26 NOVEMBER 2004 - 心謊

今日走左 ieem230, 一因為眼訓, 二不屑呢個 professor o既教學能力.

夜晚玩 team recuirtment. 做體能都總算應付得來, 但係 free fight 就重創了! 對住一個同我同級, 但係佢絕對唔係 begineer, 招招"手羅" 命. 攪到左手肩膀好痛. 其實玩 team recuitment 都係想呃個名o者~ 即係讀 degree, 名份o者.

夜晚就做 lang o既 poster, 一半係幫自己做, 一半係幫阿詩做, 佢就快要用, 我就仲有一個星期, 不過如果唔幫佢做, 我自己就唔會做啦. 做到五點幾...

呢幾日見到家姐或者親友o既來電, 個心就會謊, 我怕聽到壞消息, 一方面要自己向正面看, 一方面膽心著負面的. 上帝為甚麼要創造疾病? 相信家姐都答唔到我咯.

25 NOVEMBER 2004 - 很不公平吧

好像很多事情要想, 又要忙 FYP, 又要做幾份功課... 經常地, 我都讓自己獨自地上路, 所以壓力很大.

放學之後去開會, 一開就三個鐘, 太辛苦了. 要阿禮同阿詩等我成個鐘, 真係唔好意思喇.

返 HALL 都係繼續畫圖, 我篇 essay 一隻字都未寫... 對我很不公平吧.

24 NOVEMBER 2004 - 麻木了嗎?

媽媽入左醫院, 攪到我個心都亂埋. 不過都唔係第一次啦, 已經麻木了嗎?

下晝又見 FYP 個 supervisor, 佢話我地冇進度, 比一個星期我地攪返掂喎. TA 話想要 autocad 3D 圖, 方便解釋. 咁即係我做啦~ 其他人呢方便都幫唔到我. 好彩我訓練有素, 總算應付得來, 由兩點幾做到九點幾... 其實根本唔知佢地想要呢 d 圖, 知道的話一早就開始畫啦.

食完飯之後又要做 econ 份功課, 跟住都係繼續畫...

23 NOVEMBER 2004 - 還債

唔夠訓, 眼訓程度應該去到企o係到都訓得著...

放左學之後一行五人, 有我, 詩, queenie, max, 學而, 一齊出去食壽司, 順便還返兩個多月前欠下的債. 首先我地去左一個社區中心還野, 呢個社區中心係 max 細細個已經開始有去, 入面有佢 d 細路相, 幾得意的.

之後就去名將食壽司, 今次個位唔係咁好, 要自己行出去搵食, 冇晒迴轉壽司o既感覺. 壽司食黎食去都係咁上下, 冇乜新鮮感了, 新鮮只在一班同學仔出去食.

食完之後就去食糖水, max 帶路, 行左好多條街, 最後去左一間叫松記o既, 聽講好出名的, 不過我都係第一次聽... 入面d 野, 相對都係好出名o既滿記, 算係平咯, 而且款式新鮮好多!

食完就返 hall, 洗衫, 做功課...

22 NOVEMBER 2004 - 陸運會

今日係athletic meet 的第二天, 放學後, 我就去欣賞比賽, 其實有很多事情要做, 但都被我放下, 因為有很多 IE 的同學有參加比賽, 當中很多是我的

好朋友. 中途有離開的念頭, 但都被打破了, 沒有參加比賽的我, 可以做的只是默默在旁支持出賽的同學們. 連這樣都做不到的話, 我覺得很丟臉.

觀賞有熟悉的人參加的比賽, 感覺很特別. 不論你跟他的關係怎樣, 可能只是一面之交, 都會為他打氣, 不管跑第一的是誰, 目光總投放在他的身上.

最後我們雖然與冠軍無緣, 只有數面銀牌. 但是我們的反應比冠軍還要興奮! IE 的同學們因為這些銀牌團結起來.

