跟想像中的有很大的差別, 不是 straight forward 的代公式, 而是需要思考的題目, 很好! 我不喜歡平均分太高, 不管我在上游還是下游. 時間真的很緊迫, 三個小時幾乎用盡了. 我想是疲勞過度了, 眼睛連對焦都有問題, 映像有些少的矇糊.

考試過後就要補充體力, 之後又要為 ieem 230 的 project report 努力. 幸好有 groupmate 們替我執手尾, 雖然不是全部, 但我已經覺得不錯了. 接著的時間就拿著一些關於老莊哲學的書本看, 有些真的是百看不明. 溫習的過程不算太苦悶, 因為我對這些東西都有一點興趣. 沒有吃飯, 直到十一時...

到 seafront 吃個車仔麵. 接著的時間也是到 seafront common room 繼續溫習. 今次有四個人, 有我, 帶我入局的阿鈞, johnny 和一位 mainland exchange. 阿鈞和 mainland 同學兩時多就離開了, 而我就繼續溫習至五時! 成功地造出了新的時間! 幸好今次是最後天次了. 起碼今年不會再這樣.

mainland 的同學仔態度很認真, 他明天考的 ieem201, 他說"不容有失" 事實上, 他考到甚麼成績, 結果都是一樣的, 而他就抱著這份要好成績的執著, 服!

組仔 roy check 了 ieem115 的 grade, 看來像是不太接受這個成績, 還問及我他的表現如何, 事實上我是不知的, 不過從各方面收集回來的資料, ravi 都不是一個好 grade 的 professor.

19 DECEMBER 2004 - 一個星期都是這樣的過

星期日的上午都是 fyp 的時段, 吃過飯後又要到我的基地 - "拉把", 繼續溫習, 明天考的是 open notes 的, 所以就要更加仔細地看, 更加深切地明白個中的道理. 如是者就到晚飯時間, 又到十一時了... 但是我還沒有溫完, 幾個人一起到阿禮的房打擾打擾, 到一時左右. 一入到他的房, 看見他在打機. 根據 mid-term 的機會, 考試前一晚還有時間打機的, 都不會高分, 甚至最高分的如是.

接著的時間又是到 seafront common room 繼續努力, 離開時已經是四時許.

一個星期都是這樣的過, 活在緊張, 壓力, 不過知道自己應該做甚麼. 快點考完試吧! 期待星期二的來臨.

18 DECEMBER 2004 - 選擇了玩

早早就起床了, 要繼續溫習! 但是都提不起精神, 一邊溫, 一邊睡, 起床又出門口了. 很大壓力, 好像甚麼都記不起. 對著 econ 的試卷, 起初有點害

怕, 因為有一些不明字眼出現, 幸好, 慢慢也記起是甚麼一回事. 到了兩時三十分, 考試便完畢了, 總算滿意吧.

接著就是醫肚的時間, 這幾天的肚子都不舒服, 今天像是沒有事, 就是因為緊張嗎?

到了三時多, 又繼續戰拉把, 幸好阿禮替我準備了貓紙, 剩餘的時間就是熟讀貓紙! 考試期間, 我開始感到疲倦, 有一些不想做的感覺. 不知結果是

怎樣, 不過還可以吧. 接著的時間就是吃飯, 我們一起吃鐵板餐, 像是慶祝考試完畢. 大家提及到海洋公園, 聽到已經腳軟了...

本來有一大堆計劃, 要做功課, 要做 fyp, 要溫習... 但我選擇了玩. 連續數天的折磨真是太辛苦了, 一邊溫習三科的考試內容, 同時又要做 fyp.. 我不

是應該休息一下嗎?


如果看見一些事情會令你憤怒, 大可以選擇不看, 但是, 如果執著地"不看", 其實就是對這些事情的執著. 這是愚者的所為!

17 DECEMBER 2004 - 出得黎行, 預左要還

時間真的不夠, 我也不敢貪睡, 明日要考兩科, 心裏的壓力很大! 吃過午飯, 就跟 IE 的同學們摺"拉把", 幸好明天考的第二科容許我們帶貓紙, 其實隨便溫習便可以了, 但這不是我的作風. 所以速度不高. 到了三時許, ERIC 考完試, 一起到 hp lab, 又是 FYP 的時間... 直到六時許, 幸好中途也有繼續溫習.

繼續溫習, 時間越來越緊迫了, 但我也沒有力快步伐, 因為加快了, 就學不好. 不斷給自己 DEADLINE, 每次都達不到! 直到十一時, 拉把關了, 我才完成第二科考試. 幸好同學們替我打理貓紙的一切. 之後的時間又是到 seafront 的溫習室, 繼續"燃燒"! 到了三時許, 總算達到目標, 但是又不累. 可是最後我都是選擇返回宿舍休息了.

一個人在 seafront common room 的感覺真是不錯, 環境很清靜! $1.9 是我的原動力, 看著它就像充了電一樣. 太強了!

這個 sem 我風光地 take 20 個 credits, 就做成今天的狼狽了. 見識到"出得黎行, 預左要還!", 相信甚麼事情都是這樣.

16 DECEMBER 2004 - 我太強

約了 TA 問功課, 問的不是考試的內容, 而是 FYP 的東西, 計的只是一堆力學. 有人問及我為甚麼甚麼都是我做, 我只好苦笑說:"我太強, 我比他人強.". 吃過午飯, 又繼續計那些騎呢的數. 到三時左右又找 dr. so 聽他人問功課, 有用的! 那科要下一個星期一才考呢... 我像是視星期六的兩科考試為無物. 接著的時間就像平日一樣, 溫書, 聽到圖書館準時在十時三十分的 announcement. 然後返回宿舍...

時間像是不夠我去應付兩科了! 今晚開夜車, 到 seafront 的溫習室繼續努力! 直到三時左右. 溫習前買了車仔麵, 晚飯真的不夠飽.

15 DECEMBER 2004 - $1.9

慘情, 考試期間還要為 project 操心, 十時半便要到旺角集合, 到新填地街逛逛. 原來鋁材的價格也不便宜, supervisor 只願提供 $2000, 看來不夠了.

返回學校, 第一件事是找醫生, 我問接待"是否可以揀醫生?" "我不要男醫生!". 醫生說我的肚裏像是很多氣, 開了藥, 希望有用吧.

做了一回兒 project, 就做 survey, $50 真易賺! 之後就繼續做 project... 之後就是繼續溫習了! econ 這一科真是沉默到極點! 看著三十頁的 notes, 不明白的地方又不多, 但是要我背出來我又不能! 反覆地看數次, 應該應付得來的.

很不容易地找了九毫子的零錢, 在加一個一元, 把 $1.9 放在桌上, 每次看著 $1.9, 就會繼續留心地溫書. 雖然這個目標不容易達到, 但是如果沒有目標, 那會有原動力?

拉把依舊十一時便關閉了, 我跟書友們依著平日的步伐離開, 經過 bridge link, 這次沒有即時返回宿舍, 而是找了溫習室繼續努力! 這個溫習室沒有圖書館理員巡視, 我可以吃蘋果了. 哈哈~

返回宿舍, 又是 winning 大戰.

不時都覺得自己很倒楣, 在甚麼方面都是! 也許讀書方面不是吧.

雷教授的notes 提及找配偶的問題, 他認為只要找到一個差不多的就夠了, 雖說繼續找有機會找到更好的, 但是代價重 (costly). 冇乜意見...

14 DECEMBER 2004 - 再次令我心寒

十一時左右便起床了, 明知不夠精神, 我也知我不可以再貪睡, 因為目標明確. 肚子空空, 拿起桌上的一包梳打餅, 再次令我心寒! 我手上吃了一半的餅乾, 居然有數隻螞蟻爬來爬去! 我不知我是否已經把牠們放進口裡... 開始溫習吧. 時候不早, 那就吃過下午茶.

今天我也約了 dr. so, 但是我還未開始溫習, 但我又不想放飛機, 只好隨隨便便地找一些問題吧. 過程是: 啞口無言.

之後就返回我的基地(拉把)繼續努力, 一份兩三頁的 notes, 竟然用了半個小時來看, 真是有很多需要思考的地方. 一邊溫習, 中途又打瞌睡... 時間就是這樣過去了. 溫書時, 無聊地跟 johnny 討論下一個學期 take 那一個科目, 都談到 take sosc 的 course. 看來我要為我的 gga 努力, 只要好過 c- 便可以了!