比賽結束後一眾人到seafront 食晚飯, 情景就像慶功宴. 要為數面銀牌慶祝, 也要為大家的團結慶祝.

快樂過後, 便要繼續一大堆的工作. 這一堆工作令我產生了一些恐懼感, 帶來了一些不安...

21 NOVEMBER 2004 - 危矣

今日用左好多時間去訓覺, 訓到一點, 溫陣書, 食完飯, 又訓過, 訓醒又溫書. 係咁溫書都係為左準備 huma o個一篇文, 都未諗到有乜主題. 危矣.

20 NOVEMBER 2004 - 科大郊遊記

早早起身就同 johnny o係科大呢個富有現代建築感o既地方搵影點. 由蚊池開始, 跟住去方樹泉廊, pg 2, 再去 University center... 勉強都算係有 d 影得o既景點吧. 由 UC 繼續行入去 professor o既 apartment o個邊, 有條山路, 目的地係荷花池, 途中經過 d 好郊外 feel o既地方, 又經過幾個亭, 上o既又係山路, 極有行山 feel. 最後到左荷花池, 但係冇荷花的, 呢個都唔係一個好景點, 因為實在係遠. 食個飯就返屋企.

返企又即刻出門, 返柴灣 IVE. 剛畢業的師弟們都是三五成群, 而我就隻身上路. 都係想返去見下 d 阿 sir o者. 今年 show 出黎o既野比以前 hi-tech 左, 但係 d 師弟個樣就好飛仔.

返屋企訓個覺又出去食野. 家姐話佢以前o既一個同學仔最近去左 HKU 做 visiting professor, 都幾威喎, 廿五歲就做 professor.

19 NOVEMBER 2004 - 有得打

19 NOVEMBER 2004

順利地, 今朝起到身, 不過遲左少少, 唔重要呢~ 咁就 fulfill 到個 requirement 喇! advisor meeting 提及 ieem230 個 professor 好唔得, 唔知係咪因為我聽到呢句, 跟住我去上 ieem230 真係覺得佢講唔明. 心諗有 evaluation 的話佢一定係 very bad o個個.

下晝 check email, 今日有 evaluation 做喇, 即係比個 very bad 佢先! 跟住就去傾 project, 跟住去 library 搵書.

今日又比教練捉左出去打 free fight, 今次個對手冇咁強, 我都仲算係"有得打", 打上癮了, 比佢叫出去o個陣係好驚, 但係打完之後都會想再打. 不過打o既途中整親腳趾公, 痛死! 不過有個師兄踢人踢到隻腳咁流血, 我o個 d 算係冇事吧, 哈哈.

返到 hall 又係打機喎, 今晚唔返屋企喇, 聽朝有野做.

18 NOVEMBER 2004 - "無待"

今日o既 econ 堂講到妓女同經濟o既問題, 話題好有趣, 不過最後我都係訓左, 近來已經比較少上堂訓覺, 通常最尾o個一兩個字先訓啦.

今日professor wong 講"無待" o既思想, 最後講左個例子, 話你越係唔理一個人, 其實係就係越理佢. 佢講個例子係: 你討厭一個人, 咁你會專登擰個頭埋一邊, 唔望佢, 唔理佢, 其實當你做緊呢樣野時, 你咪理緊佢囉, 不過用另一種方法去理.

上完堂食個 tea, 就去做 helper, 幫手佈置影展. 我明知份功課做錯左, 都要去做先, 最後攪到上住堂去改份功課... 可能又係因為飲酒先做功課, 咁就出事喇. 落堂就繼續去做 helper, 跟住返 hall 打陣機, 就去 bazaar 幫手.

bazaar 其實即係好多檔賣野食o既攤位o係一個地方賣野, 我地o個層樓賣魚旦, 燒賣, 反應似乎唔係咁好, 人地賣燒魷魚, 點都好過我地啦~

o個度有得打 winning, 不過要錢的, $2! 不過照比佢啦~ 我玩左幾局先輸, 都算係咁啦~ 返上去又繼續打機...