我的老毛病又發作, 突然又失落起來, 像是精神病, 哈哈. 回到宿舍, 主要的工作都是: 玩!

拉把十一時便關門了, 看來我要想辦法利用十一時後的時間繼續溫書了!

13 DECEMBER 2004 - 漸漸記起...

很久沒有試過七時多就起來! 其實環境可以改變一切, 要考試又那會敢不起床...

考試過程總算順利, 但事後就知有一條題目做錯了! 答案沒有錯, 就明用錯了方法. 希望屠夫刀下留分吧. 這份試卷太過淺了, 淺得過份, 我的反底大計大概泡湯了.

吃過飯, 回到宿舍, 就是放縱的時間, 玩了很久沒有玩的三國誌, 還安裝了我最喜愛的 winning, 希望不會中毒吧. 只有考試期間才會這麼輕鬆. 中途停過一段短的時間, 因為要找 dr. so, 聽 judy 問功課. 在旁默默的站著, 已經獲益良多了.

時候不早, 就跟阿禮去買打邊爐的材料, 目標都是肥牛, 蔬菜, 是不是太過齋呢? 哈哈~

吃了滿足的一餐, 時間已經是十二時許, 繼續精彩的一天, 就是打 winning! 跟同房大決鬥! 我心目中的"超級電腦"(即我的電腦), 玩起來也不是很暢順, 都是因為沒有一張顯示卡.

明明是累得快死, 也要繼續玩, 貪玩才是我嘛. 漸漸記起星期六有兩個考試, 緊接的就是星期一, 二, 其實我沒有本錢玩足一日呢.

12 DECEMBER 2004 - 無心戀戰

目標很鮮明, 所以要做的工作都變得很明確, 就是溫書, 去 library 溫書. 雖然真正開始已經是三時左右, 還不算遲吧.

隻身步入"拉把", 遇到肥仔傑, 我在反覆地細閱已經陪伴我三日的一堆 notes, 功課, 他就不務正業, 在準備明日的貓紙. 他手起刀落的, 把已縮印的習作貼在一張 a4 紙上.

反覆地溫習的過程真難捱, 所以一邊在溫習, 另一方面已經憧憬著考完第一科的情況, 以及慶祝活動. 我們計畫明天晚上打邊爐, 主攻肥牛!

吃過晚飯後, 繼續在拉把溫習. 一同溫習的書友們都無心戀戰了. 一起在十時半左右離開了.

回到宿舍, 繼續溫習, 繼續準備我的貓紙. 想不到三時半還未能睡覺.

10 DECEMBER 2004 - 怒目

一起身就去長沙灣交 form, 比人彈左 form, 原來家姐手快快, 填錯 form... 填錯野... 個簽名又唔得. 我怒目左o個個 officier 好一段時間. 所以我明白點解會有塊野隔住我同佢.

返到科大, 食完飯, 去 library 溫左一陣書, 又出去貼 poster, 繼續去 library 溫書, 跟住就食晚飯, 又返去溫書, 溫到十一點...

返到 hall 就唔係溫書. 溫得o棄. 特別係同源哥溫呢~ 跟住走左去同佢打 winning...

11 DECEMBER 2004 - 效率奇高

起身食個麵, 就去 library 溫書喇. 溫溫下, 又訓左一陣, 又溫, 又訓左一陣... 跟住食飯, 再溫, 再返 hall...時間唔長, 但係o係library 讀書係好入腦的, 效率奇高, 兩日都係同 johnny, 加埋佢一位 ecof o既書友一齊溫. 呢友書友有 hall 3 winning 王之稱喎.

又同源哥溫, 佢都係太過鐘意吹水喇, 而且好執著, 係諗唔到唔肯擺休o個隻, 佩服. 臨走前又打一陣 winning 先~

09 DECEMBER 2004 - 難服侍

supervisor 約左我地兩點, 兩點去到, 又唔得閒, 到兩點幾, 第一句: what is the agenda? 我地答 "drawing", 佢話 "go to check the email" 跟住我地 check 緊o既時候, 佢已經走左了... 返到黎再睇返個 email, 冇問題喎... 跟住就拎個 project 出黎, 冇野搵野鬧, 佢問我野, 我o既回應多數都係好似唔明咁. 佢問我係咪聽唔明佢 d 英文... 其實係聽得太清楚, 佢咁都好問, 問點解呢樣, 點解o個樣... 所以反應就係呆左. 上次睇過幅圖都冇話有問題, 跟住又話有問題. 呢個人真係難服侍. 時間一直咁過, 就係咁, erecruit o既 $50 x 2 (有兩節) 就冇左喇...