阿詩話佢個 lang 聽日要交 fyp outline, 而佢個 lang tutor 鐘意 d 郁得o既project, 咁就想講我個 project, 咁我就幫手打喇... 都好o既早 d 做完一樣野嘛. 聽朝一定要知醒!

17 NOVEMBER 2004 - 呃酒飲

今朝堂 ieem311 訓到流口水! 真係第一次.

下晝冇堂, 係咁做功課. 程仔話比班同學仔杯葛喎, o個班人真係莫名其妙. 跟住去左開會, 主席話我 reserved o既 meeting room 比人用左黎

interview, 一間叫 kpmg o既 account firm... 入面個負責人唔知係咪聽到我鬧, 所以出左黎, 佢伸個頭出黎話"我地好快走架啦", 咁我就話:"咁快 d

啦喎". 真係痴痴地的~ 個會開到九點, 跟住同莊員們食飯, 食完準備返hall 之際, 撞到源哥, 跟住去 hall one 睇下有乜 function, 最後呃左支酒飲. 返

hall 又係做功課.

臨訓前做左 d project 野, 跟住先訓.

16 NOVEMBER 2004 - 薄餅當然係薄的

今日幫樓會買汽水, 買左 $400, 希望後日o既 bazaar 賣得晒.

ieem society 今年唔攪 annual gala, 變左攪 fun day, 即係要 informal... 可能開頭少人, 個氣氛唔係咁好, 只係一般, 或者係我冇留意, 淨係玩 winning. 之後人多返 d, professor 黎埋, 氣氛就好好多喇, 不過我都係用左大部份時間打winning. 同場仲有得唱 k, 都幾多歌, max 係咁搵人陪佢唱
f4 o既流星花園, 最後我都奉陪啦~

除左玩, 仲有食, 佢地叫左 d 到會, pizza 唔係 pizzahut, 係一間唔知乜野, 好似我屋企樓下o個一間咁, 因為佢 d pizza 好薄, d feedback 唔係咁好, 我就覺得不錯, 叫得薄餅當然係薄架啦~

到走之前都係玩緊 winning, 哈~ 總括來說呢個活動都算係不錯, 有得玩有得食. 不過 objective 就達唔到喇, 原本係想拉近大家o既關係, 但係熟o既人自然就會行埋一推.

返 hall 之前一大班人去左食糖水.

15 NOVEMBER 2004 - 好毒

真係大頭蝦, 原來唔洗上 lang 306 都唔知, 好彩唔只我一個, 仲有個 langmate 都係同我一樣. 放左學, 好想即刻返去打三國志, 但係又同阿禮去左

睇 ie 打籃球, 越睇越失望呢. 返到 hall, 都係做 report d 野, 跟住就繼續玩三國志喇, 痴線的, 真係停唔到手的!

好難先停到, 好毒...

14 NOVEMBER 2004 - 今日乜野日子?

早早起身去左踢波, 今日同自己人踢, 唔知係咪因為咁, 好似踢得好左喎. 今日維園勁多"賓賓", 乜野日子呀? 攪到水洩不通. 已經十一月, 都仲覺得熱, 攪錯..

返到屋企個人已經散晒, 計落應該踢左兩個鐘頭多 d d. 訓陣覺, 起身繼續做 report. 估唔到會比呢份 report 攪到咁, 想打機都冇時間. 好彩早早就開始做...

夜晚食個飯就返 hall, 返到 hall 又繼續做, 做完已經五點鐘喇.

13 NOVEMBER 2004 - 有錢人的玩意

今日去屯門打 golf, 原本講到好似好多人去, 最後只係有六個人打, 有我, 鴻, 學而, 禮, 詩, suki. 初嘗有錢人的玩意, 帶來的感覺只是沒趣, 失敗感, 手指感到疲倦. 因為經過多次嘗試, 都未能找到竅門. 如果有機會, 我會再次尋找竅門的.