最後 supervisor 話佢會根據我地o既表現去比分, 咁就真係唔知佢點比分... 佢係鐘意空想派, 定係實戰派呢? 哈. o係今日, 我諗呢個問題都諗左幾耐.

跟住就出去灣仔印 poster, 跟住就返屋企喇.

媽的身體唔好, 我返到去都係食即食麵. 返去最重要o既都係填借高利貨(non-mean )張 form.

08 DECEMBER 2004 - 耍樂的一天

十一點之後, 就正式上完今個 sem o既所有堂. 最後的一堂, 我都是跟周公一起過的. 上完堂後, 做左一陣 project, 返 hall 打左陣機, 訓左一陣. 唔知點解覺得好輕鬆. 跟住就出左去幫樓會買料打邊爐.

原本預計有二十人左右o既打邊爐, 最後十個人都冇, 得九個, 但係都唔係食剩好多野, 仲有肥牛任食! 食完之後, 本來想繼續做 230 o既 database, 但係 hall tutor 又話請食糖水, 諗住落樓下食, 點知佢車左我地出去坑口. d 野o既價錢都唔平! 我叫左一杯廿幾蚊o既特飲, 朱古力雪糕 + 香蕉 + 蜜糖 + 奶... 騎呢, 不過都幾好飲. 咁點解會車左我地出黎呢? 似乎心情唔係咁好喇. 眼有淚光...

返到 hall 左入左去 tutor 打 winning, 都玩到好夜.

07 DECEMBER 2004 - poster 設計師

今日開始做 230 個 PROJECT 了, 好彩 queenie 意見多多, 都好幫得手.

今日上左三個 course o既"最後一課", francis lui 繼續做一貫作風. 佢話佢周不時都會 check 下佢自己o既書o係圖書館o既借出情況...

第二堂就係老莊哲學. 講到莊子o既養生主, 就話莊子要o既係"精神"o既保存, 身體唔係最重要的. 我就話兩樣都係好重要的. professor 最後講左句幾好笑:"祝大家有個幸福快樂o既人生"

最後一堂就聽 professor lee 講佢o既經驗之談. 即係廢話啦~

跟住o既時間就係幫max 做lang o既 poster, 開會, 再幫 max 做 poster... 返到 hall 又係設計 poster... 今次幫 society. 總之我o既工作就係設計 poster...

忙裡偷閑, 打左一陣機呢~

06 DECEMBER 2004 - 像是很久沒有休息過了

今日有兩個 presentation一齊黎, 十點幾起身就開始準備. 但係背到十二點幾都係唔多熟, 結果點呢? o棄o棄地, 以笑遮醜, 過左. 估唔到我會比呢個咁o既 presentation 攪到咁... 跟住有一個鐘頭準備第二個presentation, 我用左幾個字去食野. 跟住淨返半個鐘, 就準備一個三分鐘o既 presentation. 第一個 presentation 係背 d 自己都唔係好了解o既野, 第二個 presentation 係講自己個 fyp. 後者明顯順暢好多, 雖然準備時間係好少, 但係效果好好多, 只係內容唔夠深入.

tutor 話我比人感覺唔夠認真, 大概係因為我全程都笑笑口. 呢個係個性, 冇法.

個肚唔舒服, 去左睇醫生, 今次好彩, 唔係睇于傑, 係睇另一個, 呢個真係好好多, 佢話我應該冇乜大問題, 咁我都放心 d.
講起呢個于醫生, d 人會問, 佢邊間畢業架!? 咪 Hong Kong U 囉...

夜晚原來諗住叫大家去 lg5 食飯, 又唔知邊個, 攪到全部人去晒 lg1... 咁遲先去, 係乜都冇得食o既, 呢樣冇, o個樣冇... 最後叫左個炒飯, 炒飯都要細過人, 失敗.

跟住繼續做功課...好像很久沒有休息過了.

05 DECEMBER 2004 - 殺到埋身

今日又去考帶咯. 一套只是練了幾日o既太極一型, 總算過得去吧. 考試過程都算係順利.