打完 golf, 就一齊去屯門市中心, 跟住又去左元朗, 全程我都唔知發生緊乜野出, 又坐巴士, 又坐地鐵, 真係比人賣左都唔知乜野事. 去到屯門一間聽講好出名o既糖水鋪, 睇價錢就知, 同滿記有得 fight, 叫左楊枝金露, 腸粉, 魚旦, 食完就坐巴士去到旺角, 再返屋企.

返屋企又做下份 report.

12 NOVEMBER 2004 - 一方面期待...

十點幾先後收到阿鴻同阿禮o既電話, 急 call 我去上堂, 呢個 course 唔可以 absent 的! 咁我就由 hall 飛出去, 只係用左五分鐘! ta 1 就話我遲多過半個鐘, 當 absent, ta 2 就話算數, 當 late, 咁就當 late 啦~ 好彩. 但係今朝個 econ tutorial 又 take attendence, 即係佢 take 兩次 attendence, 我都唔o係度, 其他堂我都上足的, 麻煩了, 唯有睇下醫生, 要張醫生紙睇下有冇計傾啦~ 今次只係好少病, 平時我一定唔會睇呢!

食完飯就做 project 野, 上完英文, 就去傾 project, 依家老細唔明我地 up 乜, 個 ta 先明. 英文堂做 pro-test, 岩多上次幾條啦~ 冇付出唔會有收穫.

跟住又去呃飲呃食! 太正了! 睇見 d 人著住袍好開心o個個樣, 有 d 期待. 一方面期待, 另一方面唔捨得短暫的大學生活.

返 hall 執埋野就返屋企喇, 返屋企又玩左一陣三國志, 跟住開始做 report 了... 死, 玩上癮了!

11 NOVEMBER 2004 - "招待"

下晝食完 tea, 又繼續為份功課努力, 灰, 都有 d 地方錯左, 幾乎由頭做過. 放左學, 齊點左右, 我地一齊去呃飲呃食, 事源呢幾日畢業禮, 學校有茶點招待, 我地都去比人"招待"一番呢~ 茶點就係一 d 甜品, 三文治, 春卷, 咖哩角之類o既野, 仲有果汁先生呢~

食到有 d 飽, 就返 hall 喇, 今日可以去睇 magic show, 又或者 join ayp o既 bbq, 但係我都係返左 hall, 打三國志, 正當我準備食杯麵時, tutor 入黎叫我去 hall forum... 我當時就係打緊機, 冇得拒絕啦~

hall forum 就係同 hall o既高層見面, 例如社監, 經理... 有人提議整一個 quiet hall, 成個 hall d 人都要靜, 痴線的, 又話整 quiet wing, 都係無聊的. 其實我個 hall 都唔算嘈啦~ 成層都摺的. 繼續討論嘈音問題, 佢唔講我都唔記得, 夜晚十一點後係唔可以製造嘈音的. 但係真係好多人連呢 d基本意識都冇, 可憐.

又講過一 d considerate o既問題, 有 d 人對住熟人先 considerate, 唔係咁熟就理得你死. 我應該唔係呢類喇.

hall forum 完, 未完, 係我走先, 跟住過隔離房打機. 攪到好夜先開始做功課. 大事不妙, 今次份功課真係難做, 份功課做 sql 的.

最慘就係我以前學過, 識得開個 access, 打 d sql 入去睇下有冇錯... 咁就發覺錯到九彩, 同阿禮, 阿詩做到三點幾, 之後我自己繼續做到五點幾...

10 NOVEMBER 2004 - 特別的感覺

今日做畢業禮 help, 時薪 $35, 做兩個半鐘, 到時到候真係有人趕你走, 驚死我會 ot. 做乜野呢? 都係 d 好簡單o既佈置工作. 睇住 d 人著住畢業, 我有一種特別o既感覺, 講唔出o既, 唔知乜野感覺. 如無意外, 下年就到我啦~

做完就返 hall 訓覺, 跟住又出去 library 做功課, 不過都係未做晒, 因為用左好多時間睇書.

食完野, 見到squash club 攪 pub night, $10 三罐喜力, 唔抵得咁平之下, 咁就買左三罐, 我覺得唔係幾好飲喇. 我一罐, 阿禮一罐, 阿詩一罐... 飲完又繼續做功課, 今次o係 hall one o既溫習室. hall one 每層都有溫習室, 岩晒我呢 d 摺人呢.

09 NOVEMBER 2004 - free-fight

今日上乜堂都係咁訓, 由九點到六點, 中間有個半鐘之外, 我都用左唔少時間係咁訓... 今朝買左杯horlick 上 lab, 點知比我倒瀉左三分一半, 攪到我件 soc jac 成陣好立克味, 今晚都係時候要洗了.

放左學之後去左陪跑, 點解話係陪跑呢, 因為我陪佢地練跑, 佢地要參加比賽, 而且我真係跑得慢, 只係陪跑份子. 今日都係練長跑, 速度比平日快吧, 因為跑左三個圈左右就開始覺得累.

跟住去練跆拳, 冇抽筋真係奇蹟呀! 唔知好彩定唔好彩, 比教練捉左出去打 free-fight, 好彩大佬借護手護脛比我, 我先唔洗用公家野. 一早就著好護甲, 帶埋頭盔, 都未出去, 而經腳震震了, 一來已經疲倦了, 二來當然就係怯啦.

出到去, 都係比人打多, 這是意料中事吧. 只係打左一陣, 已經有些少腳軟, 冇氣了, 但係過程係唔會留意觀眾的, 全程都係望著對手. 阿光話第一次令人回味, 今次都幾回味o既, 期望下一次會做得更好啦.

08 NOVEMBER 2004 - 馬拉松式會議

今日準時去聽星期三 student helper 一職o既 briefing, 原來只係一 d 簡單o既庇護工作. 跟住做左一個悶 lab, 呢個 lab 呆坐半粒鐘, 唔可以出聲.

下晝o既 presentation 都算係咁啦, 唔係好好, 都可以接受啦, 可惜係唔夠長o者.

中間有一個鐘空檔, 去左 library 想坐o係 sofa 到訓覺, 咁都比人鬧, 話要訓就扒o係張台上面訓會好 d....

放左學去開會, 呢個係一個馬拉松式會議, 超長.

跟住就去左 new hall 玩煮飯仔, 依舊我都係負責洗碗o個個. 本來諗住食燒烤食剩o個 d 野, 點知全部都變壞晒, 除左丸頪... 食完飯居然坐o係到睇

<天國的楷梯>, 個女主角喊左幾十次, 真係做戲咁戲. 跟住就去做 econ 份功課. 去阿倫個 hall 做功課, 好辛苦的, 佢盞書台燈太光猛, 睇野好辛苦.

07 NOVEMBER 2004 - 悶波一場

好耐冇打機喇, 今日終於忍唔住手玩返兩局! 打完機就溫左一陣書, 跟住又訓著左, 醒返, 食個飯就返hall 喇.

返到 hall 睇曼聯對曼城, 悶波一場呢. 跟住繼續準備聽日o既 presentation.

06 NOVEMBER 2004 - 瑞士牛河

今日去考黃帶, 依舊, 人多o既時候我點都會有 d 怯場. 過程總算順利, 但係睇見其他人, 套拳明明打到錯錯, 都 pass 喎, 哦, 呢個館都幾o棄.

考完試就去踢波, 去到已經十點了, 咁就踢左一個鐘, 就收工了.

跟住食左個"瑞士牛河", 味道不錯吧.