考完試同一大班人去食野, 返屋企, 訓覺.... 訓醒之後先記起自己有好多野要做! 聽日有兩個 presentation, fyp 有野做...

醒左之後就係咁做, 食完野又做, 返 hall 又繼續做... 直到四點, non-stop.

感覺到 d 野係殺到埋身, 要快 d 攪掂佢. 仲有兩個 presentation, 都未準備過.

04 DECEMBER 2004 - 3 on 3 足球

o係屋企就係訓到兩點幾三點. 食完野, 做功課... 滿枝姨帶埋佢個女 倩盈過黎探媽媽, 好似年幾兩年冇見喇,

夜 晚去觀塘踢波, 個場靜到...居然可以成晚都冇其他人黎踢波, 全個場得六個人, 咁就玩 3 on 3 足球... 天氣冷吧, 體力很快用盡, 還有肌餓的感覺. 所以踢完波就去打邊爐喇, 十一點幾先入去, 雖然淨係六十幾蚊, 汽水由飲, 但係 d 肥牛真係太少喇, 唔抵! 早知叫多 d 汽水啦, 原來一罐罐咁黎o既.


像是寫得不錯的文章:

男朋友和情人 - 陶傑

結 交 一 個 男 朋 友 很 容 易 ， 擁 有 一 個 情 人 卻 很 難 。 男 朋 友 只 擁 有 一 種 社 會 功 能 ： 他 陪 你 逛 街 看 電 影 ， 他 是 一 個 叫 人 心 爽 的 玩 伴 。 男 朋 友 是 冬 至 那 天 你 帶 回 家 見 父 母 一 起 吃 飯 的 那 個 不 知 所 措 的 蛋 ： 「 媽 ， 佢 叫 David ， 係 我 男 朋 友 。 」 然 後 ， 你 的 父 親 會 可 疑 地 打 量 這 個 腆 的 年 輕 人 ， 但 你 的 媽 咪 卻 笑 盈 盈 地 給 他 夾 上 一 條 雞 腿 。 但 情 人 不 同 。 如 果 你 只 要 求 他 提 供 衣 飾 上 的 意 見 ， 倚 賴 建 議 今 夜 吃 飯 應 該 是 日 本 壽 司 還 是 意 大 利 菜 ， 是 一 種 不 可 饒 恕 的 浪 費 。 因 為 情 人 不 同 男 朋 友 — — 他 不 是 與 你 並 肩 同 行 的 那 個 人 ， 而 是 根 本 成 了 你 的 一 部 份 。 情 人 是 傷 心 時 倚 靠 的 一 堵 堅 實 的 胸 膛 ， 是 傾 吐 心 事 的 一 口 願 望 井 ， 而 且 當 你 仰 在 荒 野 ， 寂 寞 而 恐 懼 ， 情 人 是 俯 護 你 的 那 一 片 星 空 。

男 朋 友 可 以 公 開 ， 情 人 卻 往 往 在 地 下 。 男 朋 友 的 功 能 是 陪 你 逛 公 司 ， 情 人 的 道 義 是 與 你 共 漫 步 在 人 生 的 長 路 。 男 朋 友 可 以 是 一 個 笑 嘻 嘻 、 三 十 歲 還 戴 Cap 帽 、 腳 蹬 一 雙 波 鞋 的 男 仔 ， 而 情 人 卻 往 往 穿 一 件 青 衫 ， 在 細 雨 霏 霏 中 遞 過 來 一 把 油 紙 傘 的 一 個 男 人 。 男 朋 友 是 一 種 Convenience ， 情 人 卻 是 一 個 Definition 。 男 朋 友 是 一 件 行 貨 ， 而 情 人 ， 啊 ， 他 永 遠 是 一 件 作 品 。 男 朋 友 ， 從 金 鐘 到 尖 沙 嘴 ， 只 不 過 是 人 生 路 上 的 一 個 地 鐵 車 站 ， 而 情 人 ， 無 始 無 終 ， 他 本 身 就 是 令 人 望 眼 欲 穿 的 天 涯 。