05 NOVEMBER 2004 - 上癮?

又遲左起身喇, 好彩今次淨係遲左半個鐘, 可以拎返份econ 卷, 踩 mean 啦, 改卷o個個亂黎呢, 成條一分都唔比... 都唔係真係一分不值吧. 我同 magic 話d 人成日都亂改卷, 比佢睇返 database 份卷, 佢又真係睇到有問題喎, 我個人都幾"盟塞", 睇都未睇過份卷就話人地亂改. 定係堅持

呢? 堅持自己o既原則都唔係壞事吧.

一邊食 lunch, 一邊聽歌, 因為今日有 singing contest, 質素都唔差的! 跟住就去左 library 訓覺, 然後就去 hp lab 傾 project, channa 先係路嘛, 幾好呀, 唔會乜都要你自己黎. 去 ayp 個 counter 坐下, 佢地話我差少少野就可以考章啦喎, 銀章喎, 係咪咁簡單呀?

跟住就係傾英文o既 presentation, 睇黎都係要我膽大旗, 冇法啦, 其他 groupmate 要玩航青... 呢樣都係預料之內吧, 相信其他人都唔係唔想做o既, 不過時間上的確冇機會比我證實呢~

今日o既訓練極之辛苦呢, 一來我唔夠訓, 二來我之前食左野, 差 d 嘔左出黎呢. 之後又返 hall, 跟住同阿詩去左bbq site 搵阿禮, 佢同 ayp o'camp o個 d 人燒緊野食, o個 d 係其他 u o既 ex-co. 最後呃左支酒飲. 呢排好似成日飲酒... 會唔會上癮架? 其實留o係o個度一齊燒都唔係唔得架, 佢地都似係食唔晒架啦~

跟住就回家咯, 回家的路我都係矇矇矓矓, 好快就到呢~

由於唔知八達通要 update 個學生身份, 今日呢程地鐵比人收左 $10 ! 即係成人價呢, 蝕! 好耐之前就交左 form, 但係跟住點做就唔知, 今日就知啦

~

04 NOVEMBER 2004 - 反底!

今日派卷啦~ 考得一般咋, 不過我個分數對好多人黎講已經好好了, 總算係冇 below mean 啦, 最近上堂o既內容越黎越難唔明, 想反底真係唔容易.

好耐好耐冇試過六點幾咁早返 hall , 返 hall 又唔知做乜, 咁就訓陣覺啦. 都未訓到, 就得知 econ 份卷放左o係 office 門口, 我又行左出去, 咁其實我都幾緊張喎, 最後當然無功而還. 跟住同阿禮去百佳買野, 人就好肚餓, 見乜都想買, 好彩最後都忍到手, 淨係買左一pack 五盒百力滋. 跟住就同阿禮, suki 阿鈞去 seafront 食野. 係就係肚餓, 但係都係想食麵, 但係又知食麵唔夠飽, 是但啦, 照食麵啦.

返 hall 又好似冇野做, 或者話有野做, 不過唔係聽日交, 咁就開三國誌玩, 玩左好耐...

03 NOVEMBER 2004 - 影樓

今日試飲樂天o既檸七, 極難飲呢.

今日羽毛球, IE 對 MECH, 我地又嬴喇. 嬴得好驚險, 女雙輸左, 女單呢, 阿鈞由淨輸六球, 打下打下最後居然嬴左. 我睇波成日都期望補時階段會有入波, 所以佢未輸o既時候我都仲會妄想有機會嬴.

跟住我就去幫手 set up 影樓燈, 人就極眼訓, 兩個女 model 唔洗錢比我影, 我都唔想影, 淨係用 dc 影左幾張就算了. 唔影都冇錯的, 因為身為一個 ex-co, 唔應該同 member 爭影的. 以前上影樓係好開心o既事, 今次就o係唔係咁願意o既情況下去呢. d member 走晒之後, 其他莊員繼續影多陣, 我想幫手收野, 所以就唔走住啦, 但係最後都係走人了. 今次請黎o既 model 除左有 karen 外, 仲有一個都幾出名o既 小千, 我就覺得唔係咁正, 但係有 d 人又好受落. 甚至我知點解有人會咁極力推薦呢個 model... 原來自己本身係 fans... 通常 d 人都會覺得呢位叫小千o既 model 好, 但係我覺得我地個 model 都好, 表情多 d.

返 hall 就食公仔麵, 跟住就溫書....

02 NOVEMBER 2004 - free rider

就算訓到十一點幾, 我都淨係訓左五個鐘, 捱住眼訓咁上堂, 上完堂又要去抄功課, 跟住又要上堂, 都冇時間食飯... 淨係買左個三文治... 由起身開始, 我淨係食左兩包餅同埋一份三文治... 聽左咁多堂老子, 發覺講極都係o個個意識, 真係膽心編文唔知點作了.

今日 professor lee 話要玩乜野production planning o既遊戲, 無聊到爆, 咪又係做 exercise 咁做.

今日早左落堂, 去左 queenie 個 hall 到食餅充飢, 跟住又出返去幫 francis 搬影樓燈, 佢又再次提到 free rider o既問題... 冇法啦, 可以點呢?

跟住又去操體能, 其實唔夠訓去操真係幾危險, 暈低左都得呀. 可能因為唔夠訓o既關係, 拉筋有困難.

食個飯返 hall 又要教對面房功課呢.

01 NOVEMBER 2004 - 蠢

一起身就同埋 magic, 阿 roy 去搵 dr. so 問功課, 好彩上去問一問, 如果唔係份 mid-term 必死呢. 問到過晒鐘, 咁我決定走堂, 食飯再溫書, 溫左一陣又眼訓, 訓醒都係覺得唔夠時間溫, 所以又走多堂英文. 終於夠鐘考試喇, 份卷唔係想像中般難, 起碼我答到好多野落去, 雖然我唔知我答得岩唔岩. 考完又係去食飯, 食完就去洗衫, 洗完就同阿禮, 阿詩去做功課. 聽日就要交功課, 但係幾乎個個都未開始做, 因為要溫書. 我地去左一個 seafront common room, 不幸地drama o既人o係度 rehersal, 真係好嘈的, 佢地都冇心o既, 我地又笨呢, 點解唔走呢... 蠢囉.

做到兩點幾, 都係冇乜成果, 只係做左一半左右. 唔理咯, 我要返去睇波! 場波四點先開波, 一睇就睇到六點喇. 諗住一邊睇波可以一邊做功課, 原來係唔得o既.

31 OCTOBER 2004 - 人各有志

一早起身就去踢波, 最後不歡而散. 因為對方不時出"超技術", 隊友們有幾憤怒, 我唔知, 因為我唔在場. 我覺得大家都係同一類人, 我地都會出超技術呢, 不過當然出得很少. 對方的理據是不可能隨被我們過, 我也不反對他的說法呢. 超技術也是足球的一部份吧. 即有些人會為求達到目的不擇手段, 人各有志吧.

回家已經三時左右, 小睡片刻我又繼續溫書了, 讀書就是這樣的. 過程太過苦悶了, 我不是太留心去溫呢. 晚上吃了住家瑞士汁雞, 好味呢. 吃個飯又是返回學校... 回到宿舍, 到這兒, 到那兒, 直到四時左右才睡呢.

30 OCTOBER 2004 - 白老鼠

起身就同媽媽去惠康買野, 一齊去就寧捨浪費時間, 返屋企煮埋野食, 咁就三點幾四點喇, 溫左冇幾耐又訓著左, 起身溫多陣又出去剪頭髮. 將自己當做白老鼠咁, 今次去呢間, 下次又唔知去邊間, 不過其實間間都差唔多o者, 我冇乜要求o者. 返屋企轉個頭又去老麥食野, 返屋企又係溫書.

可能因為星期一考o個科係 open book, open notes, 所以溫得冇咁留心. 今日溫得唔係好多. 唔夠效率.