許 多 女 人 一 生 擁 有 過 無 數 的 男 朋 友 ， 但 其 實 從 來 不 曾 享 有 過 一 個 情 人 。 因 為 跟 男 朋 友 發 生 的 只 是 一 段 「 關 係 」 ， 跟 情 人 之 間 ， 卻 是 一 個 夢 斷 雲 天 的 「 故 事 」 。 每 個 男 朋 友 其 實 都 是 一 樣 的 ， 但 情 人 卻 是 萬 中 無 一 。 當 你 身 邊 的 丈 夫 雖 然 是 上 市 公 司 主 席 ， 精 於 紅 酒 和 高 爾 夫 ， 他 每 個 月 賺 的 錢 不 少 ， 但 他 開 始 令 你 感 到 無 趣 而 乏 味 ， 答 案 其 實 很 簡 單 ， 因 為 從 結 識 他 的 第 一 天 開 始 到 結 婚 的 前 夕 ， 他 只 是 一 個 男 朋 友 ， 原 來 他 從 來 不 是 自 己 的 情 人 。 男 朋 友 令 人 欣 喜 ， 但 情 人 往 往 令 人 悲 哀 ， 因 為 婚 姻 只 是 一 張 契 約 ， 而 真 正 的 愛 情 往 往 是 一 筆 孽 債 。 一 生 只 擁 有 過 一 位 男 朋 友 ， 他 後 來 又 成 為 你 的 丈 夫 嗎 ？ 其 實 值 得 恭 喜 ， 因 為 雖 然 無 從 由 痛 苦 中 品 嚐 過 歡 樂 ， 你 畢 竟 是 一 個 幸 福 的 小 女 人 。 陶傑

03 DECEMBER 2004 - 輸了比賽, 嬴了團結!

今日工學院玩扯大纜, 我地 ie 都有份, 但係比 mechanical engg o既人好快咁攪掂左喇, 就算我地出鬼佬, 但係人地成班龍舟人... 我地輸左之後好似嬴左咁開心, 真係好得意! ie 精神, 不過 mech 人真係有個勢, 人地比我地團結好多好多, 呢樣我好欣賞.

跟住我就去左 barn b 做野, 又係一個人做 group project... 有時諗, 係咪我霸住 d野唔比佢地做呢? 定係佢地都冇心做, 全心 free-ride? 不過車有呢 d 人架啦~ 乜都我做晒的話, 佢地就冇機會學架啦喎. 是但啦, 唔迫, 想做就做, 唔想做就算數.

超級眼訓地去跆拳o既 team recruitment, 入唔入到都唔係咁重要, 入到我都唔會出去打比賽, 其實最想都係練好 d 體能, 可能去跟龍舟隊訓練會好 d... 是是但但咁就過左啦~ 不過我咁o既表現, 入到就真係偷笑咯.

今日加操到十點幾, 食完飯就十一點幾喇. hallmate + 跆拳 mate 冇房入, 入住我間先, 拎起佢部電話, 睇下有乜歌仔, o車, 一大堆方力申... 厭惡!

跟住就返屋企喇, 媽今日出院.

繼續領悟 "五色令人目盲, 五音令人耳聾..."

02 DECEMBER 2004 - 冇結論

心寒! 我發覺我間房好多螞蟻! 應該都係我食野, 有餅碎啦~

最嘔心係我發覺我著住o個件 jac, 有 d 蟻行黎行去... 原來口袋入面有包 pack 得唔好o既餅. 有人叫我洗左件衫去, 有人話洗黎都冇用, 真係唔知點好... 下晝應該用黎食野o既空檔, 我冇食野, 去左打羽毛球, 我地人少, 有位同學仔過黎踩場, 佢好勁呀! 我睇得出佢讓我, 原來佢係代表 cs 打系制羽毛球o既!

roommate 話擺低佢, 等佢自己走啦~ 冇法架啦~ 我諗都係咁喇...

queenie 又話我唔 gentleman, 我的抗辯係自然, 不造作, 我不喜歡造作, 出於自然就最好, 要有自然會有, 在我來說有指有需要, 佢o既反駁就係習慣成自然, 平時唔練定第日點會有... 冇結論.

最討厭就係造作, 虛偽, 做一個雙面人... 不知不覺間, 其實可能我都係咁.

01 DECEMBER 2004 - 擔大旗

走左第一堂, 訓左三個半鐘, 又要返學咯, 上堂都係訓訓下o者. 今日去左 lg1 飲茶, 狼吞虎嚥地食完, 咁就去見 supervisor, 佢唔係咁滿意喎, 話比多個 deadline 我地攪掂佢. 心知不妙了, 又係我擔大旗...

返 hall 訓左一陣. 半睡半醒的情況下, 我聽到遠處傳來舞獅的聲音, 原來 hall 3 有乳豬宴 function. 醒來就食飯咯, 食完又做功課... 好彩今次份功課都算係淺. 不過我都係慢慢做, 做到好夜.

30 NOVEMBER 2004 - cad 神

住 hall o既同學要參加一個叫卓賢匯o既飯局, 有關機構會請 d "成功人仕" 同我地一齊食飯, 咁大家就要傾計喇. 我不幸地坐左張 english speaking o既台, 唔係聽唔明佢地講乜, 不過佢地講o既野我真係冇乜經驗, 佢地講乜野呢? 好家常o既廢話. 我個 guest 係 d 人力資源公司o既分區經理. 我問佢讀 postgraduate o既問題, 好自然佢就會將話題轉向 mba... 我係想講 Msc, MA, o個 d喎.... 咁鐘意 mba, 去打 nba 啦~ 哈哈~

返 hall 就開始我燃燒的生涯, 係咁對住個圖改呢樣, 改o個樣, 最後將個 3d圖由 autocad 放落 solidworks, 變做2d 圖之後, 又將佢變返做 autocad... 直到六點... 三點幾搵阿源教我用 solidworks, 代價係三塊 oreo.

點解會得我一個人做呢? 其他人唔識嘛... 咁如果乜都唔識, 咁咪乜都唔洗做, 可惜我唔係乜都唔識呢.

經過今日之後, 我再一次肯定自己係一個 cad 神了...

29 NOVEMBER 2004 - 日子有功

29 NOVEMBER 2004

今日基本上係冇上過堂, 全部都唔洗上o既. 今日見 supervisor, 佢睇落都滿意我o既 3d drawing. 算係過到骨啦~

夜晚全靠 suki 幫我搵到一個讀 human o既 post gradute, 品評下我o既文章. 佢話我文筆都算係通順喎! 可能成日寫日記.日子有功吧~ 要改o既野唔多, 可能佢對道家都唔係咁熟悉呢~ 呢個幾好人o既 pg, 其實就係暑假 kill 阿禮o既 tutor!

返到去繼續改文, 改完就搵阿源幫我裝 solidworks, 呢個衰人都算係咁啦~ 幫我試左好幾次, 最後要裝返 2003... 代價係一個杯麵...好夜訓...

28 NOVEMBER 2004 - deadline!

一起身, 食個即食麵, 就開始繼續燒書, 搵下有乜野地方有抄考價值o既地方, 途中不斷set d deadline 比自己, 點知次次都 meet 唔到. 時間耐左, 鬥志就弱左, 越黎越冇心機作. 不過一開始作o既時候, 就發覺二千五字唔係咁難, 隨便寫已經五百字咯. "無為", "不執著", "不執滯" 呢 d 野, 寫我就識寫, 但係我就達唔到呢個境界咯. 如果有幸領略到, 就真係唔錯.

夜晚就食車仔麵. 跟住又繼續作.... 直到三點, 太慢了! 比預期中慢了一大截!

如果早 d做完可以做下 project d野嘛, 好似一腳踢咁...

27 NOVEMBER 2004 - 口說一套, 心裏卻想著另一套

去完表哥屋企拎幾本老子o既書走, 返屋企一陣, 又出左去, 今次去醫院, 媽的精神還好, 不過都係唔知乜野事, 但係大家都會估到係乜野事, 把口可能會叫你諗樂觀o既一面, 但係大家都係朝向壞的一面...

跟住同一班親友們去食飯, 跟住我就返 hall 喇. 媽又唔o係屋企, 咁我都唔想返去咯, 反正又要寫essay, 返 hall 啦, 不斷地比理由說服自己.

返到 hall 訓左一陣, 訓醒就搵下 max, 咁就同佢吹水起來, 原來佢都可以好好傾o既, 攪到曼城場波睇得幾分鐘. 之後仲同阿 kim 玩左一局 winning.

再次返 hall, roommate 都未訓, 我就開始睇下老莊o既書, 準備我o既 essay.